اللي مرجعة اكثر من جنينين ترد علي بليييييز ...!!

[غروري بتواضعي]

السلام عليكم


شلونكم بنات


بدش بالموضوع دغري ع قولتهم

بنات منو تعرف دكتور او دكتورة يرجع اكثر من جنين يعني اربع خمس جذي

لاني الشهر اللي طاف سويت عملية طفل الانابيب عند الدكتور منصور العرف

ومارجعلي الا جنينين مع انه عندي اجنه متكونه ثلاث غيرهم

وسئلت الدكتور انه يرجعلي اكثر مارضى قالي هذي سياسة المستشفى

وقرار من وزارة الصحه مانرجع الا بس اثنين معقولة بنات؟؟؟

مع اني اعرف ناس وايد مرجعه اكثر من جنين ثلاث واللي اربع وخمس

فسؤالي للي تعرف ومجربه حاليا منو رجعت ورضى دكتورها او دكتورتها انها ترجع اكثر من

جنينين وعند منو سوتها ؟؟؟؟؟؟؟؟




بلييييييييييييييييييييز بنات محتاجة مساعدتكم ضروووري اللي مجربة او سامعه ترد علي :yaaaaaarb:


لاني انشالله برد اسوي العملية مرة ثانية بعد العيد

 

[عطر الدوحه]

ياحياتي الله يرزقج

بس اول مره ادري ان في سياسه بس يرجعون جنينين؟؟

غريبه

 

[غروري بتواضعي]

ياحياتي الله يرزقج

بس اول مره ادري ان في سياسه بس يرجعون جنينين؟؟

غريبه

اي حياتي توه هذا صاير
مادري انا اقول يمكن اهو الدكتور بس سياسته جذي
يعني معقولة كل الدكاترة جذي ؟؟



ياليت اللي تعرف تفيدنا

 

[ام الشوامس]

انا عمليتي كانت بالخبر فما ادري عن هالسياسه
بس كل ما زاد عدد الاجنه زادت الفرصه بالحمل
الدكتوره قالت لي اذا حطينا لج ٣ اجنه فرصه حدوث حمل بواحد من ٥٠ لي ٦٠ ٪

و هم قاريه واايد لا ترجعون اكثر من ٣ اجنه

اتوقع افضل عدد ٣

الله يثبتهم و يكتب لج اللي فيه الخير

 

[غروري بتواضعي]

ااااااااااااااااااااااااااااااااااااااااااب



اااااااااااااااااااااااااااااااااااااااب

 

[دلوعة صلوح]

الله يرزقج يارب عاجلا غير اجلا يارب العالمين..

شوفى حبيبتى كل ما كان عمر الريضة صغير كل ما قل عدد الاجنة لى يرجعونها يعنى اذا عمرج فوق الثلاثين
بيرجعون ثلاث او اكثر واذا كنتى بالعشرينيات راح يرجعون لج بس اثنين الانهم يخافون يصير حمل رباعى او خماسى يعنى يكون فى خطر على الام نفسها عشان جذى العمر او لى يحدد جم جنين بيرجعون .

 

[mona777]

سلامى للكل
فيه قرار نشر بلجرائد منذ نحو عام عندى نصه
ان ينقل جنينين لمن هى اقل من خامسه وثلاثين والاكبر ثلاث اجنه
ويطبق بلخاص والحكومه والا سوف تكون عقوبات لكن الخاص اغلبهم لا يطبقه

 

[fatma-84]

حبيبتي الله يرزقج الذريه الصالحه المتعافيه
هذا قرار صار له سنه على حسب العمر مثل ما قالت اختي منى
وصدقيني لو يرجعون لج جنين واحد والله كاتب لج الحمل بتحملين
عليج بالدعاء والاستغفار وربي يكتب لج الحمل*

 

[lovemyself]

انا اكثر مرات يرجعون 2 ومرة ردوولى 3
بس هالشى احسن عشان تزيد فرصة الحمل
واذا ردوا وايد يمكن تزيد فرص الاجهاض
الله يرزقج انشالله انتى خليج ماشية حسب ما يقول طبيبج اهو اعرف

 

[شقرا كويتيه]

ماعندي فكره الله يرزقج

 

[أغلى حلم]

بالدول الاوربية بالعكس الصغيرة يرجعون لها اكثر من اثنين و اللي فوق الخمسه وثلاثين يرجعون لها بس 2

 

[مواهب متعدده]

اذا عمرك اقل من 35

يرجعون 2 بس هذا نظام الكويت

بس اختى سوتها بالسعوديه

رجعوا لها 3

وجابت بنوتين الله يرزقك يااااااااااااااااااااااااااااارب

اهى عمرها 35

 

[Dodo80]

بنات يرجعون 2 الي عمرها تحت 35 لانه مبايضها تمسك احسن ورحمها يكون اقوي ويخافون تحمل ب 3 او اكثر

اما الي عمرها 35 وفوق ففرصة الحمل تكون اقل من الي تحت 35 ورحمها اضعف فيرجعون 3 عشان تمسك 1 او 2 ويمكن 3 لانه فرصة الحمل قليله وعمرها يزيد فتحمل بتواءم مره وحده

 

[غروري بتواضعي]

مشكورييييييييييييييين بنات ع الردووووود


امبيه بنات صج هالحجي ؟؟؟


شهالحظ استغفرالله ياربي



عاد يقولون ان فرصه نجاح الحمل بالجنينين مو وايد وماراح يثبت الا واحد بس منهم اذا ماثبتو الاثنين اصلا

 

[غروري بتواضعي]

نسيت اقولكم بنات انا صغيرة بالعشرينات عمري

عشان جذي الدكتور رفض يرجعلي الا اثنين بس

الظاهر المرة الياية بطيحله تبجبج ونوح عشان يرضى يحطلي اكثر

 

[بحر الذكريات]

الله يرزقج ويرزقنا ويرزق كل محروم ومحرومه يارب

 

[سلمـــى]

صح حجي البنات اختي
قرار من وزارة الصحه تحت 35 جنينين
فوق 35 ثلاثة اجنه
انا متاكده من هالحجي مليوووووووووووون باللميه
الله يرزقج بالذريه يارب وكل محرومه