اللي عندهم e71/علموني اللي تعرفونه

[يــاغربـــالي]

السلام عليكم شلونكم بنات //.//./........


توني شاريه e71


علموني الاشياء اللي فيه /

كل شي عنه قولولي

عليميه ترا


عفيه لاتبخلون علي

 

[يــاغربـــالي]

أهئ شدعوه ///

علموني

 

[ريما وديما]

انا عندي له سنه تقريبا او اكثر
بصراحه استعماله حلو نفس الاجهزه الثانيه بس حلو ومايعلق
وكامرته واضحه حيل وتستخدمين النت عليه نفس اللاب

 

[شـيـخـة الـغـيـد]

^

سنه !

< حسبآلهآ جديد ! خخخخخخخخ


آنآ كنت محتآره بين البلآك بيري والآيفون أبوي شرآلي هذآ قآل يشبه البلآك بيري خخخخخخخ


بس إبتلشت في الثيمآت مو رآضين يتحملون .. اللي تعرف تسآعدنآ

 

[يــاغربـــالي]

ريما شلون استخدم النت ؟

مادام عندج وصارله سنه اكيد تعرفين فيه عدل << علمينا

بس معقوله صارله سنه نازل !

 

[شـيـخـة الـغـيـد]

^


حبوبه .. تبين تشبكين روحي للـ ويب وحطي خيآرآت بعدين خيآرآت التنقل وآخر شي ذهآب إلى عنوآن ويب وإكتبي

الموقع اللي تبين تدخلينه

 

[شوكلاتة سويسرية]

انا بعد عندي مشكلة ان مو الثمات مايركبون علية مادري ليش


؟؟
وتصويرة عندي مو واضح مادري جوالي خربان ولا كلهم كذا؟

 

[يــاغربـــالي]

التصوير حليو //

يالله بنات <<<

 

[Kawaii GiяL]

بالنسبه لمشكله الثيمات و البرامج

menu >>installations >>App.mgr.>>option>>setting>>

راح يطلعلج خيارين الاولى all
و الثانيه off

 

[Kawaii GiяL]

اما بشنو يختلف جهاز e71 عن باجي الاجهزة او شلي يميزه
فيه وايرليس تروحين القائمه
connectivity
wlan wiz.
راح يطلعلج قائمه فيها الوايرليس
اذا كان فيه باسوورد تكتبيه و تشبكين عادي

و الحمدلله ببيتنا وايرليس و جامعتنا فيها وايرليس فا كله شابكين

 

[Kawaii GiяL]

فيه مسنجر انتي تحملينه ...

و في برنامج يستقبل ايميلاتج يعني لطالما في وايرليس يشبك بروحه و ينبهج اذا ياتج رساله
و تقدرين تطرشين رسايل انتي بعد

و هالشئ بطريقتين

بطريقه انج تروحين موقع email.nokia.com
و هذا برنامج .. راح تلقين مكانه بال installation و راح يحط الايميلات اليديده اللي ما تبطلت و الايميلات اللي قبلها بيومين جذي

او برنامج المسنجر نفسه عقب ما تحملينه راح يقولج تبين ايميلاتج يوصلنج تحطين نعم .. تروحين صوب المسجات يعني مو في الصندوق الوارد و المرسل و المحفوظات راح يصير وياهم ملف اسمه windows live
روحي هناك و راح تلقين كللللللللللللل ايميلاتج من اول و يديد حتن القدم بس ما يحدث نفسه لازم انتي تسويله تحديث و يطلع اليدد بس سهل التحديث ثواني

 

[Kawaii GiяL]

روحي القائمه
media
internet radio
و راح تسمعين محطات الراديو لجميع الدول العالم
بس لازم تشبكين وايرليس ...
انا و رفيجاتي بالجامعه حاطين عالمحطه الكوريه و قاعدين نضحك عليهم هههه فراغه

 

[Kawaii GiяL]

روحي
menu
tools
encryption

راح يطلعلج ذاكرة الهاتف
و الذاكرة الممري اللي تتركب

تقدرين تقفلينهم بحيث الصور و الرسايل و كلشي كلشي ينقفل و اتوقع يختفي
و يرجعون لما تبطلينهم بالكلمه السريه

بما ان فئه ال e لرجال الاعمال فا توفرلج اكبر قدر من الخصوصيه

للامانه انا ما جربتها ... بس اذا كان المموري متروووس عادي يتم القفل بالساعات عشان جذي ما جازفت و جربت

