اللي عندها نوكيا N82

[بشه المنفشه]

السلام عليكم ورحمة الله وبركاته


بنات انا ناوية بإذن الله آخذ هالجهاز بس عندي سؤال مهم

إذا عندي صور وملفات بنقلها من الموبايل للكمبيوتر عادي استخدم وصلة البلوتوث ؟؟ لأني سمعت في أجهزة ما تنقل الملفات للكمبيوتر إلا بواير !!! هالجهاز منهم ولا لأ ؟؟ طمنوني بليز

واللي عندها إضافة عن هالجهاز ما تقصر قولولي إذا فيه عيوب أو نصايح عشان آخذ احتياطاتي <<< خبركم الجهاز مو رخيص مابيه يطيح بجبدي

 

[LUCK GIRL]

هاااي
انا عندي الجهااز هذا
يهبل واللون الاسود قمة لوني المفضل
وبعدين عندج خيارين لنقل الملفات
البلوطوووث
والوصلة وبمجرد تعرفين سيدي الجهز في الكمبيوتر خلاص يصير تنقلين من الى
وبكل سهووولة
والجهاااز رووووعة وانصحج تاخذينه وركبي عليه برنامجالمؤذن الجديد اللي فيه القران ناطق بالصوت واااو روعة
الاحاديث وقصص الانبياء والقران و تفسير القران

 

[بشه المنفشه]

LUCK GIRL مشكوووورة يا قلبي

شفت الأسود بس عجبني السلفر أكثر .. حسيت الأسود مو ستايلي ولو حاصلي وردي جان خذيت

تلفوناتي اتضحك كلها وردي <<< احب الفرفشة

وتسلمين ما قصرتي ريحتيني ربي يريحج لأني ما لقيت شي على مزاجي إلا هذا !

 

[صاحبة المعالي]

قبل يومين خذيناه هديه حق ابوي

و شاطين عمرنا و مسوين مفاجأه ..

بس ما ياز له اشوفه امس و اليوم راد على جهازه الأولي

يقوم وايد متعب .. و معقد ( مع انه كان مأذينا عليه )

كل شوي يقول رفيجي عنده جذي وجذي وجذي

الحين طاح بجبودنا و قمنا ندلل عليه هيهيهيهي

آخرتها بياخذه اخوي

 

[بشه المنفشه]

صاحبة المعالي عادي أبوي جذي تلفونه قديم وصغير وخفييف .. مرة يابوله هدية تلفون من هالطوابيق اليدد بالأخير راح باع الهدية ورد على تلفونه !!

يقول ثقيل وكبير ومعقد شبي فيه

 

[بشه المنفشه]

بنوتاااااات باركولي شريته .. دار راسي وانا اتعبث فيه مو متعودة على التكنلوجيا خخخخخخ

بسألكم واللي يعافيكم اتعرفون شلون أنقل الأسماء للكمبيوتر ؟ ودي أحفظهم عندي احتياط

جربت البلوتوث والواير بس ماعرفت أنقلهم لكن الفايلات وغيره لا الحمدلله تمام التمام

ومشكووورين ما قصرتوا .. اي صج لك جيرل ترى هو فيه المنظم الإسلامي فيه مواقيت الأذان والقبلة وايد حلو مفيد

 

[}{داشـه عرض}{]

عالبركه التليفون، يعطيييج خيره إن شاء الله

بجم أخذتيه ومن وين ؟؟

إشلون كامرته ؟؟

 

[LUCK GIRL]

بنوتاااااات باركولي شريته .. دار راسي وانا اتعبث فيه مو متعودة على التكنلوجيا خخخخخخ

بسألكم واللي يعافيكم اتعرفون شلون أنقل الأسماء للكمبيوتر ؟ ودي أحفظهم عندي احتياط

جربت البلوتوث والواير بس ماعرفت أنقلهم لكن الفايلات وغيره لا الحمدلله تمام التمام

ومشكووورين ما قصرتوا .. اي صج لك جيرل ترى هو فيه المنظم الإسلامي فيه مواقيت الأذان والقبلة وايد حلو مفيد

