اللي مو مصدق سالفة مكينة سنجر ... يدش يشوف بالصور ..

[خشف المطران]

الله أعلم شالسالفه .؟؟ وليش الناس تبيها لدرجه تدفع كل هالسعر ؟؟

 

[نيران]

الحيييييين صدقت

حساافة مكينة امى طلعت مووو المطلووبة

 

[خشف المطران]

بنات أمي عندها 2... اللي تبي .. عرضلي سعرها عالخاص ..
سنجر وعليها صورة الاسد ..

 

[SARA_912]

مافهمت؟

 

[قطوه اجناعيه]

اليوووم حطو سالفتها ان فيها زائبق احمر وهذا الزئبق ممكن ان يصنعوون منه متفجراات فياا ناس خافو الله بلي تشتروونه ولي تبيعونه
لان في مظره للوطن وللشعب ويمكن اتروح من ورا هسوالف ناس ابرياء ديروو بالكم

 

[خشف المطران]

الزأبق الأحمر .. مولاقينه إلا بهالمكينه ؟؟ ما أدري بس أحس في وراها شيء ثاني .. غير الزأبق ..؟؟

ولو نادر وصعب وجوده على قولتهم جان ما حطوه بالمكينه ؟؟

 

[قطوه اجناعيه]

والله اليووووووووم الصبح ورااس ابوي الغالي بسياره وانا رايحه الدوام قالو واذاعو عنه انه هذا الزئبق للمتفجرااااااااات

الله يخليج اختي هشي موعشان اضرج لاوالله حشى وربي لاكن عشان انبهكم والله لمصلحت الكويت واهلهااااااااااا

 

[فطومه]

معنى هذا ان اللى راح يشترون هالمكينه ارهابيين والا شيبون بهالزيبق؟

لاحول ولاقوة الا بالله

 

[خشف المطران]

صدقناج ماله داعي تحلفين ..
أصدق إنج سمعتي .. بس ما أصدق إنه الكلام اللي سمعتيه صحيح ..
وشدراه المذيع إنه للقنابل ؟؟ والمتفجرات ؟؟ يعني قاعد مع المدير الفني مال مصنع المتفجرات ..؟؟ وإلا شنو ؟؟

إذا يعرف واحد يشتغل بالمصنع مال القنابل .. بصدقه بس لاصار .. ما يدري وين الله قاطه مثله مثل 3 أرباع مجمتعنا الغالي .. بس نقعد نألف .. ونزيد .. ذكرتني بوحده مدرسه من زماااااااااااااااااان ..

.. تحلف وتتكفر إنه سماح ( الممثله ) يوم زانت وسوت عمليات . بوجها .. تحلف إنها.. مسويه عمليه بصوتها ههههههههههههههههههه
عشان يصير ناعم ..
قتلها زين .. سماح قايتللتج ؟؟ الدكتور اللي مسويلها قايلج ؟؟ شدراج .. قالت بس أعرف ... ههههههههههه

 

[قطوه اجناعيه]

خشف المطران

اختي بما انه ذاعوه براديو معنااته انه صحيح والبرناااامج مستحيييييييييييل اييب خبر غلط للانه رااح ياثر على برنامجهم ورااح يتحاسبوون
فيااا عمري الحمد لله لمن احلف ماني خايفه غير على ديرتي الكويت واهلهااااااااا

مومعنااته اني ابي اشوه موضوعج لاوالله بلعكس بس ربي اهوا الشاهد علي وعلى كلامي

وعلى نياتكم ترزقووووووووووووووووووون

 

[قطوه اجناعيه]

اي في شي يثبت كلامي موبس الاذاااعه همن الجراااااااااااايد بطلي الوطن والقبس اليوم اذا ماتقرين جرايد وشوفي

والله على ما اقووول شاهد

 

[نواري]

الله يعين الجميع

 

[nona moda]

ماقدر افيدكم لاني موفاهمه شي --------------> مااقره جرايد

بلاعوار راس

 

[&شوارفسكيه&]

يااااااااااي خشف الصور خطيره يا ناس معقوله اللي يصير
والله عاد انا اعرف لي واحد باع ثنتين ب 20 الف

 

[حيادر]

امبيه واي صار مخامط على مكاين الهنادوة

اخاف مو حاطين زئبق اخاف حاطين ذهب؟!!!

شالسالفة بالضبط ومن متى هالحجي صاير ؟؟؟

وشيبون الناس العادية بهالزئبق؟؟؟؟

 

[قطوه اجناعيه]

والله اتمنى انهاااااااااااااا تطلع اشاااااااااااااااعه هذا اهم شي الله يبعد عناااااااااااا الشر وعن ديرتنا وهلها

 

[دلوعة روحي]

نفس مكينة يدتي

لوووووووووووووووووووووول

بس و الله ما فهمت شالسالفة

ليش الززحمة ؟ و ليش هالمبالغة بالسعر ؟؟

 

[ابوس ترابج ياكويت]

شكلها قصتها قصه !!!!

 

[البرنسيسة غلا]

اي والله في ناس باعوا بيوتهم عشان يشترون هالمكاين ...
الله يستـــر ...

 

[^kloOot^]

من صجكم ؟؟


ماسمعت عن هالموضوع