اللي فاهمه بخراب الرحم تدخل

[بنت الكويتq8]

طبعا الموضوع عن الدوره عندي..وبليز بنات اللي ماعندها خبره..او معلومه مو متاكده تخليها ميخالف ابي شي مضمون..

انا بديت اكل فتره الدوره سمن معاه رشاد طبعا يكون على نار هاديه

وهم بديت اشرب عنزروت ومحلب وحلبه ومره

الوصفه اللي لقيتها من بنت في منتدى بس ضيعت الرابط. تقول اخذ كم ملعقه واحطهم في كوب حار واشرب نص فنجال قهوه

طيب واللي بالكوب وين اوديه؟انا غطيته وحطيته بالثلاجه عادي اصخن واشربه من جديد

وكم فنجال للاحسن اني اشرب؟؟

طبعا هذا تقول تجنب للالتهابات فهمتوني؟

وانا على وجه زواج


لكن ياقلبي بدا يطلع معاي اشياء غريبه ..سوري بقولكم بس تحملوني يالغلا

تطلع شغلات من عندي بدال الدم>(يكرم اللي يقراء)مثل اللزوجه كثيفه لونها اسود

وريحتها لاتطاااااااااااااق مع ان ماكان يطلع معاي جذي لما ماكنت اهتم بنفسي

هل هذا اعلان بدايت ان رحمي بيكون زين؟

ولا انا فاهمه غلط؟؟​

 

[ريم البوادي]

رد : اللي فاهمه بخراب الرحم تدخل

اهلين حبيبتي ماعندي علم بالللون الاسود اللي يطلع
بس انا عندي خبره بالنسبه للتحاميل لمن نحطهاو احنا نفاس يطلع منى وسخ وبقايا اللي بالرحم عزج الله وكرم الله القاريء
فاللي فيها خراب او رخوه بالرحم تعدل نفسها بالدوره واتوقع اللي طلع منج شر وراح يا خراب كان فيج وراح وتداركتي الموقف

وانشاءالله البنات يفيدونج

دمتي سالمه

 

[بنت الكويتq8]

رد : اللي فاهمه بخراب الرحم تدخل

ربي يريح قلبج

مشكوره ياعمري


ننتظر الباجي..

 

[بنت الكويتq8]

رد : اللي فاهمه بخراب الرحم تدخل

رفع..

 

[{الجارحه}]

ماعرف شي عن الخراب

بس انتبهي تحطين تحاميل وانتي بنت

راجعي دكتور احسن

 

[om-7many]

رد : اللي فاهمه بخراب الرحم تدخل

ماعندي فكره

 

[السنافيه]

ان شااء الله البنات يفيدونج

 

[حكستار]

في عضوة في المنتدى يمكن (خبيرة اعشاب) هي تقدر تفيدج.
لكن لا تتعبثين بنفسج وانتي بعدج بنت.

 

[سوار وقلاده]

صراااااحه ؟؟؟ انتي حيل مستعجله ليش تلعبين بنفسج توج بنت شلون تاكلين هالسوالف وانتي توج
بس بصراحه حيل حيل غلطانه ديري بالج ترى انتي بنت .... نطري لما تتزوجين وذيج الساعه اكلي اللي تبينه

 

[ابتسامة نثيه]

رد : اللي فاهمه بخراب الرحم تدخل

بعرف ليش اتسويين كل هذا شنو الغااايــــــــــــه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
رحمج انشاءالله نظيف ومافي شي لانج بنت ولاتلعبين بعمرج ياقلبي بقولج سالفه بنت نفسج بالضبط وشصارلها بس تعالي الخاااص احسن

 

[أو عبوش]

للامانه الرشاد والسمن وقت الدوره طبعا مع التمر زيييييييييييييييين وماله ضرر ابد بس الرشاد مايتكثر منه بدايه الدوره لانه ينشف الدم قبل لا يطلع كل الوسخ واخر ايام بالدوره اكلي رشااااااد بكيفج

