اللي متوظفه و متخرجه من كلية الحقوق او العلوم الاجتماعيه تعالوو

[جلكسيه اس 3]

السلام عليكم و رحمة الله و بركاته

خوااتي انا باقيلي رابعه ثانوي هالسنه
و بصراحه ودي اييب نسبه قويه و ادخل مكان قوي
و مابي شي عااادي
اللي متوظفين وهم خريجين الحقوق او علوم اجتماعيه
بصراحه حابه اعرف كل شي منكم شنو التخصص اللي تخصصتي فيه
و شنو تشتغلين الحين
و الدراسه بالكليه خصوصا بالحقوق والاجتماعيه اشلون كانت
اشكثر كنتو تدرسون
و هل لازم اتكون الوحده قويه عشان تدخل هالمكانين ولا عادي
و ايام ماكنتو تدرسون هل كان في توتر ولالا
بصراحه خايفه اتوتر لانه في شباب
عندي اساله اكثر بس حاليا
اتمنى اتجاوبوني على هالاساله و اكون شاكره لكم :eh_s(7):

 

[Q8_QT]

حبيبتي آنا متخرجة من كلية الحقوق وأشتغل بالداخلية
الدراسة كانت حلوة والحمدلله ماواجهت صعوبة كبيرة وآنا طبعي هادية وفي حالي وصداقاتي معدودة
بالنسبة للتوتر عادي مادري مااذكر اني كنت اتوتر بزيادة واذا التخصص يبيله الوحدة تكون قوية لا موشرط والحين اللي اعرفه الدراسة وايد صارت اسهل وآنا كنت احب دراستي بس ماأنصحج تتعينين بالداخلية واي استفسار ثاني حياج الله

 

[جلكسيه اس 3]

مشكوره حبيبتي على الرد
إنتي شنو تخصصج بالضبط
و شنو مسماج الوظيفي

 

[قهوه ساده]

اختي انا تخصصي حقوق
والحقوق مافيها تخصصات اهي بس حقوق
وبالنسبه للدراسه وطبيعتها اكثر بنات الحقوق مايدرسون الا قبل الامتحان بايام قليله
الا اذا كنتي تبين امتياز تابعي مع الدكاتره ولااااازم تحضرين عشان تستفيدين
وبالنسبه للتوتر بصراحه كنت اتوتر لان هالتخصص كمياته كبيره يعني الكتب والمواد زخمه
تقولين اخلص قبل الامتحا وماتخلص
والكليه حلوه ومريحه وهاديه
ودكاترتنا الاغلب زين الحمدلله
الدراسه بالحقوق نظام سنوات
بالتوفيق انشالله
واي سؤال حاضري

 

[جلكسيه اس 3]

اختي انا تخصصي حقوق
والحقوق مافيها تخصصات اهي بس حقوق
وبالنسبه للدراسه وطبيعتها اكثر بنات الحقوق مايدرسون الا قبل الامتحان بايام قليله
الا اذا كنتي تبين امتياز تابعي مع الدكاتره ولااااازم تحضرين عشان تستفيدين
وبالنسبه للتوتر بصراحه كنت اتوتر لان هالتخصص كمياته كبيره يعني الكتب والمواد زخمه
تقولين اخلص قبل الامتحا وماتخلص
والكليه حلوه ومريحه وهاديه
ودكاترتنا الاغلب زين الحمدلله
الدراسه بالحقوق نظام سنوات
بالتوفيق انشالله
واي سؤال حاضري

مشكوره حبيبتي على الرد
انزين الدراسه عربي ولا انقليزي
انا مستواي عادي بالانقليزي
و لازم مشاركه و في تقارير مثل الثانوي ولالا
خو انا مافهم بهالسوالف

 

[جلكسيه اس 3]

للررررررررررفع

 

[law love]

الدراسه عربي

ولازم معدلج عالي بالثانويه عشان يقبلونج

 

