اللي كانوا يستخدمون كريمات فيهم كرتزون واقطعتهم ... تعالوا بليز

[.. Dior ..]

مرحبا بنوتات

بدخل بالموضوع على طول

انا قبل جم سنه كنت استخدم كريمات فيهم كرتزون وماكنت اعرف اضرارهم على البشره

والبياض اللي يعطونج اياهم ينسيج كل شي

بس بعد ماعرفت اضرارهم بقطعهم بس ماقدرت من اقطع الكريمات 3 ايام تحسس بشرتي واحس بجفاف فضيع كأنه طبقة يابسه على ويهي


انا صج استفدت بالاول بياض ونضاره بس الحين بنات ويهي قلب جاف وحساس وايد لو اسوي شي بسيط او احس بشوية حر احس خدودي تحمرررررر حيل

عاد جونا بروحه دايما حر ورطوبه

من غير الحبوب اللي تحت الجلد لونهم احمر ومرات مالهم لون بس يبين بالمكياج وايد ويصير شكله غلط وشعيرات دمويه يم حلجي


بنات والله تعبت من بشرتي ماخليت دكتور مانفعوني الحين قاطعه الكريمات صارلي اقل من اسبوع ومابي ارجع لهم احس ويهي يفشل جاف حده ويحكني وخدودي كله شابه حمااار مع اني ارطب ويهي عدل وابرد عليه


تكفون يابنات اي وحده عندها تجربه مع الكريمات وتعالجت من اثارهم او لقت حل لااي مشكله للبشره من بعد الكريمات تفيدني ولاتبخلون علي

والله لاادعي لها من كل قلبي اللي تساعدني ولو بشي بسيط

وامانه بنات مابي توقعات او سمعت وتجربون فيني عفيه

يالله انتظر نصايحكم

 

[كاشا كرمباشا]

سجلت دخول عشانك

انا استخدم كريمات كورتيزون وبلاوي

لكن اذا باقطعهم مااقطعهم فجاءه لاااا بالتدريج

والايام الي اترك فيها الكريم اعوض بمرهم طبي اسمه ليبوبيز احط طبقه كثييييفه

ودائم ارطب بزيت لوزوزيت سمسم

وحطي عسل اصلي مع زيت زيتون وحنه اصليه مايصبغ ترى

وحطي ماسك سدر وكركم وعسل ومره

وامسحي وجهك دائم بشاي اخضر وبابونج باااارد

وباطمنك ترى اي مستوصف لو تروحينله يعطيك دوا 3 ايام ويتعالج وجهك


دعواتك ربي يوفقني ويتمملي على خير

 

[.. Dior ..]

يابعد قلبي كاشا ياااااااااارب يوفقج بكل اللي يحبه ويرضاه ويتمم لج على خير ياكريم ويطمن قلبج

حبيبتي ممكن اسم كريم ليبوبيز بالانجليزي بطلع صورته من النت عشان اشتريه

وشنو الكريم اللي من المستوصف شسمه ؟؟




بناااااااااات اي وحده عندعا تجربه بعد تقولنا

 

[كوارين]

ماتشوفين شر

حاولي تهدين ويهج بالباونج والماي الورد

 

[ام مثاليه لابسه ترجيه]

كريم سودو حلو لاي تحسس او تهيج

وهمن كريم ميبو بس ريحته مو ذاك بس يريحج

 

[.. Dior ..]

شكورين بنات الله يعطيكم العافيه

راح اجرب كل اللي قلتوه

بس عفيه بنات الحبوب اللي تحت الجلد شلوووووون تروح صارلها فتره طويله تخف وتزيد بس ماتروح بالمره حتى اذا حطيت من كريمات الكرتزون مع ان بشرتي جافه الى عاديه ماعمره طلع فيني حبوب بهالشكل

اللي صار معاها جذي تسعفني بالحل

والحبوب تحت الجلد لها علاقه بالكريمات ؟؟؟

 

[.. Dior ..]

