اللي ما تتفاعل معااي خسرااااااااانه ....

[vanilla-D]

السلام عليكم ورحمه الله و بركاته


بناااااات انا زهقت و طقت جبدي من عيشتي مع ريلي






كل ما ادش المنتدى ابي استفيد و اتعلم اشياء تخص حياتي الزوجيه بما اني في بدايه هالحياه

ما القى معلومات مفيده الا ما رحم ربي
مواضيعكم كلها

يااا شاكه فيه
يا مو عاجبته
يا ما يصرف علي
يا يمد ايده
يا يخووون
يا اهله مو سنعين
يغلطون
و الردود الله بالخير تشييش ولا استهزاء و نااادر تسمعين رد يبرد الجبد


لي متى ....!!!!!!!!!!:rgewrg:


بقولكم ليش كتبت هالموضوع ...:ggdw:

قبل يومين حلمت ان يالي مخلوق غريب و قالي يا فلانه زهبي روحج و استعدي انتي اليوم راح تموتين :eh_s(11):

انا اول شي خفت (بالحلم طبعا)
بعدين فكرت جان احس الارض مو شايلتني من الفرحه
و قلت الحمدلله يا ربي انك بلغتني بموعد وفاتي قبلها بوقت و ما مت فجأه عشان يمديني استغفر و اتشهد

و قمت اقول اشهد ان لا اله الا الله و ان محمدا عبده و رسوله
اشهد ان لا اله الا الله و ان محمدا عبده و رسوله
اشهد ان لا اله الا الله و ان محمدا عبده و رسوله



المهم طولت عليكم


بنات انا صارلي 3 مادري 4 شهور متزوجه و لو تشوفون مواضيعي من ايام الملجه و انا اكتب مواضيع و اتشكى من ريلي


مرات يصير احلى من العسل و مرات اتحسف قد شعر راسي اني تزوجت


قبل شوي قريت موضوع وحده من العضوات الله يتمم عليها نسيت نكها

تقول ان يوم ولدت ردت من النفاس متزينه حق ريلها و اهوا موووو طايقها و ما يبيها و تغير و قام يطقها كرها

و استمر العذاب 4 سنين

لين ما صادفتها وحده و هدتها و قامت تصلي و تستغفر


انا نفس الحاله استغفر الله

مسويه تاتو و ما اصلي الا بالشهر مره

و القرأن هاجرته

و ريلي نفس الحاله

و انا خايفه من بعدين كله المعاصي راح اتعاقب عليها باثر رجعي يمكن يفووووق تحملي انا وااااايد خايفه و بنفس الوقت متفائله بالحلم اللي حلمته احس ان الله يحبني


:yaaaaaarb:الحمدلله



بناااات ساعدوووني
شجعوووني

ابي اتقرب من الله خصوصا ان داخلين على رمضان
هذي فرصتي و فرصتكم معااااي


ابي كل يوم ندش نذكر بعض

نسال بعض

مثلا صليتي الفجر اليوم
تردين علي اي الحمدللله انتي تصدقني اليوم ؟
ارد عليج زين ذكرتني مثلا

خل نشجع بعض تكفووووووووون كسبو اجر فيني و مو فبلاش حتى انتو راح تستفيدون و صدقووووني حياتكم رااح تتغير 180 درجه


صلاه
صدقات
اطعام جائع
قيام ليل
اذكار
ادعيه
حسن نيه
حسن خلق
احترام
استغفار

واللي ما عندها شي تقوله

خل تدخل تقول


استغفر الله العظيم\




و احب اختم موضوعي بدعوه راح تحبوونها




ياالله يا رب يجنن ازواجكم فيكم و يخليهم يعشقونكم حد الجنون و ما يقاومونكم
و ما يصبرون على زعلكم و تكونون كل دنيتهم من عقب رب العالمين


امين وانا معاكم انشالله



يالله شدوا الهمه

امنتكم الله لا تطلعون من الموضوع بدون لا تكتبون شي و ابسطها (استغفر الله )

 

[مولاي الفرج]

حبيبتي انتي من العضوات اللي يدشون قلبي

يالله انا وياج بجابل القرآن لان صايرة ما اقراه احس وايد علي ذنوب استحي اقرى قرآن صايرلي وسواس