عليج بالعافيه حبيبتي
انشاء الله تقطعينه بالخير

 

[بشه المنفشه]

هلا حبيبتي داشه عرض

الله يبارك فيج ويخليج .. الجهاز بـ 133 من شركة المستقبل مع كفالة سنة ونص والأسود تلقينه بـ 138 !! مع إن الفرق بس باللون بس مادري ليش هالخمسة حاطينها بس على قولته لأن اللون الأسود توه واصل
والكامره ما شاء الله تبارك الرحمن عجيبه 5 ميغا بيكسل



LUCK GIRL

الله يعافيج ويسلمج ويخليج

 

[!! الواصليّـــــة !!]

بنات الله يعافيكم ابي صورة اللون الوردي

وجزاكم الله خير

 

[بشه المنفشه]

حبيبتي الواصلية مافي منه لون وردي .. لو فيه جان خذيته وكملت مجموعتي الوردية

مافي إلا سلفر وأسود

 

[!! الواصليّـــــة !!]

بشة اختي تقول فيه لون وردي ع سلفر

امبيه شكلها كلت علي مقلب !

 

[بشه المنفشه]

يا عمري الواصلية أصلا حتى بموقع نوكيا مافي وردي .. حتى شكيت رحت دورت بقوقل قلت يمكن انا مضيعه بس صج مافي

يمكن راح بالها على تلفون ثاني ؟!

بس إذا ناوية تاخذينه ترى صج حلو ما شاء الله ما يتطوف وإنتي عاد غيري بالثيمات وحطي ستراس وحركات مثل ما يسوونها البنات إذا خاطرج بوردي

 

[!! الواصليّـــــة !!]

مشكورة ع الرد ياقلبي ,,

تدرين عاد ؟

انا لو بكيفي جان لبست عباية وردية ههههههههههههههههههههههههههههه << تسويهاا الواصلية !

 

[شرطيه]

[


بس إذا ناوية تاخذينه ترى صج حلو ما شاء الله ما يتطوف وإنتي عاد غيري بالثيمات وحطي ستراس وحركات مثل ما يسوونها البنات إذا خاطرج بوردي



عاد صج بخاطري اخذه...انزين حبيبتي اهو مايعلق؟؟لانه كان عندي N73 وصج روعه بس وااااااااايد يعلق
تخيلي مثلا اذا بدز مسج يعلق دقيقتين بعدين يندز وبهاللحظه لما كنت ادز المسج اذا احد دق مايرن عندي
بس كان يرن عند اللي كانت تتصل فيني ولا اهو واااايد حلو بس اخاف هالتلفون يعلق واتحسف اني اخذته
فيدوني بنات

 

[بشه المنفشه]

اي والله صاجة هالألوان يا حلوها تشرح القلب .. انا موبايلاتي القديمة كلها وردية

يا وخيتي خلينا مفرفشين ونونس روحنا :eh_s(20):

 

[بشه المنفشه]

فراولتنا .. والله انا توني شاريته ما كملت أسبوع ولي الحين الحمدلله مرتاحة عليه

بس كنت قبلها أدور بقوقل عنه وأشوف إذا يمدحونه أو لا فلقيت اللي يشتكون ان تلفوناتهم اتعلق يقولون إن هذا أحسن وأسرع وما يعلق مثل الباجي

 

[شرطيه]

فراولتنا .. والله انا توني شاريته ما كملت أسبوع ولي الحين الحمدلله مرتاحة عليه

بس كنت قبلها أدور بقوقل عنه وأشوف إذا يمدحونه أو لا فلقيت اللي يشتكون ان تلفوناتهم اتعلق يقولون إن هذا أحسن وأسرع وما يعلق مثل الباجي

مشكوره حبيبتي وعليج بالعافيه...خلاص راح اروح اخذه

 

[بشه المنفشه]

الله يعافيج ويخليج .. ومبروك عليج مقدماً

 

[miss-one]

الكلام حلو عن الجهاز
انا نوعي اطول بالجهاز ما اغير الا لما احلل فلوس الجهاز
وانا صار خاطري فيه انشالله باجر اشتريه بس محتاره اخذ السلفر ولا الاسود