اللي قاعده اسويه صح ولا غلط ؟؟؟

[نــggر]

السلام عليكم ورحمة الله وبركاته

كيفكم بناااات إن شاءالله تكونون بخير ؟؟

امم بالصراحه ما كتبت الموضووع إلا لاني تعبت من التفكييير واتمنى تساعدوني

بنااات انا انسانه حييييييييييل صريحه يعني ما عندي لف ودوران في الوجه اقولها

ومو كراهيه مثل ما فسروها بعض من الناس لكن انا ما ابي اكتم في قلبي واجامل وانا
اللي في قلبي غيير والله عالم بقصدي

طبعا صراحتي اشوفها ما توصل لدرجة التجريح يعني في اموور بسيطه مثلا صديقي اشترت حاجه اقولها مو حلووه

والحمدلله صديقاتي تفهموا طبعي وانا من البداايه خبرتهم ان اللي في قلبي على لسااني

لكن صدمت بوحده عزيزه على تقولي انتبهي لكلامك تراك تجرحييين بدوون ما تحسسين وكلامك حيييل يجرح

انا انصدمت جلست افسر لها ان نيتي والله مو تجرييح قالت لي لا الصرااحه مو كذا

بعدها صرت اكره اتكلم احس كل كلمه اقولها تجرح غيري واندم الف مرره اني قلتها

تكفوون بنات ابي رأيكم انا غلطانه وصدق اعتبر جارحه لغيري

محتاجه لنصايحكم

 

[اميره الخليج]

شوفي حبيبتي ترى الناس اجناس ولاتجلسين تتعقدين ولا شي بعض الناس يتقبلون الكلام وبعضهم حساسين اخ ياكثرهم بعايلتنا الحساسين بس خلج سطحيه مع الحساسين ههههههه واللي تعودوا عليج يحبونج صدقيني وهذي شخصيتج اهيا جذيه انتي مثل ابوي الله يطول بعمره اللي بقلبه على لسانه لو شنو نقوله خلاص هذا طبع والله ربعه خلاص متعودين عليه واللي مايتحمل كيفه ههههههههههه بس انتي حاولي تجاملين نوعا ما *

 

[حسبنآ الله]

حبيبتي اغلبية الناس عايشين على المجاملات
اذا تكلمتي معاهم بصراحه ..انجرحو لأن كلمة الحق تعور القلب
بس اذا وحده ماعرفت اسلوبج فهميها انه مو القصد تجرحيها
وانتي مو غلطانه اذا ماقلتي لها شئ يجرح او شئ
ربي يعينج

 

[Tom ♥ Jerry]

.


جآملي في بعض المواقف
خصوصا مع الناس الحساسه الي يزعلون

 

[FeShinGoOo]

ساعات توصل الصراحه للتجريح واذا ماله داعي تجرحين جاملي مافيها شي

في امور مانقدر انجامل فيها بس اذا الامر بسيط وراح يفرح غيرج ترى مافيها شي تكونين لطيفه مع الناس

مثلا اذا شفت اختي شاريه نفنوف وحدها مستانسه وطايره فيه وتسألني عن راي ما اقولها مو حلو اكيد راح تتضايق

قوليلها حلو بس لو لون ثاني جان احلى او حلو بس مو ستايلي او حلو بس ناقصه شغله فلانيه

جذي ماراح تنجرح عكس لما تقولين مو حلو كاش .. عرفتي ؟؟

بالعكس الواحد حلو انه يكون صريح وحقاني بس مثل ماقتلج الاشياء الي تفرح الناس مافيها شي لو انجامل طالما انه المجامله ماراح اتضر بالعكس يمكن تنفع

 

[B7rainia]

انا مثلج ههههه

عادي خذي راحتج خلج صريحة بس قبل لاتقولين الشي حطي نفسج مكان الشخص الي جدامج جوفي اذا بتنجرحين من الموقف او بتتفشلين حاسبي شوي في كلامج

ماعرف اشرح لج بس يعني خلج صريحة دام تحسين ان الشي عادي لاتعورين قلبج مع الي يتحسسون من كل كلمة بس في نفس الوقت انتي بعد لاتمصخينها

يعني مو تغلطين ع خلق الله وتحرجينهم وتسمينها صراحة لا

 

[Stay alive]

شوفي جاملي عالخفيف

وبيني رايج بس بلطف

يعني اذا وحده قالتلج شرايج بالشغله الفلانيه .. لا تقولين مو حلوه اشكره

قولي يعني .. نص ونص .. حلؤه بس ناقصها كذا .. زوينه ..

فيه كلمات وايد توصل للمعنى بس بلباقه

اما اذا قلتي مو حلو .. بعض الناس تتحسس من هالنقطه

 

[غلا التركي]

بالعكس الصراااحه حلووووووووووووووه ....

