اللي مسويه تلقيح صناعي تدخل رجاءً

[امواج الكويت]

السلام عليكم

بنات انا اليوم سويت تلقيح صناعي من سويته للحين الم بظهري وحسيت بنفس الفقاعات برحمي
منو مر عليها هالشي تكفون حدي خايفه؟

وياليت اللي عندها خبره شنو الممنوعات والاشياء اللي اقدر اسويها من ناحية الاكل والحركه

 

[أم عبود 2011]

رد : اللي مسويه تلقيح صناعي تدخل رجاءً

والله ما عندي لج غير الدعاء ربي يثبته لج ويتمم لج حملج على خييييييييييييييييييييييييير
البنات ماراح يقصرون

 

[امواج الكويت]

جزاج الله خير وعسى ربي يسهل عليج

 

[توكلت على الله 22]

الله يثبتة ويتمم عليج حملج

ما عندي فكرة

 

[dreamy_83]

انا سويته ما حسيت بولا شي من الي قلتي عنه وبعد التلقيح خلج طبيعيه مارسي حياتج بشكل طبيعي

 

["*آآآنؤؤؤقهـ*"]

الله يرزقج الحمل ياااااارب

 

[الأميرة جوري]

انا سويت مرتين بس للاسف ما ابي احبطج ....فشل:eh_s(2):,,,,,,,,,,والله يرزقج يارب ارتاحى الي اسبوعين بعدها حللي ..:eh_s(7):

 

[ام هيونه111]

خلج طول الوقت مرتاحه

واهم شي الدعاء والاستغفار والصدقه

عسى الله يرزقج بالحمل السليم

 

[امواج الكويت]

مشكورين ما قصرتوا

 

[لهفة المشتاقه]

الله يثبته وتبشرينا انج حامل

اهم شي ارتاحي لاتسوين شي وديربالج على نفسج

 

[قلبي بارد]

رد : اللي مسويه تلقيح صناعي تدخل رجاءً

انا سويت التلقيح الصناعي في 16|2 وحسيت بالم بظهري ومغص خفيف في رحمي كل فتره ويروح
وبعد 13 يوم سويت تحليل دم عادي طلع نيجتف قلت الحمدلله على كل حال
وفي موعد الدورة ياني احساس ماادري ليش اني حامل قلت اروح احلل مره ثانيه وهذا اول حمل لي
وحللت تحليل هرموني والحمدلله رب العالمين طلع التحليل 50 يعني في حمل

ريحي نفسج عالاخر لكن لا توسوسين عيشي حياتج طبيعيه بس اخذي بالج من نفسج

والله يرزقج يارب ويثبت حملي وحملج ويرزق كل محرومه امين يارب

 

[noo7a]

ياااارب ياكريم
الله يرزقج
و تبشرينا بحمالج

 

[المديـ بنت ـنة]

رد : اللي مسويه تلقيح صناعي تدخل رجاءً

الله يكتب لك الخير ويسر خاطرك بالحمل والذريه الصالحه

بس انا قرات انه يجيك مغص مثل مغص الدورة عزك الله بعد التلقيح ..

وعسى الله يرزقني وياك بالحمل والذرية اللي تسر خاطري وخاطرك يارب

 

[ScarletteO'Hara]

انا مسوية تلقيج 3 مرات و لا واحد نجح
ز عوار الظهر هذا حاشني
كله بسبة ابرة التفجير هذي اعراضها
عموما انتي مارسي حياتج عادي
و ان شاء الله تجملين

 

[bint_looda]

عسى الله يرزقج الذريه الصالحه ان شالله

 

[ba6re8a]

ليش تحبطوونها:/



انا جبيبتي مسويه مرتييييين طبعا وقت التلقييييج لما اخلص عووووووووار وثقل تححححححححححححت مو طبيييييييييعي والله قصب انام وانا حملت الحمدالله بس ما كمل ربي يتمملج على خير

 

[الملقوفة]

عسى الله يرزقج الذريه الصالحه ان شالله

 

[آهات الليل]

قوه يالغاليه شلونج ولهت عليج انا وبنات التجمع

والله ماعندي فكره
بس عندي دعوه وان شالله الله يستجيبها
عسى ربي يرزقج بالحمل وتبشرينا
عسى ربي يرزقج بتووووم يملون عليج الدنيا
عسى ربي يفرحج انتي وزوجج بضنى يملي عليكم الدنيا

 

[بخـــارى]

رد : اللي مسويه تلقيح صناعي تدخل رجاءً

الحمدلله انا سويتها والحين انا حامل

 

[الملكة كوكو]

أنا سويتها عند ماجدة اليتامى مرة وحدة و حسيت بألم في الظهر خفيف و مثل ما قلتي نفس فقاعات او هوا بالرحم و راجعتهم بعد اسبوع طلع التحليل نقتف و قالت لي راح تسويلي الشهر الي وراه بس ما رحت و سبحان الله عقبها ابــ 3 شهور سار حمل طبيعي
ان شاء الله تبشرينا بحمالج و ربي يرزقج بالذرية الصالحة..