اللي مسويه تجميل لخشمها تدش..وهمن اللي مو مسويه تدش

[نمله معصبه]

السلام عليكم ورحمة الله
شخباركم بنات ان شاءالله زينين؟


اتوقع بعضكم يعرفني ويعرف قصتي مع عملية تجميلي لخشمي عند بول عوده..
انا سويتها لي سنه و8شهور والله والله يابنات من سويتها تغيرت حياتي للاسوأ 180 درجه ..ثقتي بنفسي راااااااااااااااااااااااااااحت وشكلي تغير صرت ماحب اروح لاحد ورفايجي اتعذر منهم اذا يبون يزوروني مابي احد يشوفني تزوجت بعد عمليتي ب10 شهور وماعلمت زوجي اني مسويه العمليه بس مبين انه شاك فيني لووول
لانه يقطط نغزات

انا قبل العمليه كان عريض العظم اللي بين عيوني وكانت عندي مشكله صحيه قلت بسويها بالحكومي بالكويت بس قلت صعبه يضبطون التجميل وقررت اروح لبنان عند بول عوده الله لايوفقه ورحت هناك وقلتله عن مشكلتي الصحيه وقلتله شنو ابي بالضبط بخشمي
والنتيجه
الجهتين بينهم اختلاف الفتحات مختلفات مرفوع والارنبه كبيييره احسها اكبر من قبل والمصيبه عيني اليمين تغيرت صارت اصغر من اليسار توقعتها فتره وترجع واهي للحين نفس مااهي>>بس اهلي يقولون مثل بعض بس احس لانهم مايبون يضايقوني لان مرت علي ايام الله اعلم بحالي فيها..
تعبت نفسيتي صارت دماااااااااااااااااااااااااااااااااااااااااااااااااار ماحب اقعد عند اهلي .. ماحب احد يشوفني توقعت بعد فتره بتأقلم ع شكلي ولكن لحد الحين كارهه شكلي..

الحين انا حامل الحمد لله ودي بعد مااجيب اسوي عمليه ثانيه بس ابي دكتور شاطر وودري يكون بالكويت مابي اسافر والله يابنات ان معنوياتي بالحضيض حتى زوجي ماني عاجبته اهو يحب الجمال وانا شوهت جمالي لو اني مسويه الجانب الصحي بس متاكده مليون لالاميه اني بعجب زوجي
ابي دكتور ممتاز ابي شغله عالغضروف بس ابيه ينزل الارنبه ويساوي الفتحات ابي ارجع مثل قبل واثقه بنفسي وكل التجمعات احضرها .. والله والله والله تعبت من هالمشكله...تكفون ابي دكتور مجرب والا شايفين شغله مابي شغل دعايات الله يخليكم بنات


ونصيحه لوجه الله لاتسووووووون عمليات تجميل الله خلقج جذي لانه يلوق عليج الشكل هذا..

اسفه بنات احس كلامي مخربط بس كل ششي يطري ببالي اكتبه..

اللي مسويه خشمها تفيدني واللي مومسويه خشمها تدعيلي الله يريح قلبي ..
والف شكر لكم حبايب قلبي احبكم وااااااااااااااايد​

 

[sweet_popcorn]

الله يعينك حبيبتي
ما اقدر افيدك بخصوص الدكاترة اللي بالكويت بس ما حبيت ادخل وما اعلق
بس اكيد البنات ما راح يقصرو معك
كثار في التجمع اللي موجود به1ا القسم عاملين عمليات عند دكاترة و بالكويت

وان شاء الله تروحي عند الدكتور الانسب واللي يقدر يعالجلك المشكلة و يرجعك مثل الاول و احلى يا رب

 

[Diana *]

الله يعينك و يهونها عليك
للأسف ماأعرف دكاترة الكويت ان شالله البنات الي مسويات في الكويت يفيدونك

 

[مخمليـهَ]

