اللي كانوا يحبون وتزوجوا

[حرم احمــد]

بسم الله الرحمن الرحيمـ

موضوعي واضح من عنوانه اللي كانت تحب وتزوجت غير حبيبها شنو كان احساسها وقت الملجه ووقت العرس ولمن شافت زوجها شلوون كانت تصرفاتها معاه عادي زوج والسلام ولا حبته ونست حببيها وعادي ؟

بنات انا احب واللي احبه مو راضي يتركني مع اني ملجت وقريب اتزوج لكن اهو مو مستوعب هالشي

انا وعدته نكووون لبعض وتعاهدنا لكن مرت 3 سنين واهو ماسوا شي يقولي رااح اخطبج من اهلج

ونطرت ونطرت لكن ماصار شي عشان جذي انا فكرت بعقل وقلت لازم احط حد للموضوووع وافكر

عدل قبل تطووف علي فرص الزواج مع انه عمري 22 وتقدملي ولد خالتي واستخرت ربي ووافقت :denya:

لكن المشكله اني انا نفسي مو متخيله نفسي مع

انسان غير اللي احبه لان الحين مو قادره انساه ولا قادره اخليه شلووون لا صرت عند زوجي

ودي انساه واحيانا احن واردله وبعدين اتضايق واقوول يارربي ليمتى وانا متشتته وضااايعه

خلااااص هالانسان ماعاد لي ولا انا له ..!

مع العلم انه دق بملجتي يبجي و يقوولي ويحن علي طووول الوقت اني اتطلق عشان يخطبني مع انه لو اتطلق

جذب ماراح يخطبني ماخطبني وانا بنت يخطبني وانا مطلقه ؟:bbbiu:

المصيبه اني عارفه تفكيره شنو لكن مو قااادره اهده تكفووون قولولي شسوي عشان انساه

مابي اظلم زوجي معاي وابي اعيييش فرحتي بدون ذكريات أليمه وتعور القلب وودي من اللي مثل

حالتي وعاشوا اللي قاعده اعيشه يقولولي عن حياتهم بعد الزواج نسوا اللي كانوا يحبونه

ولا لا ؟

خااايفه حييييييييييييل اني اقاارن بينهم خاصه انه اللي احبه طيب وحنون ورومانسي ويموووووت فيني

لكن ماشفت من افعااله شي ؟؟

مرات اقوول ياليتني ماوافقت ومرات اقووول لو كان فعلا يبيني خطبني لو مجرد خطبه عشان اصبر عشانه وانطره طوول العمر لكن اهو اللي حدني وخلاني اختااااااار الزواااج لانه ماعطاني اي امل انه راح يتزوجني ,,,!

 

[انا لحبيبي .]

حبيبتي انا مو ضد الحب اطلاقا ، بس بدي ياكي تعكس الادوار ، زوجك كان على علاقه بوحده واكتشفتي بعد فتره انو ما زال معها شو شعورك؟

انا عارفه انه الحب مو سهل تنسيه ، وبدك فتره بس قولي انه ربنا عوضك بااحسن منه

هالشي يلي صار من الله سبحانه وتعالى ، واكيد هالشي خير الك وعسى أن تكرهو شيئا وهو خير لكم ، كل شي بالدنيا نصيب واتاكدي لو الك نصيب معه رح تاخديه ، ( لن يصيبكم الا ما كتب الله لكم )

 

[القمـر]

حبيبتي حاولي تبعدين عنه واشغلي نفسج بأي شي

حتى لو انج مو ملجه حطي في بالج انه اللي تسويه غلط وانج بتوبين

وصدقيني ربي يحبج ورزقج الحلال حاولي تقنعين نفسج

مووفقه يا غلااي

 

[Al-RoRo77]

انتي صح توكلي ع الله ومع الأيام بتحبين ريلج وايد سمعت قصص مثل قصتج ومع الأيام حبوا رياييلهم
وقطعي من الحين كل وسيلة اتصال يقدر ان يتواصل معاج فيها
الله يوفجج يارب

 

[classicyah]

مآ عليج منه ،

الريآل في هالموآقف ، يحب يسوي درآمآ و أكشن

هو أصلاً لو يحبجْ ، جآن بيي يخطبجْ قبل الخلق و النآس ،

بس هو مب قصده زوآج . .