بس في ناااس ماتقبلهااااا وتفهمج غلط

 

[صابرة رغم الجروح]

حبيبتي ترا الناس اشكال والوان مانقدر نعاملهم كلهم بنفس الطريقة
لان فيه منهم حساسين ومايتحملوا الصراحة والبعض عادي يتقبل انا ما اقولج تنافقيهم بالكلام بس حاولي قدر الامكان تجملي الكلام لما تبدي رايج بشئ معين وتقولي لهم الراي باسلوب حلو وبعفوية لان طريقة الكلام ذاتها تلعب دور بالموضوع

 

[شلة بنات وبس]

السلام عليكم ورحمة الله وبركاته

كيفكم بناااات إن شاءالله تكونون بخير ؟؟

امم بالصراحه ما كتبت الموضووع إلا لاني تعبت من التفكييير واتمنى تساعدوني

بنااات انا انسانه حييييييييييل صريحه يعني ما عندي لف ودوران في الوجه اقولها

ومو كراهيه مثل ما فسروها بعض من الناس لكن انا ما ابي اكتم في قلبي واجامل وانا
اللي في قلبي غيير والله عالم بقصدي

طبعا صراحتي اشوفها ما توصل لدرجة التجريح يعني في اموور بسيطه مثلا صديقي اشترت حاجه اقولها مو حلووه

والحمدلله صديقاتي تفهموا طبعي وانا من البداايه خبرتهم ان اللي في قلبي على لسااني

لكن صدمت بوحده عزيزه على تقولي انتبهي لكلامك تراك تجرحييين بدوون ما تحسسين وكلامك حيييل يجرح

انا انصدمت جلست افسر لها ان نيتي والله مو تجرييح قالت لي لا الصرااحه مو كذا

بعدها صرت اكره اتكلم احس كل كلمه اقولها تجرح غيري واندم الف مرره اني قلتها

تكفوون بنات ابي رأيكم انا غلطانه وصدق اعتبر جارحه لغيري

محتاجه لنصايحكم

لا اختى اللى تسوينه صح مو غلط المجامله هي النفاق وربنا قال - والمنافقون والمنافقات فى الدرك الاسفل من النار - اى فى قاع جهنم عرفتى واللى تقول جاملى خافى ربج وراج قبر قولى الحق والصج لو على قص ارقبتج واللى ماتعجبها صراحتج وصدقج ماتنفع تكون صديقه صدقينى :eh_s(7):

 

[غلا-زوجي]

الناس صارت ماتتقبل كلشي واحنا لازم ننتبه الف مرة عاللي بنقوله وبالنهايه كل واحد ونيته

 

[є 3 τ и α q]

آبدآ يَ الغاليه ولا تتضايقين ,
افضل لك تكونين صريحه مع اللي قبالك
ولا تكونين مجامله عشان مصالحهم ..


/

اذا مَ تبي رايكك لآ تجي تسأل طيب ..؟


لآ تغيرين من نفسك وخليك زي مَ انتِ
اللي تسوينه ابدآ مو غلط ..


وبـ راحتهم
رضا الناس غاية لآ تدرك
والله يوفقكك

 

[جوري 2007]

ترى المجامله المعقوله تنفع ،، يمكن اهيا زعلت لانها حساسه وايد مو لانج انتي صريحه

 

[زوجة عزيز]

واي نفسي انا وايد خسرت ناس بسبة صراحتي !

 

[روح مغليهاM]

ترى المجاامله في بعض المواااقف مو نفاااق
مثل مره شررريت شنطه مرا عااجبتني تجي صديقتي وتقووول واااع مو حلو مااعجبتني بكذا هذا يزعل مو زعل زعل بس ترفع ضغطك لان الناااس اذوووواق
يعني في هالامور ماتنفع الصرراحه او قولي عاديه لو انتي تشفينها مو حلو ابدا لانها خلاص شرتها وانتهت
وبعد الصررراحه حلوو بس مو توصل للتجرييح

 

[! هُوْ وِينِه !]

خليج جذي أنآ جذي مآ أحب أجآمل

 

[روند الاحساس]

شوفي أختي الصراحه لها أسلوب
يعني أكون صريحه وأتكلم مع الناس بصراحتي بس تكون بأسلوب
ومقدمات في البدايه مع شوية مجامله علشان توصل الفكره للشخص
المعني ويفهم قصدج ولا يفكر عكس فالمجامله لا بد منها حتى في الصراحه
لأن في ناس حساسين درجه كبيره وما يتحملون الصراحه إللي بدون مجامله
إن شاء الله أني أفدتج بكلامي

 

[مفسرة الاحلام]

قول خيرا او اصمت


اما تقولين شي فيه خير ولا اسكتي احسن لك واحسن للناس


وترى البنات حيل حساسات وانتم تشوفون اكثر الهوشات بين الحريم لانهم يتحسسون ويزعلون على ادناه الدون



المهم المجامله مطلوبه يعني وش فيها اذا شفتي فستان راعيته طايره فيه ومعجبها وانتى مو معجبك وش تخسرين اذا قلتي لها حلو عليك تقطعينه بالعافيه بس انا مو ستايلي هذا كذا انتي راعيتي مشاعرها وبنفس الوقت قلتي رايك



والله الكلمه الحلوووووووه مفعولها سحرررررري


ولا ننسى ان الكلمه الطيبه صدقه ماراح نخسر شي لو نلاطف الناس ونراعي مشاعرهم



نعم انا مع ان كثير من الصراحه يعني الجرررررررررح