اللي نظرها حييييييييييل ضعيف و للي مسوين ليزر ليزك اي شي حق عيونهم تعالو شوي محتاجتكم

[om-a7madeno]

السلام بنات اشلونكم:68_asmilies-com:
بنات بليز منو نظرها حيييييييل ضعيف و سوت عمليه حق عينها انا نظري وايد خف و حدي متضايقه امبي شبه عميه بنات نظري -7 على 6
والله كنت خايفه اسوي العمليه بس الحين بسويها عقب ما اتوكل على الله
منو احسن دكتور يسويها و ابي شااااااطر
و اقدر البس عدسات عقب العمليه بمده يعني شهر جذي
طمنوني بموت من الخرعه:0bee2e8d89:
:0bee2e8d89:
:0bee2e8d89:

 

[جنات الورد]

لا حبيبتي لاتخافين وايد سهله العمليه انا مسويه ليزر لانه قالي القرنيه عندج ماتحمل ليزك والحمدالله مرتاحه احسن من العدسات والنظارات

وانا سويتها عند سامي الربيعه خوش دكتور

 

[سندريــــلا]

اختي سوت ليزر عند د حسين العباد
والحمدالله مافيها الا العافيه العمليه بو ربع ساااعه وخلص
بعدها تشوف من غير عدسااات ولا نظاره ارتاحت الحمدالله

وظلت فتره ماتلبس عدسات ملونه

 

[om-a7madeno]

اشدعوه بنات 31 مشاهده و ردييييييين بس؟؟؟؟؟؟؟؟؟؟؟
حبيباتي مشكورين و النظر عندهم حيل ضعيف

 

[دلوعة ميدو]

حبيبتي انا سويت بمستشفى دار الشفا عند دكتور كويتي انا وخواتي وبنات خاتي سوينا عندة وايد زين بس مااذكر اسمة
والعملية ماتعور واايد لما تسوينها بس لما تخلص تتعبين الصراحة بس بس تنامين بو ساعة وتقعدين يخف العوار
وسالفة العدسات انا الدكتور نصحني مالبسها سنة وصج ما لبستها ويوم جربت لبستها ماتحملت بس يمكن انا عشان فيني جفاف حاد
بس والله نصيحة اختي سويها واااااايد راحة نفسيتج ترتاح
واذا تبين اسم الدكتور اقول حق اختي وادزلج اياة

 

[om-a7madeno]

مشكوره حياتي انا عيني تعبت والله من العدسات ما البس نظاره كلش و البس العدسات طوووووووووول اليوم لما انام اقطهم صار لي 12 سنه بس احس خلااااااااااااص تعبت عيني
و قاعد يقل النظر
غير كل مره تنخدش القرنيه و مره جفاف و مره جروح زهقت بس

 

[sozeeta]

قبل العملية باسبوعين لازم ما تلبسين العدسات اللاصقة ولازم يفحصوا لك سماكة القرنية ، وبعد العملية لازم لمدة شهر ما تفركي منطقة الجفن يعني لا كريمات ولا كحل ولا مكياج . بس النتيجة تستاهل ، استخيري وتوكلي على الله

 

[om-a7madeno]

زين بنات منو نظرها حيل ضعيف

 

[NooOooR85]

أنا كان نظري واااايد ضعيف و كنت حدي متفشله من هالسالفه بس الحين عقب ما سويت الليزك الحمدالله وااااااايد أحسن

أنا سويتها في مستشفى العسكري او ما اذكر اسم الدكتور ، العمليه خذت تقريبا 10 دقايق ماذكر لان كان السنه الي طافت
أنصحج لازم تسوينها ترا مافي أحلى من النظر الطبيعي ، بس لازم تلتزمين بالقطره أنا ما التزمت و احس عوار شويه بعيوني
و راح ارد احط القطره مره ثانيه

 

[حياتي لامي]

عند محسن ابل وانتي مغمضه انا مسويه عنده راحه نفسيه سواء بالمواعيد واسلوب من الدكتور يخليج تسالينه على راحتج ويقولج كل شي

وشنو محتاجه ويحدد العمليه وسهله مايبيها شي بس قوي قلبج وتوكلي على الله واذا خايفه من العوار راح يعطيج قطره ومحلول حق تنظيف

