اللي فيها تكيس على المبيض ... تعااااااااااااااالي

[كلي-حلآ]

السلام عليكم ورحمة الله وبركاته​

بناات انا دورتي مو مضبوطه من اول مابلغت والحين انا متزوجه قبل شهرين جتني الدوره متقطعه يعني نزل دم 3 ايام وعقب وقف غسلت وصليت وردت الاسبوع اللي وراه نزلت وهذا الشهر الثاني نزلت علي 10 ايام دم متقطع عقب وقف اسبوعين وردت نزلت رحت للدكتوره قالتلي هذا تكيس على المبايض وعطتني حبوب جلوفوكاج اتوقع جذي اسمها مو متاكده قالتلي هذي الحبوب اكليها 10 ايام وراح توقف الدم وبعدها اذا نزلت عليج الدوره تعاليلي علشان انضمها لج ويروح التكيس ​

بس بنات بغيت اسال اللي عندهاا تكيس كان الدم ينزل عليها مثلي ؟
بغيت اسال التكيس علاجه سهل والا لا لاني قاعده احاتي حييل
وشلون على الجماع يعني ياثر والا لا ؟​

لاني نسيت اسال الدكتوره اللي عندها فكره تردلي وادعولي الله يشفيني​

 

[كلي-حلآ]

شدعووا بناات 13 مشاهده ولا وحده رددت

 

[المغرورة]

هلا حبيبتي

التكيس شي عادي وانا صار فيني مرتيتن يعطيج الطبليب حبوب تنضيم الدورة وأهية نفسها تعالج التكيس
تاخذينها من اول يوم الدورة لما تخلص الحبوب وبعدها تنزل الدورة وتراجعين الطبيب يشيك راح او لا ممكن انه ما يروح على طول ياخذ شهرين ثلاثة عادي بس اهم شي ترجعين وتلاحظينه لا يكبر



وان شالله يطيح من بعد العلاج

وعلى فكرة ترى يمنع الحمل بوجودة بعد ما يروح خلاص يصير حمل

 

[غرايب]

أنا أعرف وحده فيها تكيس 3 سنين ما حملت

وراحت للدكاترة وللحريم وما لقت حل

بس دلوها ناس ع وحده تمرخ وما شاء الله راحت لها وبعدها بشهر تقريبا حملت ع طول

اذا تبين الرقم طرشيلي ع الخاص علشان أتصل عليها آخذ الرقم

 

[كلي-حلآ]

هلا حبيبتي

التكيس شي عادي وانا صار فيني مرتيتن يعطيج الطبليب حبوب تنضيم الدورة وأهية نفسها تعالج التكيس
تاخذينها من اول يوم الدورة لما تخلص الحبوب وبعدها تنزل الدورة وتراجعين الطبيب يشيك راح او لا ممكن انه ما يروح على طول ياخذ شهرين ثلاثة عادي بس اهم شي ترجعين وتلاحظينه لا يكبر



وان شالله يطيح من بعد العلاج

وعلى فكرة ترى يمنع الحمل بوجودة بعد ما يروح خلاص يصير حمل

مشكوووره قلبي الله يعطيج العافيه ويوفقج يااارب

 

[كلي-حلآ]

أنا أعرف وحده فيها تكيس 3 سنين ما حملت

وراحت للدكاترة وللحريم وما لقت حل

بس دلوها ناس ع وحده تمرخ وما شاء الله راحت لها وبعدها بشهر تقريبا حملت ع طول

اذا تبين الرقم طرشيلي ع الخاص علشان أتصل عليها آخذ الرقم

مشكوووره قلبي ماتقصرين بس انا حاليا مابي احمل لان شوي عندي ظرووف بس ابي يوقف الدم ان شاءالله بستمر على الحبوب والله كريم

 

[سموالاميره2009]

اختي صار فيها ومو متزوجه عطاه الدكتور حبوب وقال راح تنتظم الدوره ولما خلصتهم الحبوب راجعته قال طاح الكيس وخلاص بس امس داقه علي تقول الدوره نزلت مصدومه عاد قال عادي ماراح تنزل قويه بس شوي نزل عليها والله يعينكم وتلقون العلاج بس ترا عادي سهل علاجه اذا ما اهملتي نفسك

 

[الحبيبه الدبيبه]

لاجه سهل جدا انا صار فيني وعطتني الدكتوره حبوب وبعد شهر سويت سونار لقيت التكيس راااااااح

 

[مهب الريح]

مرحبا
شخباركم
خواتي انا عندي تكيس من زمان ومش راضي يروح تدرون ليش لان التكيس في انواع نوع عادي يروح ونوع الثاني مايروح ويكون منذ الولادة نفس حالتي ويسمونه تكيس مبايض متلازم هو صح يخف بالكلوجوفاج بس عندي مايوح وهذا اللي مخلنه يأثر علي وخصوصا هالمرة مانزلت الدورة من شهر 3 للحين ورحت جيكت العيادة سووا لي الترا ساوند وبين التكيس واضح فقالت لي الدكتورة هو اللي ماخر الدورة وعطتني حبوب منع الحمل اخذه لمدة 5 ايام وبعدين لما اوقفه بتنزل الدورة وعطتني بعد حبوب التنظيم لمدة 3 اشهر عشان بعد العيد بسوي عملية انابيب والله ييسر للجميع
احتي ان شاء الله يكون عندش التكيس بسيط ومايطول.​

 

[A7la q8tya]

شوفي انا اعرف واحده كان عندها تكيس و سوت ليزر و شفت و الحمدلله انا بسألها عند منو كانت تتعالج و بقولج

ادعي لي انه الله يرزقني بولد يا رب

 

[مسك وورد]

كثري الماااااااااااااااااي اشربي قدماتقدرين وخاصه وقت الدوره
عن تجربه

 

[ام غلا50]

انا تزوجت وقعدت 9 شهور ودورتي كانت طبيعيه ومضبووطه وحملت لما رحت افحص البيبي باووول شهر له انصدمممممت قالوا انتي عندك تكيس 8 سم تخيلي وانا توي حامل لي شهر بعدين قالوللي روحي واذا صالك ثلاث شهور واستقر وضع البيبي نسويلك عمليه نسسحبه انا خفت وقعدت ابكي وحالتي صعبه ماتهنيت بحمالي ولافرحة البيبي ولا عطوني دوا ولاشي ولمن صارلي ثالاث شهور جيتهم قالوولي صغر اسسستغربت ولمن صارلي خمس شهوووور اختفىىىىىىىى ابد وهذا انا الحمدلله بخير وبنتي نايمه جنبي ويارررب لك الحمد لا تخااافين ابد بس توكلي ع ربك ولاتخافين والله يستر عليك وترى التكيس عاااااااااااادي انا يوم قلت لقرايبي اكتششفت ان اكثرهن فيه تكيساااااات والله معك​

​

 

[كلي-حلآ]

الله يعطيكم العافيه بنات ماقصرتوا

بس انا اللي محيرني الدم للحين ينزل شوي ويوقف هذ طبيعي يعني ؟؟