واذا نفس القطع تطلع منج ومسوده احتمال كبير يكون هذا دم قديم من دوراتج اللي طافت وعلى كلامج ماكنتي تهتمين بنفسج

روحي حق مره كبيره تداوي بالاعشاب (طبابه) بتقولج شنو هالافرازات ومعناها

في ام طلال بالفردوس قطعه 2 خووش وحده الله يجزاها الجنه

 

[ffanr]

حبيبتي لاتخلفين ولا شي اللي اعرفه ان الرشاااااااد ينظف عدل عدل وخصوصا الدم القديم اللي لونه اسود والظاهر اللي طلع منج هذا علامااات نظافه ومعروف ترى الرشاد حار على الرحم ومايستخدم بالايام الاولى للدوره بس في نهايتها عشان يطلع الدم اللي باقي بالرحم وحتى النفاس ماتستخدمه بداية نفاسها

وهم اقولج سألي اكثر .. ومافيج الا العافيه ان شاء الله

 

[سيدة الذوق]

اب للافاده

 

[ام احمد الزاهر]

اي هذا بدايه ان الوصخ الي برحم بدا يطلع بس انتي ليش ماتاخذين ادويه من حريم يفهمونج كيف تستخدمينهم انا والله قبل ماكنت اهتم بعمري وبعدين شفت رقم وحده تاجره كانت عندنا بالمنتدى وحاطه تجارب وايد واخذت الرقم ودقيت عليها واخذت منها نضام الدوره اول ماستخدمته ووععععععععععععععععععععع<<<<عفون ع الكلمه
بس قالتلي استمري لانه بدى الوصخ الي برحم يطلع واستمريت والله والله والله الشاهد علي ان حتى زوجي انتبه لاني تغيرت ميه وثمانين درجه والحين ماستغني عنها وحتى شريت لختي الي تبي تتزوج وصار معها نفس الحكايه والحين الحمدلله كل شي اوكي
اذا تبين رقمها انا حاضر بس راسليني ع الخاص ترى رح تعطيج نصايح اشلون تهتمين بنفسج قبل الزواج وبعده جذيه سوت ويا اختي

 

[مشمشيا]

رد : اللي فاهمه بخراب الرحم تدخل

حبوبه انا قبل كنت مو مهتمه بالدوره
و بعدين بديت اهتم و بديت آكل رشاد و طلع لي نفس اللي طلعلج

اتوقع دم متجمع من رمان

و بصراحه عقبها ارتحت من هوا الرحم

بس الحين بديت اطنش هههههه و بديت احس بهوا

 

[عزتي مالها حد]

رد : اللي فاهمه بخراب الرحم تدخل

ان شالله مافيج الا العافيه

شوفي هذا الرابط ياغلاتي

http://www.q8yat.net/showthread.php?t=428455

 

[العذرااااااااء]

رد : اللي فاهمه بخراب الرحم تدخل

الحمدلله انا بنت وماحب العب على نفسي

 

[زمن عجيب]

حبيبتي نصيحة لوجه الله
انت لسه انسة وعندك الم بالدورة اوبرد اشرب فقط مرامية ان تحطها في ماء ساخن جدا مدة ساعتين تخرج البرد وتنظم الدورة وياريت تشرب علي الصبح علي الريق (مجربة)
وتانيىة هي روز مارية ولها اسمين: اكليل الجبل-اليازير ببلد لمغرب
العشبة في منتهي الروعة للبرد والم الحيط والرحم الخربنة تشرب فقط ايام الدورة من اول يوم لاخرة
وراح تشوفي نفسك كيف تصيري طيبة
وطريقة تحط بماء ساخن جدا وتشرب بالصبح علي الريق وبالمساء (مجربة وعلي مسؤوليتي الخاصة)
غير كد لاتستعملي شئ