الجفن صج صج راحه وتحسين انج عايشه وبس اتبققين عيونج يمين ويسار من الوناسه ههههههه

 

[غنوة ستايل]

ياقلبي انا مسويه ليزك حق عيوني الثنتين بس مو بالكويت بمصر من 3 او 4 سنوات والحمد الله
اول شي ما كنت اشوف عدل . كله الاشخاص يبينون ذايبين قدامي . مافي حدود للشخص . وما اشوف حتى ارقام السيارات اللي قدامي
رحت الطبيبب وسوا لي فحص حق القرنيه يبي يشوف سمك القرنيه
بعدين قطرتين بعيوني . وخلاص ربع ساعه كنت مخلصه ولابسه نظاره سوده . وعطاني قطره 5 مرات باليوم وقطره ثانية فيها كورتزون . لمدة اسبوع او 5 ايام والله مو ذاكره
ترا العملية جدا سهله .
لان العين تكون ثابته . واذا رمشتي او عيونج تحركت الجهاز يطفي اتوماتيك يعني لا تخافين

 

[غنوة ستايل]

مشكوره حياتي انا عيني تعبت والله من العدسات ما البس نظاره كلش و البس العدسات طوووووووووول اليوم لما انام اقطهم صار لي 12 سنه بس احس خلااااااااااااص تعبت عيني
و قاعد يقل النظر
غير كل مره تنخدش القرنيه و مره جفاف و مره جروح زهقت بس

اي نفسي انا كنت البس نظاره
بعدين صرت البس سنه كامله عدسات مني ليما كرهت عمري من العدسه . ما خليت بوش ـ جونسون ـ بس كان يأذون عيوني
مني ليما كنت مسافره سياحه حق مصر وشفت اعلان المستشفى هناك . وعاندت الا اسويها
وصراااحه قرار حكيم غير لي حيااااتي للاحسن

وحتى الصيف هذا رحت حق نفس الدكتور ونفس المستشفى بس ابي اتأكد على عيوني قلت يمكن يضبطهم لي اكثر
قال لي الحمد الله ما تحتاجين اي شي .

المهم انج عقب العملية اسبوع لابسه نظاره شمسيه ثقيله عشان ما تشوفين الشمس
ولا تقعدين بتيار هوائي عشان العين لا تجف .
ويعطونج قطره ( رفرش آيز ) موجوده بكل الصيدليات ترطب العين ( كترطيب مو علاج ) لان بعد العملية ما تحتاجين اي علاج والحمد الله

 

[كويتيه78]

حبيبتي انا نظري كان ضعيف حيل وسويت ليزك عند محسن ابل وايد زين وسريع ماتحسين بش الا انتي خالصه وتحسفت ليش نطرت كل هالسنين ماسويها لانها وايد سهله

 

[om-a7madeno]

مشكورين بنات ريحتوني وااااااااااااايد

 

[LuLiTa]

انا نظري حييييل ضعيف و ان شالله ناوية اسويها ,,,,,

 

[miss_rsa]

انا كان كتير ضعيف و سويت ليزك قبل اربع سنين عند أمل دريني بس للاسف رجع مرة تانية نقص درجتين انا الوحيده اللي بالحياة رجع بعد العملية نقص و هلا بلبس عدسات:eh_s(16)::eh_s(16):

 

[SARA88]

انا بعد ناويه اسويها

 

[^^ROSE^^]

انزين العمليه حق كل شي ولا حالات معينه؟
انا عندي انحراف باليمين نص درجة واليسار ثلاث ارباع درجه
توني لابسه نظارة وما افكر احط عدسات
تهقون العمليه تحسن نظري؟

احس جني ابله بالنظاره لوووول

 

[زوجي نظر عيوني]

انا كان نضري ضعيف وايد 3.5 وسويت ليزر عن الدكتور سلطان المطيري والحمد الله الحين اشوف احسن من قبل واذا على العدسات قال بعد 3 اشهر وعادي لبسي وصارلي تقريبا شهرين

 

[بنفســـــج]

توكلي على الله وسويها

انا مسويتها من اكثر من 7 سنوات عند الدكتور عبد الله المنصور ومن وقتها حياتي غيييييييييير بدون نظارات وملاقتها

بعدين لا تعوّر ولالالالالالالا لحظة ابد ابد ابد ما ادري ليش اسمها عملية