لاني مافيني صبر دام موبايلج يديد .. سوي نسخه خليها عندج بالكمبيوتر و نسخه صور مثلا في الموبايل و جربي وشوفي شلون الطريقه بالضبط و بالتفصيل .. عشان اذا صار شئ غلط اشوة الا عندج نسخه من الصور في الكمبيوتر

 

[Kawaii GiяL]

اذا تبين ثيمات متحركه و ظريفه حق موبايلج

دشي على هالموقع مجرد ما تنزلين منه ثيم
راح يحمل معاه تلقائيا برنامج اسمه own skin

http://www.ownskin.com/theme/Nokia/E71/307/1/

عقب ما تختارين الثيم اللي تبيه ... اهو طبعا متحرك .. بس نوكيا ما تدعم الثيمات اللي تتحرك فا تروحين برنامج
ownskin

و راح تلقين ايقونه اسمها aimator4
و تحطين اول خيار on حق animate theme
عشان يرك الثيم
و تقدرين تتحكمين بسرعه الحركه في الخيار الثاني
و الخيار الثالث حق السكرين سيفر .. سواء اللي حاطينه لج .. او صوره متحركه او فلاش انتي تحددينه

و على فكره .. هالسالفه مو بس حق e71 كل كل جهاز تلقون ثيماته بهالموقع

 

[Kawaii GiяL]

و بما ان تخصصي انجليزي و احتاج حق الترجمه روحي قائمه ... مكتب .. قاموس
و نزلي اللغات اللي تبينها وااايد نفعني بالجامعه الدكتور عباله اني فلتت زماني ما يقول كلمه الا و مترجمتها مايدري كلمعاني اقراهم من الموبايل ههههههه

 

[Kawaii GiяL]

و اخر شئ ... في طريقه . اذا لا سمح الله انباق جهازج تقدرين تقفلينه من اي موبايل يتوفر جدامج بانج تدزين رساله و ينقفل

هالطريقه رفيجاتي ماكانو يدرون عنها فا بدعت بامن يابتهم ههههههههههههه مساكين كلوها لين قالو بس وايد طفرتهم

شتسوين مثلا انتي خايفه على جهازج من ان ينبااق
تروحين
menu
settings
general
security
phone and sim card
allow remote lock
>> yes <<
راح يطلب منج الكلمه السريه مالت الجهاز اللي 5 احرف او ارقام اذا كنتي حاطه من قبل قفل سري حطيهم و اذا لا من 1 لي 5
و بعدين يطلب منج تحطين كلمه سريه حق القفل عن بعد و طبعا الكلمه تختلف عن القفل السري
فاا تحطين مثلا q8yat
اذا احد باق جهازج و اهو مبطل
و مثلا معاج اختج ... تاخذين منها جهازها و تطرشين رساله حق رقمج مكتوب فيها q8yat
مع مراعات السمول ليتر و الكبتل لتر و الارقام و الاحرف
و بس ينقفل

 

[Kawaii GiяL]

و من ناحيه الشكل الخارجي اذا لاعت جبدج منه ...انا و رفيجتي رحنا فيرجن اللي بالمرينا ... يسوولج ستكر يلزقونه بالموبايل عجيييب والله
شكله مرتب و ذرب و يغطولج كل الرصاصي اللي بالموبايل و في شكثر استكرات عندهم .. و اذا بتطلبين صوره معينه من عندج ياخذ من 3 ايام الا اسبوع و اذا عندج الصورة بنص ساعه ساعه بالكثير و يخلصونه لج ب 8 دنانير و اذا بتضيفين شوارفسكي الحبه ب 100 فلس تنثرينه على الستكرز و ماراح ياثر على الجهاز ... لانه مخصص حق الموبالات و الستكرز حجمه صغير و بس

 

[F.A]

مشكوره حبيبتى Kawaii GiяL
شوقتينى خاطرى بالجهاز
بس سألت قالولي بعد جم شهر بينزلE72
كامرته 5 ميغابيكسل

 

[F.A]

مشكوره حبيبتى Kawaii GiяL
شوقتينى خاطرى بالجهاز
بس سألت قالولي بعد جم شهر بينزلE72
كامرته 5 ميغابيكسل ونفس الشكل

 

[Natasha]

عشان تعرفون تاريخ صنع الجهاز

اضغطو

نجمه مربع 4 اصفار مربع ( *# 0000 # )

راح يطلع لكم تاريخ صنع الجهاز