اللي مسويه خشمها عند دكتور ماجد تقي بليز تدخل

[Nonii om bdbd]

السلام جميلاتي

حبيت استفسر منكم جم شغله بخصوص عمليه النوووز :bbbiu:
اليوم موعدي عند ماجد تقي .. على طول بس دشيت عليه قالي شنو تبين عمليه ولا ابر
قلتله انا كنت مسويه قبل سنتين تقريبا الابر بس ما احس تغير وايد يمكن بس 30%

قالي لانه بشرتج سميكه :eh_s(1): شنو يعني ؟؟

قالي عيل يبيلج عمليه .. على طول قالي ب 2450 مع المستشفى و4-7 عمليتج انشالله !!!!!!

وبقى يطلع ؟؟؟ جان اقوله دكتور ابي اراويك صوره اذا يصير نفسها ... ( كنت ابي نفس الايرانيه : صبا (عسل ))
قالي مو حلو خشمها و مبين fake قلتله ماشي شنو راح تسويلي قال اكسرلج العظمه اللي فوق علشان يصير يضعيف وارفعه شوي علشان يطلعلج بووز
قلتله اخاف مايغير شي بخشمي جان يقول انا بحاول اغير 100%
وقالي سوي تحاليل وتعاليلي ..
وبس وطلع

خشمي ضعيف بس مو وايد .. ومافي بوز كلش (نفس الكره ) وبس

وبخااااطري بوووووز حييييل



شنو رايكم يابنات اللي مسوين عنده ؟؟ وابي اي وحده شايفه احد كان نفس خشمي وعقب العمليه صار واو ؟؟
وسؤال شنو يعني جلده سميكه ؟؟ يعني العمليه بتكون صعبه ولا يعني عقب العمليه ماراح تبين النتيجه بسرعه ؟؟؟؟؟؟؟ :eh_s(22):


وشكرااا :eh_s(7):​

ما مداني اساله شي ؟؟ ولا شرحلي شي

 

[خيال دبي]

انا شفت شغله احسه حلييو بس مب جنه سعره واااااايد شغله مرتب بس مايغير وايد فشكل الخشم على حسب الصور اللي اشوفها البنات اللي مسوين عنده

 

[خيال دبي]

وبعدين الدكتوووور اللي مايعطيج فرصه حتى يعرف شو تبغين صدقيني بيسوي اللي هو يشوفه حلو عليج مب اللي انتي تشوفينه وفخاطرج فيه فلاتتسرعين مري على كدا دكتور وشوفي اللي بترتاحيله واكيد يوم بتسيرين العياده بتشوفين مسوي حق وحده من مرضاه يايتنه مراجعه وعقب قرري لان المبلغ اللي دكرتيه مب شوي انج تغامرين فيه بصراحه

 

[Nonii om bdbd]

عدل كلامج
بس سمعت انه اهو احسن واحد بالكويت يسوي الخشم الفرنسي
لانه اليوم لقيت جم وحده مسويه عنده ويمدحون شغله بس اهم كانو حاطين الجبيره على خشمهم فما شفت شكل الخشم

 

[Nonii om bdbd]

wainkom

 

[Nonii om bdbd]

البنات اللي مسوين خشمهم عند ماجد وييينكم

 

[حبيبي فيصل]

قووه ياااحلوات مااجد تقي كل نااس تمدحها بس اناا عن نفسس ابي سويه عند دكتور خالد الصبييح وعاجبني شغله وغير جذي يخلي شكلج طبيعي حيييل بعد العمليه ماتخفيين من مشاكل تنفس عندها واناا عمليتي سبوع لجااي عند دكتور خالد الصبييح حييل شاطر

 

[д7βk βşķάť]

ماعندي فكره يالغاليه

حبيت ارفع المووضوع لو برد

 

[Nonii om bdbd]

خالد الصبيح بجم ؟؟
وشنو نظام الخشم عنده ؟؟
يضعفه حييل ولا عادي ؟؟

 

[Nonii om bdbd]

تعبت نفسيا من كثر التفكير
مادري ليش احس انه احسن دكتور بالكويت
وبنفس الوقت مو عاجبني خشم كارميل ( اسفه ) اللي مسويلها ماجد تقي
لانه احس ما غير فيه وايد

انا خشمي ما فيه شي
بس ابي نحت ابي نفس خشم باربي ياااااربي خايفه

 

[الأميرة ريماس]

يا كررررهي هالدكاترره غالين على الفاضي حسسني انه دكتور بايران ومسوي لالاف الحالات هالدكتور جدااا طماع مع الاسف واحترامي له


وكلامه صحيح بنسبه لخشم عسل لانه جداااا فيك ومو حلو يبين الخشم تجميل

 

[Nonii om bdbd]

الاميره ريماس
اممم تهقين جذي ؟؟

 

[حلاوتي حلوه]

شدعوه عليه 2400 !!!!! حيل حيل غالي لو تروحين فرنسا اهل العمليات ما طلبوا هسعر !!!

لا واخر شيء يطلع مو حلو ... اشكره ماديين استخيري وترا سعر مبالغ فيه قولي اقصها عمليه ما قتلك اخترع لي خشم

 

[الأميرة ريماس]

امبببيه توني اجوف السعرر 2400لا لا مو من صجججججه عبالي الف ومادي جم
شوفي حبيبتي خشم عسل يلوووع الجبد المفروض خشمج يصير صغير وحلوو ويكون شكله طبيعي هذا المهم


افضل تستخيرين وتغيرين الدكتور مهما كان هالسعر جداااا مبالغ فيه ويمكن تنجح ويمكن لا


ربي يسهل امرررج

 

[Nonii om bdbd]

خلاص كنسلت العمليه

 

[Perfect J]

^
^
^

زييييييت سويتي 2450 خير ان شالله
كلها قص وكم خيييط، بصراحة البنات طيروه بالسما
شغله حلووو بس يستغل هالنقطة

اسالي عن التجميل بلبنان وغيرها