فديت قلبج انا بحجز ياليت التفاصيل كامله فديتج .. لان ولا مره سافرت بحياتي هناك
وبالنسبه للتنظيف والله مادري والسجود اعتقد تو الناس يبيلج جم شهر
اوكي ولا يهمج كل التفاصيل بطرشها لج عالخاص
اي صج شنو كانت مشكلت خشمج بالضبط ؟؟
وهل شفتي عنده صور لناس خشمهم عريض وطويل وبعد التعديل صار كيووت ومرتب؟
انا خشمي فيه انحراف وعظمه زايده
كانت عندي مشكله بالتنفس والحمدلله التنفس صار ممتاز بعد العمليه
والله اهو وراني الصور وانا قبل لا اروح له مقتنعه فيه بس اغلب ستايل الخشوم اللي عنده اوربيه على طلب الزباين الخشم الاوربي يكون مرتفع
واهو قال لي انه مايحب هالنوع من الخشوم ويحب الجمال الشرقي وانا طلبت خشم عربي وقلتله مايرفعه لي وايد والحمدلله سواليه مثل مابي واحلا
انا كنت انظف خشمي بـ عود اذاني
وحاولي تتجنبين الاكل اللي في مضغ ، وابتعدي عن العلوج
ونامي على ظهرج لان احتمال لو نمتي ع الجنب يأثر على خشمج
وصلي وانتي قاعده
مشكوره حبيبتي بس الحين المضغ عادي وصار خشمي طبيعي مااتاثر من الاكل نفس قبل
والصلاة اصلي عادي بس وقت السجود احط مخده
حمدلله علي سلامتج ،، في مطهر بالمستوصف اخذيه وعبيه بابره ومن بعيد حاول يدش المحلول بخشمج تلاقين كل الدم اليابس ينزل ،، بس خل اخذ اسمه عدل واقولج عليه
الله يسلمج
الحمدلله خشمي نظفته بكلينكس بس مو مشكله طرشيلي اسم المحلول
متي شال البلاستيك اللي علي الخشم واللي داخل من جدام ..؟؟
ما يصير تنزلين راسج لمدة شهرين تقريباً
شلون ع الصلاة ..؟؟
والله البلاستيك قال لي مجرد حمايه وانا خليتها اول اسبوع بس بعدين ماحتاجها بس احط الصقات