ياقلبببببببببي الله يعينج ويتعدل خشمج ويطلع احسسن من اوول
انا عن نفسي مقتعنه بنفسسي الحمد لله وبعدين الرجآل مايحب مرته صناعيه حلآتها على الطبيعه
وربي يوفقج ويصلح لج امورج

 

[هدوء البنفسج]

والله مدري انا مو من الكويت
بس انتي شفتي خشم كراميل عند ماجد تقي
استفسري اكثر وعندج ام توتا

التجميع هناك اقريه من البداية لن النهاية وشفي التغيرات وسألي حتى عن الابر
استخيري وصلي
وربي يسهل عليج يااارب يارب ياااااااااااارب

بحق محمد وآل محمد تتسهل امورج

موفقة يالغالية

 

[شنشووونه]

Uppppp

 

[mareea]

ما انصحج بدكاترة الكويت خصوصا انتي مسويه من قبل

تحتاجين دكتور فنان يعدل شغل الدكتور الي قبله

موفقه

 

[أم حموكشه]

صج صج.. الله يعينج..

عورتي قلبي ... والله ماالومج... النفسيه تلعب دوووور ...
وبعدين انا اقولج شغله.. انتي شوفي الدكاتره اللي مادحينهم من ناحيه تجميل وتنفس ..
انا من ناحيتي كانت حالتي كسيفه كان خشمي مكسور ومنحرف جهة اليمين والغضروف ...وووو
المهم انا اللي همني اول شي التنفس بعدين التجميل وسويتها عند دكتور علي صفر ..
وتجميله طبيعي ومايشق الخشم كل شغله من داخل..
وشوفي عندج دكتور ماجد تقي تجميله حلو ومرسووم ... ماشاءالله
... وشوفي التجمع احسن كل وحده فينا حاطه تجربتها... لاتتسرعين استخيري وشوفي اللي ترتاحين له...
وماتشوفين شر...

 

[q8dvd2000]

اختي الله يفرج همج

بس ما اتوقع شكلج صار اسوا من قبل العمليه !! اكيد احلى ولو بنسبة 1 بالميه

وبعدين تقولين ريلج يحب الجمال
انزين لو انتي مو عاجبته جان ما تزوجج من الاساس !! اكيد شايفج قبل الزواج وشايف خشمج وعاجبه

انتي لان مو عاجبج شكلج صايره توسوسين

وبصراحه ما اعرف دكتور شاطر
بس اللي بالكويت كلهم خواره

يمدحون دكاترة ايران ,, ما تشوفين الكل يروح ايران يسوي خشمه

مع انهم بعد صارت اسعارهم مرتفعه مو نفس قبل يعني سعر العمليه بايران مقارب لسعرها بالكويت او ارخص بنتفه يعني ممكن يوصل الف و700

 

[amertalwrd24]

تعالي السعوديه : )
وانا بساعدك معلومات وكل شي تحتاجينه ..
ويوم من بكرى تطلعين ودكتور شغله خيال متخصص بتعديل الاخطاء وشفت حالات جته
دمار من جوى الانف وعدله لهم واوريك صور..
وهو مرت عليه حاله بدون غضاريف رحمتها حيل انفها كله طايح ومفروش وكانت مسويه لحميه بحكومي بس
تخيلي شالو لها كلش من جوى وطاح انفها وانفرش وقال عمليتك ترميم وتعديل وحوسه
وسالت كثير برى وخارج السعوديه وحصلته الافضل
بس هو الاغلى بالسعوديه اسعاره فوق 22 الف ريال الباقين 15 و17 الف عندنا
تقريبا بس هو الاغلى بس يستاهل ..
ابدي رتبي من الحين وان شاء الله اح تتغيرين بعد الولاده وفرصه نيولوك وتعديلات بعد الولاده ..
انا مسويه عنده وبفك الجبيره السبت باذن الله اذا حابه اوريك قبل وبعد ارسلت لك
وكمان شفت شغل بنات بالكويت وتوب شوفي التجمع واستفيدي دوري احد يصلح غلطات احد قبله
ترى مو الكل يصلح بعد غيره ..
بس هالفترا تقبلي انفك وفتره الحمل صعبه ونفسيه بدون شي دمار لووول
واقنعي نفسك كللها فتره حمل وبعدها بتتغيرين للافضل باذن الله ..