لآ ،

هو يبآ يعيش معآنآه ، و يبآ يسوي مسلسل ، انـه هو المظلوم الي حبيبته اتزوجة وآحد غيره و هدته ،

،

مآ عليج منـه

هديه و لآ اتردين لأي مكآلمه و لأي مسج ،

غيري رقمجْ ،

لأن هآذي تعتبر خيآنـه . .

،

آلله يوفقج ،

 

[جوري 2007]

انتي ماشاءالله عليج بنت عاجله عشان جذي شاورتي عقلج وهديتيه وتزوجتي وان شاءالله راح تبدين حياة يديده

لازم تبدين حياتج بتوبه وقناعه وحب وووفاء للزوج عشان ربج يوفقج ويرزقج ويعيشج بسعاده طووول عمرج

اهم شي لا تبدين تقارنين بين حبيبج وزوجج عشان لا تعيشين بقلق ،، اوفي لزوجج عشان يوفيلج لان الدنيا دوراة

بالتوفيج ♡♥

 

[قـہۈه فـرنسيـہ™]

^


^



^


عجبني ردج ~


....................................



أنا عن نفسي أوافق البنات .... صدقيني رآآح تنسينه بعد الزواج وتنسين طوايف طوآآيفه .... بس ان شاء الله يكون زوجج سنع ويقدر ينسيج إياه ....

وانتي بعد خليج سنعه واحفظي بيتج وزووجج لا تركضين ورى سرآب وتخلين الوآقع ...

والله الله بالدعاء لج انتي وزوجج ....

افرشي سجادتج آخر الليل واطلبي ربج ....



وموفقه حبيبتي

 

[ميمي..]

مابي اظلم زوجي معاي وابي اعيييش فرحتي بدون ذكريات أليمه وتعور القلب

انتي قاعده تظلمين زوجك من الحين
سوري حبيبتي بس اكيد انك بنت ناس محترمين ماله داعي تسوين هالتصرفات
وتكلمين واحد وانتي مخطوبه ومملكه بعد يعني انتي متزوجه حاليا واللي قاعده تسوينه اسمه
خـــــــــيـــــــــــــانه
ترضين زوجك الحين يكلم غيرك ويبادلها المشاعر بعد
تصرفك كان صح لما تركتيه اللي يكذب عليك ويعشمك بالزواج
فكملي واقطعي علاقتك فيه غيري رقمك ايميلك اي شي يعرفه
عشان تفتكين من اتصالاته
شلون تبين تنسينه وانتي للحين قاعده تكلمينه

 

[أم توتو]

خليج مع عقلج واتركي قلبج عقلج شيقول لج اتركيه وتزوجي غيرة والله يوفقج

 

[قلبي محمد]

حبيبتي انتي اخترتي وملجتي وانتهى الموضوع
الحين لازم تفكرين بريلج وبس
لكن الشخص اللي كنتي تعرفينه لازم تقطعين علاقتج فيه خلاص
وفهميه هالكلام
واذا انتي متردده حطي في بالج انج للحين عالبر.. اذا ما تبين ريلج انفصلي عنه
فكري عدل عدل واتخذي قرارج
بس و انتي بهالوضع الحين حراام تكلمين واحد غير ريلح ديري بالج هاذي خيانه له
والله يوفقج ان شاءالله حبيبتي بأي شي تختارينه

 

[فوفو22]

اذا تم عقد الزواج

الماضي كله ورا ظهرج

لانج مسئوله اما شرع الله عن زوج وبيت وبالمستقبل عيال

هذا ماضي راح بخيره وشره

وغيري رقم موبايلج وابتعدي عنه

وادعي ربك يعينك على نسيانه

فوفو

 

[ماني من الناس]

حرام تجمعين على نفسج ذنوب على شخص ما يسوى ولا يستاهل لو يبي يعيش دور الرجوله الصح جان تقدم لج من زمان مو قاعد الحين يفلم عليج ويبكي على الاطلال شكله حاب يعيش فلم هندي مع احترامي

 

[ChocolateFlower]

اذا حاسه نفسج ضعيفه وممكن انج تردين تكلمينه بأي وقت فنصيحه انفصلي عن ريلج احسن لان لان جذي تعتبر خيانه وحرام

 

[ياليتك حليلي]

