اللي والده أكثر من مرتين ممكن دشين موضوعي

[ليموني]

السلام عليكم ورحمه الله وبركاته

شلونكم شخباركم وعطله نهاية اسبوع سعيده باذن الله


سؤالي شنو الفرق بين ولادتج الأولى والثانيه أسهل ولا أصعب؟ومتى ولدتي

بولاداتج من أول التاسع ولا اخره؟

أنا حامل للمرة الثانيه وخايفة وناس يقول أسهل والطلق مايطول

بنات أبي تجاربكم ريحوني الله يريحكم بالدنيا والاخره

والله يسهل علي وعليكم وعلئ الجميع

ومشكورين ناطره ردودكم

 

[.،:"$الـعـوبــــة$":،.]

رد : اللي والده أكثر من مرتين ممكن دشين موضوعي

دامك خايفة ماراح اتكلم ،،
بس برفع لك الموضوع ،،
واقولك التساهيل من الله إدعي وتصدقي بنية تسهيل الولادة ، وكله أجر باذن الله ،​

 

[ندو السبيعي]

رد : اللي والده أكثر من مرتين ممكن دشين موضوعي

ولادتي الثانيه اصعب كانت لانه كان ولد والبكر بنت كانت اسهل مايكون والله يهون عليك

 

[الاحساس والطيبة]

رد : اللي والده أكثر من مرتين ممكن دشين موضوعي

كل ولاده تختلف عن الثانيه انا ولاتي الاولي ولدة بالسابع والثانيه خلصت التاسع وزياده اسبوع والثالث كانت روعه ماحسيت لا بوحام والولاده كانت سهله اما اخر ولاده تعبت حيل بس الحمدلله عدت علي خير الله يسهل عليج هي التساهيل من الله بس الاغلبيه يقولون الثاني اسهل الان الرحم يكون تمدد بس موصيج بالادعيه لتسهيل الولاده

 

[LiL MaMa]

رد : اللي والده أكثر من مرتين ممكن دشين موضوعي

حبيبتي الولاده و الحمل تفرق من وحده لي وحده في ناس كل ولادتهم سهله
و في ناس الاول سهل و الثاني يطلع العين
و ناس ماشالله سهالات
ماتخوفين نفسج و تسمعين كلام يخليج تحسين بالعوار غصب
لأن هالمواضيع تأثر على النفسيه
و الله يسهل عليج ولادتج انشالله
و يرزقج الذريه الصالحه
و مو تنسين ان كله بأجره عند رب العالمين
و العوار و التعب كله يروح اذا شفتي ضناج بيدج

 

[منيرة خالد]

حبيبتي لا تحاتين


كل ولاده لها خصوصيتها وحالتها والتساهيل من رب العالمين ، كثري من الدعاء و قراءة القرآن

 

[حنين الكويت_]

رد : اللي والده أكثر من مرتين ممكن دشين موضوعي

ولادتي الثانيه كانت أصعب شفت الموووت بغيوني وكان رأس البيبي فوق يعني نزل على ريوله وولادتي الأولى كاانت من أسهل مايكون وبالنهايه التساهييل من الله والله يهون عليج

 

[مي الحلوة]

رد : اللي والده أكثر من مرتين ممكن دشين موضوعي

لاتفكرين اكثر من اللازم..
وانا ولادتي الثانية كانت سهلة اسهل من الاولى دخلت المستشفى 3 ساعات الا انا والدة..
وصدقينى كلهاااا تساهيل من الله..والله يسهل عليج يارب..

 

[om al ghaleen]

..,, السهاله من الله ماله شغل ثاني وثالث حتى البجر ممكن تكوٌن ولادته عسره
بس اللي تحمل ورا بعض يعني فجه شهوٌر تكون ولادتها سهله وخفيفه"

\\

 

[ام طلال]

رد : اللي والده أكثر من مرتين ممكن دشين موضوعي

السهاله من الله مالها علاقه بعدد الولادات حبيبتي
المهم كثري من الدعاء وربي يسهلها عليج ان شاء الله وعلى كل حامل

 

[بنتq8]

االلة يسهل عليج

 

[ليدي الامارات]

حبيبتي لاتخوفين نفسج الولادة الثانيه أسهل من الاول والله ايقومج بسلامة وتشوفين ضناج بحضنك بصحة وعافيه

 

[ليموني]

جزاكم الله خير والله يسهل عالجميع ودي أرد عالكل بس أنا داشه

عن طريق التلفون وتغث خدمه النت

 

[الصعيريه]

رد : اللي والده أكثر من مرتين ممكن دشين موضوعي

التسااهيل من الله
انا بولادتي الاولى ببنتي قعدت اسبوع من شهري وعقب ولدت و الحمدالله سهالات معني كنت والده بمستشفى حكومي يعني لاكماام ولاغيره وسبحان الله حييل تسهلت
وبولادتي الثانيه بولدي طفت شهري ومآولدت الابطلق صنااعي وولدته بالخاص
وإن شاءالله ولادتي الثالثه تكوون سهالات ومن غير طلق صناعي


وعسى الله يسهل عليج وعلينااا

 

[للحين ناطره]

التساهيل من رب العالمين

 

[نارنجه]

رد : اللي والده أكثر من مرتين ممكن دشين موضوعي

التساهيل من رب العالميــن ربي يسهل عليج الحمل و الولادة ... ويتمم عليج وعلى البيبي بالصحة والسلامة

كل حمل يختلف عن الثاني .. بس غالبااا يكون اسهل لو ان وضع البيبي طبيعي ..


انتي دايما اقري سورة مريم .. و لاتنسين الاذكار و حصني نفسج كل يوم .. وهالله هالله بالصدقات

 

[ليموني]

مشكوؤين حبايبي وربي يوفقكم ويخليكم لحبايبكم والله يسهل عالجميع ان شاء الله

 

[حشمه]

رد : اللي والده أكثر من مرتين ممكن دشين موضوعي

كل حمله غير عن الثانيه بجري ولد

واخذت من شهري اسبوعين

وولادتي الثانيه اسهل مع انها

اخذت شهري كله وكانت بنت

يعني الولاده مالها شغل بنوع الجنين

او عديتي شهرج او لا

 

[nadoo]

التساهيل من رب العالمين

 

[جذابه بنت ذيابه]

رد : اللي والده أكثر من مرتين ممكن دشين موضوعي

الله يسهل عليج وعلينا ياررب



والله ما ادري
ولدة مره وهذي الثانيه والله يسهل يارب