 

[هدوء البنفسج]

^^
مين هالدكتور
اللي تمدحينه لهدرجة

ماخبري في السعودية دكاترة عدلة موصلة لهالمستوى

ياليتك تذكرينه

لاني انا مسوية سيرج عن دكاترتنا

 

[ريسان]

نملة معصبة ترا مو انتي الوحيدة بالعالم الي ما نجحت عمليتها انا بعج نفسج

اول شي انشا الله لما تولدين بالسلامة روحي استشيري دكاترة الي مادحينهم انا بالنسبة لي عندي احسنهم خالد الصبيح
و البنات هم يمدحون علي صفر و روحي حق حسام فودة اذا يا الكويت اهو اعتقد شهر 10 بيي هذا شغله يعدل الخشوم الي
مسوين من قبل تجميل و مو ضابط << ادري جني هنديه و انا اشرح
المهم على حسب شرحج اعتقد مشكلتج نفس مشكلتي لان انا جذي فتحات خشمي غير عن بعض لان اهو كان شايل غضروف من اليسار و مو شايل من اليمين و العظام صوب العيون مكان ناحته لي و مكان لا فسويت عملية ثانية نص المشكلة تعدلت و النص الثاني قالي يبيلج بعد عملية لان اشوي صعبة
و يا رب خشومنا تتعدل لان و الله قهر

 

[قمر الصبايا]

الله يعينج ياقلبي والله ماعندي فكره

 

[(حكاية قلب )]

الله يكون بعونج حبيبتي ..والله ماعندي فكره عن دكاتره يسوون عمليات تجميل
وبعدين هو حراام بعد تغيرين خلقة ربج =

 

[r0007]

الدكتور حسام فوده برفسور ويعدل العمليات الفاشله
http://hossamfoda.com/

 

[$نرجس$]

الله يكووون بعونج وانشالله تلقين الدكتور الزيييييين بس خااااااالد الصبيييح لا اتقربين صوووووبه كللللش مشوه وحده وياي ونصيحه وما ابيج تنظرين والله يسخرلج الدكتور الزين يارب ويعدل خشمج وانشوفج مستانسه ومرتاااحه ياااااااااااارب

 

[سكر نباتى]

بنات انا محتاره حيل حيل ابي دكتور شاطر مو لاقيه ودي اسافر اسويها برا بس وضعى مايسمح للسفر
والى بالكويت بنات يمدحون وبنات يدمون والله احترت
انا مشكلتي خشمي عريض من تحت والعضم عريض من فوق يعنى يبيلى تظعيف العضم على الجوانب وتصغير صوب الغضروف
ماودى يغير بالفتحات لانهم اوكى زينين ولا ابيه مرفوع انا اخاف اسوى العمليه ويخترب تكفون فيدونى

 

[DaShTeYa_Q8]

علي صفر وبس
انصحج و ثقي بكلامي ..

 

[azouni]

الله يريح قلبج انشالله و ما عليج من احد خليج واثقه من نفسج اهم شي صحتج لحد يأثر عليج مشالله تزوجتي و انتي حامل الحين الله يقومج بالسلامه انشالله

 

[$نرجس$]

انا الي اعرفه اذا حك العظم من الجوانب وذا ضعف العرض الفتحات راح اتغير ديري بالج وراح اتسوين عمليه ثانيه عشان اتصغرين الفتحات نفس رفيجتي قالت لدكتور لا اتحوش الفتحات خشمهاا نزل وصارو الفتحات تنفرش لما تضحك مو مثل قبل واكبرو ويوم راحت له قال انتي قلتي لا اتحوش الفتحات انتي طلبتي والحين لما اسويها ابي افلوس للعمليه الثانيه وانا حبيت اكتب لج تجربه ريفيجتي عشان ما اتسرعين