بحاول اقرى قرآن كنت بس اسمعه

والله يسعدج مع ريلج دنيا واخره

بالنسبه للاحلام وييه ياما حلمت بالموت صج شي يخرع بس زوجي يقول يمكن هالشي يكفر ذنب مسويته من جذي تحلمين باشياء تخرع

الله يهدينا يارب جميعا

 

[الجفووول]

الله يثبتج ويعينج ع مجاهده النفس


استغفر الله العظيم

 

[نشيج الروح]

يزاااااااااااااج الله خير على هالموضوع التشجيعي وبميزان حسناتج يااااا رب وإن شاء الله يكون سبب في هداية ناس على ايدج ودخولج للجنة وسعادتج ....
المهم حبيبتي دوري لج صديقات صالحات يشجعونج على أعمال الخير ويعينونج على دينج .... ونفس الشي ريلج حاولي فيه وحاولي تتغيرين معاه وابدوا بداية يديدة ....
الصلاة من غيرها الإنسان يضيع وحياته تسوء .... وأول شي بنتحاسب عليه .... فابدي أول شي بالفروض وإن شاء الله لا التزمتي فيهم حاولي تصلين السنن وهكذا ... يعني بالسنن والأمور الي فيها أجر لا تسوينها كلها مرة وحدة بعدين تتعبين وتفجين وتهدينها فجأة .... خليها بالتدريج نصيييييييييحة .... يعني شهر كامل علمي نفسج على السنن بعدها على الذكر بعد الصلاة بعدها على أذكار الصباح وهكذا ... ليما يتأصل فيج الشي ....

وأكرر يزااااااااج الله خير عالموضوع

 

[ميما الاموره]

استغفر الله العظيم
شكرا عالموضوع وانا معك لازم نلتزم بالصلاه والاستغفار لانه الحياه سارت صعبهع​

 

[[[ عيون جابر ]]]

الله يهديج ويهدي الجميع لو تتقربين من ربج جان ترتاحين نفسيا وتتوفقين بزواجج

 

[لافلي روز]

أستغفر الله العلي العظيم
أستغفر الله الذي لا اله الا هو الحي القوم وأتوب اليه
لااله الا انت سبحانك اني كنت من الظالمين

تأكدي حبيبتي ان الله سبحانه وتعالى فعلا يحبج وعشان كذا كنتي تشوفين الموت او اهواله او احلام مزعجة عشان تلجأين لله الواحد الأحد اللي مايخيب رجا أحد من عباده أبدا

الحياة بوجود الايمان بقلوبنا
وانتي قاعده تشتغلين او تشوفين تي في او تسمعين لااحد مايمانع انج بداخلج تذكرين ربج سبحان الله والحمدلله ولااله الا الله

أول ماتقومين الصباح شغلي قرآن بالبيت واقري أذكار الصباح وصدقيني ليتعودتي ع ذكر الله بتلاقينه دايما بلسانج ولاشعوريا تدعين وتتذكرين

انا كنت كذا غافله عن امور كثيرة بامور ديني ولله الحمد ولله الحمد ولله الحمد رجعت لربي من أدعية وذكر واستغفار وصدقه قد ماأقدر

واذا ع ريلج ذكريه وياج لما تروحين تصلين وادعيله كثير ان الله يهديه ويرجعه لربه وان شاء الله بيتغير

وأبي دعوة حلوة بظهر الغيب لأختكم المتعطشة لدعواتكم ان الله يوفقني مع زوجي ويخلي لي بناتي ويجعلني أجمل نساء العالم في عين زوجي ,,,, ​

 

[غلا-زوجي]

الله يجزيج كل خير على هالموضوع
والله صااااجه ..
عن نفسي احف حواجبي كل يوم شكل وكلنا ندري الحف حرام تركت الحف بعدها بشهر ربي بلغني حمالي الاول تركت شي لوجه الله والله عطاني شي مااافي اروع منه

لا اله الا الله سبحانك اني كنت من الظالمين​

 

[ترووفه]

الله يهدي الجميع

صدقيني سعاادة الدنيااا كلهااا بقرب رب العالمين

 

[عزتي في عفتي]