انتي قاعده تظلمين زوجك من الحين
سوري حبيبتي بس اكيد انك بنت ناس محترمين ماله داعي تسوين هالتصرفات
وتكلمين واحد وانتي مخطوبه ومملكه بعد يعني انتي متزوجه حاليا واللي قاعده تسوينه اسمه
خـــــــــيـــــــــــــانه
ترضين زوجك الحين يكلم غيرك ويبادلها المشاعر بعد
تصرفك كان صح لما تركتيه اللي يكذب عليك ويعشمك بالزواج
فكملي واقطعي علاقتك فيه غيري رقمك ايميلك اي شي يعرفه
عشان تفتكين من اتصالاته
شلون تبين تنسينه وانتي للحين قاعده تكلمينه

قلتي اللي بخاطري :rerrerek:

 

[ابرار الحزينه]

والله توكلي على الله واتركي حبيبك صدق الرجل مايمنعه شي لو حط الشي براسه واو كان صدق يبيك يتزوجك بس هو يبي يعيش دراما وقصة حزينه انا عارفه حبيبتي اللحين ضايق خلقك وتعبانه نفسيتك عشانك تركتيه ونصيحه لا يأنبك ضميرك عشانك تركتيه لو هو حصله وخطب بيتركك وبيقولك سوري انا خطبت غيرك حتى لو انتي حبيبته زي ماصار لي 3 سنين وانا انتظره واخرتها ملكته اليوم والله خليك قويه ولاتضعفين وتصيرين زي وتعيشين طول حياتك ندم وترا كل شي خيره احس تركتيه يمكن كان بيخطب ويتزوج وحده غيرك وتندمين انك تركتي زوجك

 

[طوووطه]

حبيبتي انتي اللي سويتيه صح وماشاءالله وايد قويه تغلبتي على مشاعرج وهالشي رحمه من ربي وربي دزلج واحد غيره صدقيني ربي يحبج ولا تشترين شخص بايعج وتبيعين واحد وصل لبيتكم وخطبد وشاريج ويبيج بالحلال ماكو مقارنه حبيبتي انا ادري وحاسه بشعورج وعشته هالشعور ووايد صعب بس الايام كفيله تمحيه صدقيني باجر اكبر نعمه يكون عندج عيال وبيت هالشي ماله مثيل وشعور فوق الوصف لا تحرمين نفسج منه عشان شخص بس يفكر بلحظته يمكن يحبج صح بس صدقيني الريال ماناخذ كلامه ناخذ افعاله وشنو يسويلج اهوه طول الثلاث سنين ماسالج شي تبين تخربين بيتج عشانه حافظي على بيتج وزوجج

 

[عاشقة الدوحة]

وليش طول هالوقت ما تقدم لج
بنات الناس مو لعبة
والعمر يركض
خليه هو بعد يتزوج
والله يوفقج

 

[جادل سبيع]

استخيري حبيبتي ولا يوسوس لج الشيطان وايبرر خيانتك باسم الحب والوفا وابصراحه الحب الحقيقي يجي بعد الزواج والعشره وتعب الحياه ومصاعبها مو اللي بنضره ونضرتين ومكالمه وسوالف الله يهديه وايوفقك اختي وايهنيك يارب.

 

[حرم احمــد]

فديتكم كلامكم عالعين والراااس

بس اللي قالوا اني عالبر واذا مابي زوجي انفصل عنه مستحيل اسوي هالشي

البنت سمعه والناس ماترحم وانا يتيمه باجر يقولون ماتت امها وضاعت عدل كلامي ..!

خاصه ان زوجي اهو ولد خالتي وماخذين اختي قبلي وحرام اهو مايعيبه شي بس مثل ماقلتكم

لاني كنت على علاقه معاه 3 سنين مو شويه .. بعد كلامكم قلتله اذا تحبني انساني وخلني اكمل حياتي اللي

كنت اتمنى اعيشها معاك وانت حرمتني وحرمت نفسك من انا نجتمع ابيت واحد قلتله اذا تحبني

لا تدق وخلني بحااالي وفعلا بنات مرت الحين ايااام وماله لا حس لا خبر ؟

 

[خيشة شكر@]

الله يستر عليج ان شاءالله ويهنيج يزووجج والبنات ماقصروواا وابتعدي عن الي كنتي تعرفينه تراا مايجووز ؟؟؟؟؟