اللي عندهم باليت النـــيـــكـــد ممكن سؤال شلون تحطون هالشدو؟؟؟؟

[الغلا89]

السلام عليكم

بنات أنا عندي باليت النيكد والشدو هذا اللي إسمه SIDECAR
بالصوره هذي
http://www.m5zn.com/uploads2/2011/9/11/photo/09111120092164wkgq0cytg2.jpg

إذا حطيته يتناثر على كل وجهي ويسير لمعه حييل ماتروح ... وأنا أحط بودره تحت عيني واجد بس ماكو فايده ليش جذي يتناثر اللي عندهم الباليت بيفهموني ... يعني يبين نفس الزري بس على خفيف ومو حلو يسير شكله الصبح:eh_s(16):

شلون أقدر أوخر هاللمعه
مرات أنا ماأحط الفاونديشن والبودره إلا لما أخلص من عيني ... بس إذا بحط الفاونديشن والبودره بيتناثر الشدو ويبين حيييل

وشكرااا

 

[بنت احلام]

اممممم حاولي تحطين كلينكس او بلاستر <<مادري يمكن يضبط معك


وان شاءلله الخبيرات يفيدونك ياقلبو

 

[الغلا89]

اممممم حاولي تحطين كلينكس او بلاستر <<مادري يمكن يضبط معك


وان شاءلله الخبيرات يفيدونك ياقلبو

ماقصرتي ياحياتي
حطيت كلينكس ولافاد أول ماشيله يتناثر معنى إنه لونه فضيييييع....

ناطره باقي البنااااات

 

[مناته]

اذا يتي بتحطينه حطيه بالطبطبه مو بالسحب
عاد انا مو فالحه بالشرح
واصلا النيكد باليت لمعته مو حلوه للصبح فالشمس تبين اوفر

 

[أحبه موت]

حبيبتي العيب بطريقة وضعج للشدو انتي اظاهر وانتي تاخذين الفرشه تفكرينها حيل بالشدو عشان جذي يصير الشدو كله متيمع بالفرشه ولمن اتحطينه على جفنج يتناثر
انتي جربي اول ماتحطين الفرشه بالشدو لا تفركينها حيل لأن بالبيتات نيكد ألوانها قوية بمجرد ماتحطين الفرشه وتمسحين عاللون يمسك اللون
وثاني شي عقب ماتمسحين الفرشه بالشدو قبل لاتحطينها على عينج هفي على الفرشه عشان الزايد يتناثر
ان شاءالله اكون أفدتج​

 

[شندوخه]

حطي الشدو على عينج بطريقه الطبطبه مو مسسح
جذي مايتناثر

 

[نوارة الرياض]

جربي طريقة احبه موت هذي طريقتي مع باليت النكد

 

[UNICORNA]

بللى الفرشاه بشويه ماى وبعدها لا خذى شوى من الشادو بدون ماتفركينه بقوه

 

[الغلا89]

مشكورين بنات والله ماقصرتوا

أوكي بجرب طريقتكم لأني أحط واجد وأزيد عليه أكثر من مره مدري ليييش ؟؟ معنى الوانه واضحه

ماقصرتوا فديتكم

 

[Miss-Madry]

اول شي حطي البرآيمر

وثآني شي اختآري فرشه منآسبه شعرهآ نآعم > ملوت مكيآجي روعه

وحطيه عادي اخذي مسحه بالفرشه مو تحكينهآ حك ..

وبس

 

[noty]

هلا حبيبتي

مو كله فيه غلتر

حطي برايمر او شدو كريمي قبل لا تحطينه عشان ما تحتاجين كميه وااايد

و استخدمي المات افضل

 

[pink ink]

روعة بس مشكلته فعلا ماينفع للنهار بالمرة ولو حطيتي برايمر حيكون اللون اقوى والغليتر بيثبت اكثر واوضح وكذا مو حلو للنهار بالمرة
للنهار حطي شي مات زي ماقالت نوتي عشان مايبين شكلك اوفر خصوصا من نور الشمس ابدا مو مناسب
الشدو اللي فيه غليتر عاكس للاضاءة حلو في السهرات مع اضاءة القاعة يعطي شكل حلو
كمان الفرشاة لها تأثير لو لاحظتي الفرشاة اللي تجي مع الباليت نفسه تشبه فرش مكياجي
بتكون مناسبة للشدو الكريمي لانه مفروض ينحط قبله البرايمر اللي يجي مع الباليت ومحتاج فرشاة مخصصة للكريمي عشان نتيجته تكون ممتازة
لو تحطيه بفرشاة عادية اقصد المخصصة للشدو البودرة اكيد بينثر معاكي ويخرب الدنيا
طريقة هذا النوع من الشدو ينحط بالطبطبة وفوق برايمر
واكيد لازم قبل ماتحطيه تكوني حاطة طبقة ثقيلة لوس باودر تحت عينك
بعد ماتخلصي شغلك كله تشيلي البودرة كلها بفرشاة كبيرة
نصيحتي لك وفري هذا الباليت الروعة للسهرات خصوصا انه مو متوفر بسهولة
وخذي من NYX باليت البرونز سموكي لوك جدا حلو ونفس الالوان في نيكد بس من غير غليتر
هذي صفحته في الموقع
http://www.nyxcosmetics.com/products/eyes/palettes/bronze-smokey-look-kit