اهم شي الصلاه هي الي تكون لك سعاادتك بدنيتك واذا ربي احب عبد بالسما انزل له محبته لاهل الارض فاحبوه اهل السماء والارض وهي الي تنهي عن الفحشاء والمنكر والله يابنات انكم باكبر نعمه ببلبد فيه مساجد وبالصوت لعالي ينادي
انا لما سافرت لمريكا قسم بالله اني ماشوف مساجد اكثر شي كنائس والي انا ساكنه بها مافيها ابد وفيه مناطق قريبه منا بس للاسف المساجد الي فيها ما يصدر منها الاذان لان القانون يمنعها من اقامه الاذان وربي فقدتها هالنعمه بس عندي ساعتي الفجر الي جبتها معي من السعوديه ولاب وتلفويني بعد والحمدالله
وثاني شي اذا قربتي من ربك ربي يسر لك كل شي وخاصه صلاه الفجر للاسف انا اعاني من هالمشكله اني احيانا اسحب عليها والله لما اصحي والله يومي مره كئييييييب مره

 

[أم بتول*]

الله يثبتك ويوفقك
نصيحتي إلك أنو لازم تواظبي على الصلاة يعني كل وقت بوقته والله بتحسي براحة نفسية ما بعدها راحة
وإذا صليتي الفجر بوقته صدقيني بتحسي كل يومك حلو
ولا تنسي الاستغفار دايما وانتي عم تشتغلي بالبيت استغفري بقلبك واذكري الله بتتعودي على هالشي الحلو
إذا عندك ولاد كمان علميهم قرآن يعني الآيات الصغيرة وأذكار الصباح والمساء والنوم
اللهم وفقنا لما تحب وترصى وبلغنا رمضان وأنت راض عنا

 

[ran drop]

الله يهدينا ويثبتنا

 

[noona90]

ربي يجزاك خير ويهدينا ويحبب العبادات لقلووبنا

استغفر الله اللذي لااله الا هو واتوب اليه

 

[ميمي..]

الله يهدي الجميع
واهم شي الصلاه حبيبتي شلون ماتصلين الا بالشهر مره!!!!!!!!
صدقيني اذا التزمتي بالصلاه وكنتي جاده عمرك عمرك مارح تتركينها
حتى لو اذن وانتي مشغوله ولا شي ماترتاحين الا لما تصلين
الله يثبتك ويرزقك بالقلب السليم

 

[حزينه 22]

جزاج الله خير والله يثبتج اسغفر الله العلي العظيم واتوب اليه

 

[هواياااااا]

الله يجزاك خير00هاالكلام الى نبيه من زمــــــــــــــــــــان الله يثبتك على طاعته ويثبتنا معك على هدايته وطاعته مثل ما قالو الاخوات اشوى اشوى وتعودين سبحان الله بتحسين ان اليوم الى مر ناقصك شئ من صلاه واذكار ودعاء واربطيها فى حياتك وراح تلاحظى اثره فى حياتك مثلا انا اذا نسيت اذكارالصباح احس ان صباحى نكدى وهواش مع اعيالى واذا قلت اذكارى احس يوم يهبل وعيالى هادين سبحان الله علشان كذا حفظ الاذكار كلها وربطها بحياتى اليوميه وكل شهر ازيد اذكار وحتى مع زوجى اذا ابى اطلبه شئ استغفر وسبحان الله على طول يوافق او يعطينى مبلغ معين بس اذا رفض اقول يمكن خيره من الله وسبحان الله منها تعودين نفسك على القناعه وانها شئ ميسوا علشان تهاوش معه >>>>>>> طولت عليكم سووووووووووووورى

<<اللهم ثبتنا على طاعتك يا حى يا قيوم>>​

 

[ELFAD3Ah]

لا اله الا الله وحده لا شريك له ,له الملك وله الحمد يحيي ويميت وهو على كل شئ قدير
رضيت بالله ربا وبالاسلام دينا وبمحمد صلى الله عليه وسلم رسولا

 

[الشيخة@]

الله يجزاش خير

 

[الذوق]

استغفر الله

 

[*الشيـــهـانـة*]

الله يهديج بهدايته يااااارب
ياقلبي اهم شي الصلاااااة
ماينفعج لازوج ولا عيال اهم شي اعمالج وصلاتج