اللي كان عندها مشكلة سواد الابط... وحلتها؟؟؟ تفيدنا؟؟

[رايقة1980]

امنيتي............................









مجرد امنيه...






القى كريم يزيل سواد الابط




منو مثلي ودها تحقق هالامنيه؟؟

ومنو تقدر تساعدنا وتقول لنا عن تجربتها؟؟؟؟



..

 

[ملوكه]

انااا ومو بس الاباط لو في كريم يوحد لون الجسم ومجرب

 

[اميرة الدلع]

هلا حبيبتي تفركين المنطقةبليمون مع سكر بس مع الاستمرار تشوفين نتيجة حلللللللوة بس اذا جسمج حساس لا تستعملينه

 

[om_dmai3a]

انا سمعت عن ديودرانت vichy اذا ماني غلطانة ان بيض عموما هالماركة معروفة انها ممتازة اللي تعرف شي تفيدنا بليز

 

[!! شوق !!]

ديودرنت فيجي روووعه انا استعمل المعطر منه ,, الكل يقووول يفتح بس انا مو شايفه فرق .,.

يمدحووون كريم سودو او البيتادين وبصراحه لحد الان ماجربتهم ..
رايقه اذا حفيتي يتهييج الجلد لازم تعالجين هالشغله اووول عقب تعالجين السواد ,, ولووو تبين كريمات للتهيج قوليلي ترا خبره بهالمجال

 

[brettey]

ملوكه فيدينا عسى الله ينولج الي في بالج

 

[om_dmai3a]

اي ملوكه فيدينا بليز

 

[*دبدوووبه*]

انا سألت وايد ناس
وايد دكاتره

في بعضهم قالولي بمواد طبيعيه
مثل اللليمون
وفي خلطات من اعشاب طبيعيه


انا استخدم ديودرنت من امريكا
بصراحه روووعه ومكون من الصبار الطبيعي
وفتح المكان وايد
خلال سبوعين
كل يوم اشوفه شبه يتقشر ويفتح لونه
اشوف شلون اخليكم تحصلونه بالكويت
لان في صيدليه تييبه
انا لم شفته بمركز الساير اللي متخصص بمنتجات جويريه
شريته من المعرض
هذا رقم المسؤوله هناء اللي شريته منها
دقوا وسألوها اذاحبيتوا هالشي 6393725
سألوها عن aloe اللي من امريكا
موجود عندهم ولا لا
واهوا سعره مو غالي
جنه ب 7 مادري 4
وان شاء الله تستفيدون

 

[Haboona]

نصيحه اذا حفيتو غسلو المكان بس ابماي و حطو بيبي اويل و الديودرنت لا تكثرين منه و حطي شويه ديودرنت و وااااايد بودر مال جونسون انا ابطي فتح 80% من هالطريقتين و لما تحفون لا تحفونه وااااااااايد لين تصلخون يلدكم لا شوي شوي

 

[coffee]

اهلين

اول نصيحة ابتعدي عن الشيره لانها تسود المنطقة
عندج خيارين يا مكينة براون او موس بس مع اتجاه الشعر
ويفضل تسوين ليزر لان اساس السواد من الشعر
ما قمت استخدم ديودرينت نهائي وبحط تجربتي بموضوع ان شاءالله

 

[على نيتي]

الشيره تسوووووووووووود ؟؟؟؟؟ ليش؟؟؟

 

[ghalaty]

شوفوا خواتي أنا تجربتي ان استخدم اليمون بين فتره والثانيه خاصه للصيف تخفف التعرق وتفتح اللون ييبي ليمونه وفركي الاباط وكل المناقق الي فيها سواد قبل الاستحما ربع ساعه هذي وحده فلبينيه قالتلي اسوي جذي والله جزاها خير فادتني وبعدين ديودرنت روك حلو ما يسود وبعد مرات احط شبه وطبعا اهم شي نظافة المنطقه وبعد الشيره لا تحطون ديودرات لان هذا يسوي سواد وحاولوا دايما تلبسون تي شيرت كم قصير تحت الملابس علشان يمتص العرق ان دكتو قال لي واهوه دكتور جلديه ان في الحر لازم البنات من هم اصغار يلبسون ملابس قطنيه التي شيرت وشورت علشان السواد الي يكون بهل اأماكن وسوري طولت عليكم بس انشاء الله تستفيدون وتدعولي

 

[رايقة1980]

اشكركم على التفاعل
ولو اني مابي طرق وقايه.... ابي العلاج!!!



وبالنسبه للشعر خفيف ووواستخدم له براون......



اللي عندها اسم كريم مجربته لاتبخل عينا

 

[[]نهاوند[]]

انا بصراحه ما احب الكريمات حق التببيض اخاف فيها مواد ضاره لدرجة صارت عندي حساسيه منها

جربي هالخلطه وان شاءالله تنفعج

زيت لوز + زيت جلسرين كميات متساويه منهم وخلي الخلطه عندج وقبل الحمام اعصري عليهم شوية ليمون واحطي على جسمج وعلى الأماكن اللي فيها سواد مثل الاباط وبين الفحذين والركب واي مكان ثاني خليه اسعه على الاقل

ان شاءالله تفيدج​

 

[rainbow_brite]

شوفي انا جربت كريم الجمال السحري من صيدليه النهدي والله فتح المنطقه بس البنات ما مدحو هني بالنتدي وايد يقولون سوالهم التهابات انا بصراحه فادني واستخدمت بعد كريم البحر الميت ملوت الاردن تلقينهم كله يسووله دعايات بالجمعيات وتلقينهم بمجمع منيره اللي بالساالميه تكرمين يبيع جواتي وتحت فاشن مل اهم فوق بالارضي قوليلهم ابي كريم البحر الميت والله يبيض وايد نتايجه سريعه

 

[تعب-قلبي]

اخت رينمبو برايت هل جربتي كريم البحر الميت على الابط ويجم الفتره يبين نتيجته؟

 

[Q8_ButterFly]

جربي كريم دوف الوردي وخلطي معاه هالكريم Betnovate


وايد بنات يحطونه للمنطقه الحساسه واتوقع ينفع للأباط

 

[ii DareeN ii]

حبوبه قبل استخدام اي كريم بس تاكدي ان مافيه كرتزون اهم شي
لان الكرتزون يفتح ويطير السواد خير شر ويسويه فاتح بس شيسوا عليج امراض

 

[زهرة الخريف]

حبيبتي انا جربت خلطه وللحين مداومه عليها والله يجزاها خير اللي قالتلي عليها ..........كنت استخدم البولي ولما سمعت عن اضراره قطعته والله لايوريج تعالي شوفي شلون صارت بس الحين الحمدلله بدا يخف السواد ويفتح بدرجه كبيره
المهم ماراح اطول عليكم بالهذره الخلطه اهي
كوب ماي ورد +نص كوب بودرة جونسون+ملع ملح+ملع سكر+3ملع زيت زيتون+شوية عصير ليمون اخلطهم بعلبة وكل مااتسبح احط منها واهي ريحتها وايد حلوه يعني ماراح تضايقج.......يالله شدو حيلكم وجربوها وادعوللبنت وادعولي

 

[حبنا الله عليه]

انا أستخدمت " فيتشي "وفعلاً فتح الأباط

وهم صرت مااعتمد على الديودرينت كل يوم مرات احط كريم ترطيب ومره لا اخلطه بكريم " أفالون " واهو كريم طبي للتبييض الأماكن الغامجه وفرق وياي حيل بس تعالي وين الهمة واكمل ......... اهب فترة واوقف