اللي عندها مكينة خياطة تدخل بليز عندي جم سؤال

[bedour18]

هلا بنات

أنا توني بادية اتعلم الخياطة و ودي بمكينة خياطة سهلة الاستخدام ... من وين اشتريها ؟؟؟ فيه المكاين اللي فيهم كمبيوتر و ميموري ...احد مجربهم ؟؟؟؟؟

 

[princesse X]

انا عندي مكينه بالكمبيوتر ما نصح تشترين وحدة اذا انتي ميتدئة، اذا تبين مكينه زينه للاستعمال المنزلي وتسد معاج سنين اخذي جانوم اللي تقريبا سعرها 80 دينار، ما كينات اكوميوتر تبتدي من 500 وتحتاج لحساسية للتعامل معاها ممكن اذا تعودتي على شغل الماكينة عدل تاخذين الجانوم المتطورة او البرنبنا

 

[bedour18]

انا عندي مكينه بالكمبيوتر ما نصح تشترين وحدة اذا انتي ميتدئة، اذا تبين مكينه زينه للاستعمال المنزلي وتسد معاج سنين اخذي جانوم اللي تقريبا سعرها 80 دينار، ما كينات اكوميوتر تبتدي من 500 وتحتاج لحساسية للتعامل معاها ممكن اذا تعودتي على شغل الماكينة عدل تاخذين الجانوم المتطورة او البرنبنا

مشكووووووووووووووووووورة برنسس حبيبتي عبرتيني
من وين اشتري الجانوم ؟

 

[princesse X]

الوكيل في المحلات اللي ورا حديقة البلدية قريب على ملوت البطانيات
لاتغترين بعدد غرز التطريز اللي مرسومين على الماكينه لان استعمالهم محدود جدا وكثرتهم يزيد السعر، المهم طبعا الزجزاج ويكون الاسنان تنزل ما تحتاجين للقطعة اللي يحطونها تحت الدواسة علشان الخياطة الحرة 'ممكن ماتعرفين يعني شنو بس مو مهم تعرفين بعدين
اختاريها اتوماتك يعني تغير شكل الغرزة بس من ازرار الاختيار على الماكينه ماعدا الغرز اللي تحتاج ابرتين تحتاجين تغيرين الابرة ماتحتاجين تركبين قطع (نص اوتوماتيك) مع ان هذا نظام قديم بس مرات يحاولون يبيعونه لو عندهم منه وهو زين بس الاحتفاظ بكل القطع صعب

قارني واخذي راحتج واسئلي على راحتج عن الفرق والمزايا بين كل ماكينه والثانية مثل ما قلت يمكن يكون في خاصية في الماكينه انا ما حتاجها ليش ادفع حتى لو دينار علشانها
وخليه يوريج كل القطع شلون تتركب وشنو استعمالها واكتبي ملا حظاتج في نفس الوقت على ورقة لان الكتالوجات عادة وايد مطولة
بعد نصيحة لاتقطين الكاتا لوج ابدا ابدا لو حتى صار للماكينه عندج 100 سنة في دايما وقت نحتاس فيه او نحب نجرب شي جديد
بعد كل اللي قلته ارجو انج ما تسوين مثل البعض اللي راح اشترى برذر وهي ما عندها وكيل ومعروضة في سوبر ماركت
موفقة ان شاء الله

 

[princesse X]

شي ثاني بعد لو سمحتي شيلو ريول ولدكم من جدام ويهي عيب جذيه:dddds:

 

[bedour18]

حبيييييييبتي برنسس مشكوووووووووووووووووورة ما قصرتي

و اذا عالصورة لج الحشيمة و الكرامة
تصدقين عاد ولدي اسم الله عليه بيكمل 4 سنين و مالي قلب اغير الصورة

 

[أحلى عيون]

حبوبه فعلالا اختي برنس ما قصرت واحلى شي مكينه جانوم اخذي الصغيره لا تاخذين الكبيره انا اشتريتها على 50 دينار

 

[اخت الغالي الغائب]

انا جربت ماكينتين جانوم لها اكثر من 10 سنوات وماشاءالله تجدد رغم كثرة الاستعمال كل العايله يخيطون عليها خواتي حريم اخواني
والمكينه اللي مااستغني عنها سنجر الماكينه العاديه القديمه مالت جداتنا هذي مااستغني عنها سهله والمبتدئه تناسبها هالنوعيه اكثر شي وتعمر سنين طويله

 

[princesse X]

حبيييييييبتي برنسس مشكوووووووووووووووووورة ما قصرتي

و اذا عالصورة لج الحشيمة و الكرامة
تصدقين عاد ولدي اسم الله عليه بيكمل 4 سنين و مالي قلب اغير الصورة

االه يحفظه ويصلحه وتحطين صورته معرس ان شاء الله