شوفي حبيبتي
مقادير الباشاميل
1- قالب زبده
2- 4 ملاعق طحين
3- لتر حليب
4- رشه ملح وفلفل اسود
5- ملعقة شاي سكر
6- جبن موزاريلا
الخطوات
1- تذوبين الزبده
2- تضيفين رشه الملح والفلفل الاسود والسكر قبل ما تذوب الزبده كلها وتقلبين لين تذوب
3- اول ما تذوب الزبده ضيفي لطحين وقلبي بسرعه وخلي الطحين يختلط بالزبده
4- بعدها صبي شوي الحليب وخلطي وبعدين حليب وجذي لين يخلص مقدار الحليب اللي عندج وخلطي لين يذوب الحطين وحركي عدل لين يبتدي يصير ثقيل معاج طبعا الخلط يكون بالخفاقه مالت الكيك اليدويه ( اللمعقه المشبكه )
5- ضيفي جبن موزاريلا عشان تمسك وخلطي عدل لين يصير القوام ثقيل يعني لما تحسين ان ايدج بدت تعورج وانتي تخلطين
بعدها صبيه على المعكرونه
بالنسبه للمعكرونه
1- تختارين المعكرونه اللي تبينها انا افضل لسباجيتي او مالت الباستا اللي تصير طويله شوي تسهل عليج القص وما تتفلل من لصغيره
2- تغلين ماي وتحطين فيه ملح وزيت ولما يغلي اضيفين المعكرونه وبس تشوفينها صارت لينه تشخلينها
3- تاخذين بايركس او اصينيه اللي بتستخدمينها وتدهنينها بزيت وتحطين المعكرونه وتخلينها على جنب
خلطه اللحم
المقادير
1- كيلوا لحم مفروم
2- 3 حبات بصل مفرومه
3- حبتين طماطم مفرومه
4- 2 فص ثوم مبشور
5- عدد 2 علبة معجون طماطم
6- بهارات ( دارسين + هيل + فلفل اسود + لومي اسود مطحون + كمون) + ملح
الطريقه
1- تفوحين اللحم مع ماي خالي لين تطلع كل زفرته ( يعني تحطين اللحم + ماي ) فقط بدون اي اضافات
2- بس تشوفين ان لزفره تراكمت على سطح الماي شيلي من النار وشخلي اللحم وشطفيه بماي فاتر
3- اخذي اللحم وحطيه بجدر وصبي عليه شوي ماي يعني تقريبا ربع كوب ماي وحمسيه لين ينشف
4- ضيفي على اللحم البصل والثوم وربع كوب ماي مره ثانيه وردي حمسي لين ينشف وتشوفين ان البصل راح لين
5- ضيفي قليل من الزيت وحمسي
6- ضيفي البهارات السابقه وحمسي وبعدين ضيفي الطماطم ووحمسي لين يذوب الطمام
7- ضيفي المعجون وخلطي عدل راح تشوقين ان صار كتله هني ضيفي ماي تقريبا جلاص لين تشوفين ان صار عندج صلصه خاثره غطي الجدر وقصري عليه وخليه يغليه شوي لين تصير الصلصه خاثره وثقيله
8- بس تستوي صلصتج ضيفيها على المعكرونه
9- بعدها روحي حضري الباشاميل واول ما تخلص صلصة الباشاميل ضيفيها على اللحم
1- عقب ما تضيفين الخلطه حطي عليها جبن موزاريلا ودخليها الفرن لين يتحمر السطح
وبالعافيه
( ياريت اللي تجرب طريقتي تكتب رايها )