[B.44]

السلام عليكم
انا خريجه علوم اجتماعيه تخصص علم نفس
و توظفت بدار الحظانه العائليه
الدراسه وايد حلوه و سهله و بتستانسين .. بس لي يتي تشتغلين ما في شي سنع !
اول ما طلع اسمي بالديوان كان صحه ( رفيجتي تشتغل مناك كلش ما نصحتني , و المعاش شويه ما جنها جامعيه )
و لما رفضت قالولي عندج التربيه و الشوؤن .. و اخترت الشوؤن , بالنسبه لي اهو احسن مكان لخريجات علم نفس و خدمه اجتماعيه

و موفقه يا رب

 

[frawlah_83]

ليش ماتفكرين في كليه العلوم الاداريه مجالات عملها اكثر في كل مكاان ان بغيتي شغل خفيف موجود وان بغيتي تعب وكراف موجود

 

[جلكسيه اس 3]

مشكؤورين بنات فديتكم

فراوله بالنسبه لي أحس الاداره مو طموحي وحس أنها اتخرع

 

[frawlah_83]

لا بالعكس مافيها شي يخرع سهالات

اهم شي اختاري شي انتي تحبينه ومقتنعه فيه

 

[قهوه ساده]

الدراسه عربي نفس ماقالولج البنات
وممتعه لانج تعرفين اشياء من واقع معاملاتج اليوميه وحياتج
بس بالنسبه للوظيف العلوم الاداريه احسن اعرف بنات من ٣ سنين متخرجين حقوق وقاعدين
وبعض دكاتره يطلبون منج تقارير بس ماكو تعب
الحلو بالموضوع انه دكتورج معاج طول السنه يعني عندج وقت تعوضين اذا طافج شي

 

[جلكسيه اس 3]

فراوله مادري أحس ويهي ما ينفع حق أداره
قهوه يعني تنصحين ادخل عللوم اجتماعيه
يااااااااااااااااااااااااااارب أن شار الله أييب نسبه قويه

إنزين إشلون نظام الامتحانات في الحقوق و في العلوم ايهو إسال

 

[جلكسيه اس 3]

ايهو إسهل

 

[جلكسيه اس 3]

للرررررفع

 

[Q8_QT]

حبيبتي آنا متخرجة سنة 2000 حدي قديمة لووووول
الدراسة حلوة والمشاركة مومطلوبة على حسب الدكتور والإمتحانات بعد حسب الدكتور بالنسبة للشهرية والأساس يكون آخر السنة لأن نظامنا سنوي في اعمال سنة من 40 درجة اما يكون امتحانات تحريرية أو تقارير أو امتحانات شفوية حسب المادة والدكتور والامتحان النهائي 60 درجة ويجمعون درجتج مع اعمال السنة هذا على خبري مادري جان غيروا الحين وماأذكر ان الإمتحانات كانت وايد صعبة يمكن لأني حبيت الحقوق وايد بس عموما حبوبة بالجامعة كل شي على الدكتور اللي يعطيج المادة إذا كان دكتورج زين وتوفقتي ان شاءالله سهالات عشان جذيه لازم قبل لاتسجلين المادة تتأكدين من الدكاترة وتسإلين عنهم وترى كل سنه لج مواد معينة تدرسينها يعني اجبارية بس تختارين الساعة والدكتور يعني الجدول جاهز بس تختارين اي دكتور تبين وبأي ساعة محاضرتج
وموفقة حبيبتي

 

[جلكسيه اس 3]

مشكووره على الرد
بس انتي تتكلمين عن الحقوق و لا الاجتماعيه

 

[Q8_QT]

مشكووره على الرد
بس انتي تتكلمين عن الحقوق و لا الاجتماعيه

الحقوق حبيبتي

 

[جلكسيه اس 3]

بعد بعد ؤينكم بنااات

 

[جلكسيه اس 3]

لللرررررررفع