اللي مدخلين عيالهم مدرسه التكامل بغيتكم...

[وين^العهود]

صباح الخير ياحلوين


ابي رايكم بمدرسه التكامل اللي بصباح السالم؟؟؟

وجم تكلف مرحله رياض الاطفال؟؟

لان بنتي اول سنه لها بالروضه السنه اليايه والتسجيل مابقى عليه شي لي اخر شهر ثلاثه

فياريت اللي عندها خبره فيهم تفيدني تكتبلي كل شي عنهم

ومشكورين مقدما

 

[أم الهواشم]

ممتازه اول شي يسوون اختبار قدرات للطفل واذا تم قبوله تحجزين الكرسي مئة دينار وبعدين اقساط والسعر الشامل مع الكرسي 222 دينار وانا مدخله عيالي فيها طبعا السعر غير الملابس والوجبه من عندج

 

[وين^العهود]

ماقصرتي حبيبتي

 

[Miss_Tiger79]

الكي جي سعرهم 1300 تقريبا

 

[um 3li]

انا ولدي انقبل من يومين بالمدرسة

المفروض تروحين تاخذين موعد حق امتحان القدرات والقبول لانه الموعد يصير بعد اسبوعين من التقديم

واذا قبلوها يعطونج الطلب تكتبينه وتقدمينه وتكملين اوراقها وبعدين تدفعين 100 دينار رسوم التسجيل وحجز المقعد

دوامهم 7-9

الرسوم الدراسية 1282 بدون الباص والملابس

 

[jolie_q8]

ترى بدأ التسجيل .. وبدت اختبارات القدرات ..

شوفي هالمواضيع راح تفيدج

اولياء امور مدرسة التكامل( صباح السالم )

**؛؛**عيالج بمدرسة خاصة ؛؛ تعالي قوليلنا جم الرسوم ؛؛ **؛؛**


ملتقي الامهات - مدارس خاصه

 

[وين^العهود]

ماقصرتووو بنات

امس رحت مدرسه التكامل والصدمه ان مافي تسجيل الا على الويتنق ولسته الويتنق طويله

ورحت الرؤيه ونفس الشي مافي تسجيل ولا ويتنق

وحدي تضايقت والحين ماادري وين اسجلها

ماأبي روضه عاديه ابي أسسها عدل

 

[bambena]

انا سجلت ولدي ويتيتنغ قالتلي الروضه 1390 اعتقد اهو 1300 وشي ماني متاكده