اللي مسويه سونار رباعي ابييج بكلمه

[mooma]

السلام عليكم بنات شلونكم ؟!
عساكم بخيير
صراحه انا بعد جم يوم ادش السابع ان شاء الله و ودددديييي اسوي سونار رباعي
بنات اللي جربت وين سووت و جم اسعارهم ؟!
و شلووونه واضح ولا مو واضح ؟!
بليييز ردو عليي

 

[سمو ذاتي]

هلا حبوبه
أنا سويته باول اسبوع من السادس لانهم قالولي هذا احسن وقت تسوين فيه .. بمستشفي السيف ب45 دينار

اممممم و الله مادري شقولج اذا بخاطرج سويه لان احسه ماااااله داعي وتحسفت أني سويته شفت العيون بس مو واااضحه حيييل شفت النونو واهو يمص اصبعه لاف ويهه علي جنب وطول الوقت واهو مطمبز علينا 

والدكتوره تحاول تعدل فيه مو راضي يطالع علي جنب وبس...
حتي ريلي يقولي هذا الرباعي اللي اذيتيني عليه كلششششش موواضح لا ومطمز بعد هههههههه

ربي يتمم علينا علي خير بس مثل ماقلتلج اذا بخاطرج سويييه

 

[للحين ناطره]

انا رحت بنص السادس للامومه
الدكتور حاول بس كان مو واضح والبيبي نايم وحاط ايده على ويهه
دفعوني بس 8 دنانير
ورحت بالسابع وسويته وكان واضح بالنسبه لسونار رباعي
بس اهو ماله معنى مايبين الملامح عدل على قوله وحده كل اليهال يتشابهون بالرباعي
سعره ب 25 مع سي دي

 

[MiiMoo]

رد : اللي مسويه سونار رباعي ابييج بكلمه

يعني ما تنصحون فيه خخخخ بس جنه و وناسه لما تتطمشين عليه

 

[&تعب قلبي&]

امبلا واضح
وبنت بعدولاده نفس صورتها بطني واااايد وااااضح
بس كانت ضعيفه وتخرع صورة شوي
لانهاتكبرملامح بس نفس ملامح بنتي والله لما ولدتهافهمتي علي
وسويته بطيبه عنددكتور حييييل حبوب وطيوب
سواللي مرتين الله يوفقهم
لان المرة الاولابنتي كانت حاطه يدهاعلاويها
فماقدرياخذ صور وايد حلوة
ودايم تصد عن تصور قالي روحي وتعالي بعدين يمكن تغير وضعا وجيته
وسوالي
بعدنص ساعه زياده وناسه كانت
بس كان ودي بفيديو بس سيدي صور محفوظه فيه موفيديو
انتم جذي نفسي ولالا

 

[Dan Dan 88]

حبيبتي انا رحت المواساه علشان اسويه لقيت عنده زحمه وقلت اخليه وقت ثاني
وسعره بالمواساه ٤٥

بس انصح انج تسوينه باول الثامن او اخر السابع عشان يكون واضح

انا ناطره ان شاء الله نص السابع و راح اسويه

 

[mooma]

يعطيكم العافيه بنات
بس انا بغيت اعرف درجة الوضوح لان في اماكن مو واضح
و يعطون سيديات فيديو مو صور
وو مادري حسستوني ان ماله داعي لوول
يعني اذا كانت حاطه ايدها على ويها ولا لافه ويها
لان انا بالسونار العادي ما عطتنا ويها الا مره وحده و الباجي يا لافته يا تحت يا ايدها عليه مادري شتسوي !!

 

[ست 666]

اذا كنت بتاكد من جنس البيبي السونار الرباعي اضمن صح ..؟

 

[بداية المشوار]

بالمواساة 45
ست 666
اي وتشوفينه اوضح

 

[فرفشه منعنشه]

سويته مرتين اول مره بالبجر عند فوزيه القطان + فتح ملف 70 دينار
ثاني مره بالشفا 35 دينار بس ماعجبني كثر سونار فوزيه كان سونارها حده حده وااااااااااااااضح ودقيق

 

[غلاي امي وزوجي]

انا سويته بطيبه وكااان حيل واضح فديته وب35 دينارر

وكااان واضح حيييييييييييل

 

[hneen2]

انا سويته ببنتي بااخر السادس اول السابع بدار الشفا انصحج فيه تجربه حلوه صراحه

 

[شفايف كرزيه]

ودي اسويه

انا بعد

 

[mooma]

والله ودي
بس قالولي اذا دشيتي السابع يصير كبير الياهل و ما منه فايده !!!
انزين دار الشفا جم سعره يسوونه ما تدرون !!
لان السونار العادي ادري ب 25 بس الرباعي بجم مادري !!

 

[ام خدود ورديه]

انا اسويه عن ليلى اشكناني او واظح معناها كانت صغيره فديتها وحطتلي سي دي اتسجل وعطتني صوره

 

[حورية الشماااال]

شجعتوني اسوي

 

[شووقة]

انا سويته بأول السادس وكان حيل واضح سي دي وصور
بمستشفى الامومة ب 25 دينار سويه احساس حلووو
ترى بالسابع البيبي يكون كبير ومايكون واضح هذا كلام الدكاترة

 

[mooma]

بنات بمستشفى الامومه كله رياييل دكاتره ولا في حريم ؟

 

[randomy]

انا سويته بالسيف بس كان البيبي لاف ويهه

يمكن 45

 

[عذوق]

والله انا من رايي ماله داعي

لما ينولد بشوفه ان شاءالله ليش العجله

اهم شي يكون مافيه شي من غير زياده او نقصان

وسبحان الله اغلبكم تقولون لاف وجهه او حاط ايده علا وجهه خلاص خلو البيبي بحاله

والله يسهل علينا كلنا يارب