شكورين بنات الله يعطيكم العافيه

راح اجرب كل اللي قلتوه

بس عفيه بنات الحبوب اللي تحت الجلد شلوووووون تروح صارلها فتره طويله تخف وتزيد بس ماتروح بالمره حتى اذا حطيت من كريمات الكرتزون مع ان بشرتي جافه الى عاديه ماعمره طلع فيني حبوب بهالشكل

اللي صار معاها جذي تسعفني بالحل

والحبوب تحت الجلد لها علاقه بالكريمات ؟؟؟

 

[رزنامه2010]

السلام


اى والله بنات صدقتوا انا صج ماستعملتهم وايد ولم هديتهم طلع بويهى شعيرات وخدودى كل لونهم احمر حر برد لونهم احمر وحبوب قامت تطلع بويهى وانا عمرى ماطلع فينى حبوب

 

[.. Dior ..]

رزنامه الله يعينا نبي حل حق هالبشره الحين

انا يأست من حمرة خدودي والشعيرات خلاص احس مالهم حل غير المكياج يخفيهم بس المشكله الحبوب مع المكياج تبين اكثر

ان شاء الله البنات يفيدونا

 

[@سيدة نفسي@]

انا استخدمت كريم تبييض لأقل من شهر ولعب ببشرتي لعب
صارت حسااسة ورقييييييقة وجافة وتعورني بعد ولوني صار محمررر .. فمابالج باللي يستخدمون
هالكريمات سنيييييين .. الله يكون بعونهم صراحة..
أقوللج اشسويت ..حق الجفاف قمت أستخدم زيت الزيتون قبل النوم
وحق لون بشرتي استخدمت ماسكات طبيعية مثل يطاط مهروس وحليب
أو نشا وماي ورد أو عسل مع حليب مع خميرة يعني كل يوم ماسك مختلف
وبالنسبة حق الحبوب ماكو أحسن من المرة .. جيبي استكانة مرة مطحونة
ومثلها زيت زيتون ومثلها ماي مفلي وحطيهم بعلبة زجاجية واستخدميهم
يوم وترك .. وان شاءالله أكون فدتج والله يشافيج ان شاءالله

 

[.. Dior ..]

مو معقول محد جرب كريمااات التبييض على اللي نسمعه من خلطات اتوقع الكل جربهم


ااااااااااااااب

 

[ليل الذكريات]

نفس ماساتي انا شريت خلطه من وحده ويانا بالمنتدى اللله يسامحها ماني قايله اسمها والبديه روووووووووووعه ولما تركتها طبقه حمراء يابسه وجافه وحبوب حمراء وشحوب بالبشره والحين قاعده اتعلج عند اخصائيه لي شهرين وباديه تحسن الحمدالله وكنت قبل اتعالج مافي كريم ماشريته وكان يزود المشكله قالتلي الاخصائيه لان البشره محترقه من داخل

 

[مراسي الشوق]

رفففففففع ويارب اتصير بشرتج مرمر

 

[بس احبك]

ياحياتي الله يعينج وماتشوفين شر ان شالله

ولا يهمج لاتضاايفين ان شالله بشرتج بترد احسن من اول

شوفي انا نفسج استخدمت كريمات كلها كرتزون وبالبدايه بشرتي اوكي وبعدين لعبت فيني بعد ماخليتها

وقطعت فتره عن الكريمات والمكياج وما احط مكياج الا نادر بس بالمناسبات

واستعمل صابونة الكركم والبابايا والصابونه السوده ابشرهم واحط معاهم ماي ورد واشوي اسكينول الليمون وشوي نشا واعجنهم بايدي مثل العجينه واحط بعلبه وكل يوم الصبح وبليل اغسل فيهم

جففت الحبوب واللحين الحمدالله راحت بس بين فتره وفتره تطلع حبه او حبتين وكلها يومين او اسبوع وتروح ماشالله تبارك الرحمن

وبشرتي ردت احسن من اول

واستخدمي الزيوت الطبيعيه مثل الجلسرين وجنين القمح والخروع واللوز المر

وانا استخدم ماسكات مثل كركم البشره مع قشطة المراعي وربي تهببببببببببل شوي علييها رهيبه ماشالله احس لما احطها تعطيني نظاره مو طبيعيه وتفتح بشرتي بس خليها على ويهج 4 دقايق وغسلي بماي دافي او بارد

وبعد سفيد اب مع روب او مع ماي ورد حيييييييييل حلوين وهم روب مع هرده

وبس خلج على طول مرطبه بشرتج وابتعدي عن المكياج ريحي بشرتج

وانتي شوفي شنو يناسبج واستعمليه

بس نصيحه حبيبتي روحي حق دكتور دام انج تستخدمينه من جم سنه لان انا ماطولت بالكريمات بس شهر او شهرين

^_*