اللي والده بالعدان حياج

[No0oT]

السلام عليكم

بنات انا صارلي 4 تيام والده بالعدان طبيعي الحمدالله وانا بجر

قاعد احاتي الخياط شلون خياطهم زين او لا ؟

بس هذا سؤالي ومشكووورات

 

[لسووعه]

أنا منومه عندهم يعني بولد عندهم إن شاء الله وخايفه من ولادتهم عفيه شلون كمامهم ولا انتي ماخذه ابرة الظهر و منو اللي ولدج أي دكتور ؟

وسوري كثّرت بالأسئله

خالتي تقول خياطهم زين

 

[KOKO_284I]

ان شالله البنات يفيدونج

وحمدالله عالسلامه

 

[No0oT]

لسوعه حبيبتي ولادتهم سهاله مشالله بس ساعديهم

راح تولدج سستر بس اللي يبط ماي البيبي والخياط دكتور

انا اخذت كمام خليه وشمي شمي لا تشيلينه

زين طمنتني خالتج فديتج

 

[لسووعه]

إي عارفة أنا نزلت الولاده ثلاث مرات وكنت أشوف إن السسترات يولدون

إنزين حسيتي بالخياط


ليكون انتي والده 19-7 في وحده كانت بالغرفه اللي يمي وتقول يارب بس ارحمني اليوم وأنا أقولها شمي الكمام من خشمج وسكري حلجج

مادري ليش أحس انتي

 

[No0oT]

لا لسوعه انا دخلت ١٧ الساعه ٧ وولدت الساعه ١ تاريخ ١٨

 

[لسووعه]

�� عبالي انتي

انزين عفيه حسيتي بالخياط ولا لا ؟

 

[q8helwa]

العدان محد يمدحه

وحتا خياطة كلش موحلووو

 

[No0oT]

لسوعه لا يبنجونج بعدين يعطونج مسكن يعني ماراح تحسين كلش*

 

[رانيا6]

حمد الله علي السلامه

 

[بنت ريلي]

انا ولدت بالعدان قبل 7 شهور وخياطهم تمام لا تحاتين ?

بخصوص الكمام كان حلو بس يشيلونه وقت الولاده عشان تساعدينهم

 

[راقيه وجذابه]

حمواتي والدات فيه بـ بجرهم وكلهم يمدحونه ويصبرون ع الوحده عشان تولد طبيعي

وفي شغله بقولج عليها

والله العظيم ان في قيصريات يطلعون من نفاسهم خربانات بسبب الاهمال تخيلي قيصريه

اهتمي بعمرج عدل وكثري من الفلفل الابيض والزنجبيل والفلفل الاسود والحلبه وهالشغلات ترا تصك اللحم صك

اعتني بعمرج وراح تطلعين بنت ان شاءالله

في موضوع بـ ملفي الخاص عن خلطة ( الفلفل الابيض والزنجبيل مع الحليب ) يظيييييق وينشف ويطلع كل الافرازات والهوا الي فيج صج يردج بنت

دشي وشوفي الموضوع

 

[راقيه وجذابه]

هذا الموضوع

نصيحة اخت استخدمي هالخلطه وراح تدعين لي والله ماراح تندمين

http://www.q8yat.com/t1060569.html

استخدمي بس الفلفل الابيض والزنجبيل مع الحليب وشيلي الماش من الخلطه لأنه يمتن

موفقه

 

[كتالونيه]

رررفع

 

[ام فوااز]

الحمذالله على سلامتج حبيبتي
أنا والده فيه قبل 6 سنين لوووول بصراحه الكمام كان كلش مو شيء معطيني أكسجين قاصين علي يقولولي كمام بس كانت السهاله من الله بس خياطهم كان زين لاباس فيه وماحسيت بالخياط كنت مبنجه بس الحين توني دشيت شهري وبروح خاص بنحاش ابي ابرة الظهر

 

[دلوعه القمر]

خياطهم زين تطمني

والحمدلله ع سلامتج

 

[گـحِـلْ |~]

ماعندي فكره تقدرين تروحين اذا طاف لج ٢٠ يوم وفوق لطبيبه خاصه تشيّك وتطمنين

 

[لسووعه]

بنات شلون خياطهم ؟

 

[c00L G!RL]

بناااااااااااااات

تكفون العدان يولد طبيعي بعد القيصريه ساااااعدوني
و ردو علي

 

[لسووعه]

كول قيرل إي عادي حبيبتي شكثر يكونون والدين عمليه بعدين طبيعي بالعدان أهم شي راس البيبي تحت و اذا مو تحت يعطونج موعد ويفرونه أظن روحيلهم وإن شاء الله تولدين طبيعي بالسلامه