اللي معها خبره بالاطفال تدخل

[غلبانه]

السلام عليكم بنات
شخباركم
اللي عندها خبره تساعدني
بس حاولوا تفهموني
ولدي عمر اربع شهور وشوي يعني دخل بالخمس شهور
طبعا انا جاني زكمام وعديته وصار يعطس بس ماينزل من انفه شي
وبعدها بكم يوم صار انفه يطلع صوت واحسه مكتوم
وديته المستوصف الي جنبي اعطته قطره محلول ملحي وقالت 3 مرات باليوم
حطيت له مافي فايده ماينزل شي من انفه ووقت يكون تمام يتنفس من انفه ووقت لا مكتوم يتنفس من فمه
وبعدا بيوم قعد يبكي حيل تعبني قلت اوديه مستشفى احسن
وديته كشفتت قالت الحمدلل صدره نظيف مافي كتمه بس زكام عادي
ورجعت كتبت لي قطره محلول ملحي وحطيت له برضوا نفس الشي يوم ينكتم ويوم اهون شوي
قريت بالنت انه اخليه يتنفس بخار حار سخنت ماي وخليته جنبه شوي
برضوا قريت بالنت ادهنه زيت زيتون مسخن ظهره وصدره وسسويت
مافي فايده اللي بانفه ماينزل
شريت له شفاط بايجون من الصيدليه حاولت اشفط مافي شي ينزل
اصلا انفه مافيه شي احس من داخل مكتوم
لاتضحكون عليه شفطت بفمي :eh_s(22):
نزل شوي بس برضوا مافي فايده
شسوي شنو احط له
الدكتوره قالت ممكن لحميه بس اوقات احسه زكام مو لحميه

منو صار معها كده وشلون تصرفتي
الله يخليكم بكريه ومتوهقه محد راضي يفهمني انه مو بصدره البلغم ولا بطرف انفه بالمنطقه اللي بنص قريب من العيون اللي تقريبا تكون سقف الفم

والله قريت وحده قالت حطي زيت جوز الهند يصير ينزل حطيت وتعالوا شموا الريحه وبدوووووووون فايده

 

[غلبانه]

اب
اب

 

[noo7a]

الله يشافيلج اياه
هم انا ولدي من اول ما يبته و خشمه كله مسدود
وقالولي احتمال لحميه

بس ترى ما انصحج
بالشفاطه
ترى اغشيه البيبي حدهاااا رقيقه
و مو اي شخص يقدر يتمكن من الجهاز و يعرف له

 

[غلبانه]

ماشفط الا مرتين ومنزل شي

ماراح اشفط فيها تاني

 

[روح مغليها]

فتره وتعدي
عااادي

 

[mafio98]

حطيه له اوشن سبري حق خشمه وبينزل الوصخ واذا مانزل ممكن يكون فعلا لحميه

 

[غلبانه]

قصدك البخاخ

طيب اشتريه عادي من الصيدليه والا اوديه المستشفى وطلب من الدكتوره تكتبه لي

 

[سمبتيك هانم]

وديه الطبيب انا ولدي تقريبا عمره 6 اشهر وديته الهادي كان خشمه مسكر ومايقدر يتنفس عطوني زيرتك نقط مع بخاخ ملحي بس مال الاطفال خلال 4 ايام صار وايد زين وتحسن

 

[شادن33]

لاتستخدمين الشفاطه موزين
عطيه ينسون اتخف الافرازات