اللي مرجعه اجنه مجمده تدخل .... محتاجه الدعاء

[arnooba123]

السلام عليكم
بنات انا مرجعه اجنه مجمده واليوم 8 من الترجيع حاسه بألم بالظهر موطبيعي والم بالبطن وخايفه تكون الدوره
انا الحمدالله عندي ولد الله يخليه ويرزقني اخوان حقه بس يوم كنت حامل فيه كنت حيل متورمه وفي الم بصدري هالمره ماحس بالم بصدري
انا قلت يمكن المره اللي فاتت كنت مسويه عمليه سحب وماخذه ابر منشطه وهالمره غير جسمي مرتاح بس سويت ارجاع
تكفون بنات بس احاتي والف فكره وفكره براسي طمنوني وادعولي تكفون

 

[جنان ام عزوز]

الله يرزقج ان شاءالله

يارب تكون اعراض احمل

ويرزقج باخوان وخوات لولدج

 

[سعودية بالكويت]

أسأل الله العظيم أن يبشرك بما يسرك

من حمل وذرية صالحة بارة عاجلا غي آجل

ربي مايضيع تعب مسلم بس أنتي كثري أستغفار

وتلاوة قرآن كل يوم صار حمل ولاماصار

لاتهجرون كتاب الله فيه شفاء ورحمة وهدى وراحة

الله يكتب لك الحمل هالمرة ياكريم​

 

[شنوووفه]

انشالله يااارب حاامل مته قالولج تسويين تحليل

 

[تميميه]

الله يرزقك بس حبيت ادخل وادعيلك بهالوقت من اخر الليل الله يسمع مني ويثبته ويرزقنا ويرزق كل محروم

 

[الهما]

عسى الله يسهل امرك حبيبتي
اعرف وحدة تصيرلي سوت طفل انابيب
و قبل التحليل باربع ايام كل اعراض الدورة جتها حتى الحبه اللي تطلع بالوجه بس سبحان الله حملت
استبشري خيييير بربك
استبشري خييير و قولي بينك و بين نفسك انك باذن الله حاااامل

 

[arnooba123]

بعد عمري مشكورين على الدعوات الحلوه يارب يرزقني ويرزقكم يارب
تحليلي الجمعه مادري اشلون بصبر الله يعسن يارب
يارحيم يارحيم يارحيم ترزق خواتي في تأخر الانجاب الذريه الصالحه المعافاة اللهم امين

 

[حبي زوجي فديته]

ارنوبه شخباااااااااااااااااااارج


انتي وينج انا من زمان اسأل عنج


الف مبروك ماياج وان شاء اللله الله يخليلج ولدج


ويارب الله يرزقج بكوكش يهال


يارب

انا كنت مسويه معاج العمليه بنفس الوقت بس سبحان الله الله ماكتب اني احمل


يارب الله يثبت اجنتج يااااااااااااااااااااارب

 

[arnooba123]

هلا حبيبتي انا بخير الحمد الله الله يبارك فيج
يارب يرزقج يارب حبيبتي
اللي عطاني يعطيج يارب ويفرح قلبج ويقر عينج بشوفت ضناج اللهم امين

 

[وَرْدَة الْقُلُوْب]

الله يرزقج وتطلعين حاااااااااااامل
ياااااااااااااارب

 

[arnooba123]

حبيبتي مشكوره على الدعوه الله يسمع منج
والله خايفه مو حاسه بشي
الله كريم