اللي عندها فكره عن التشنجات في الأطفال والأعشاب اللي تنفعها

[um-naser]

خواتي

اللي عندها فكره ياليت تفيدني عندي بنت عمرها 3 سنوات بدا التشنج فيها من عمر 10 شهور وكان بدون حراره وبعدين تشنت بعدها ب10 شهور ثم بعدشهرين المهم الدكتور صرف لها علاج ديباكين شراب والمفروض ان توقف التشنجات نهائيا ولكن استمرت التشنجات صحيح ان مدتها أقل من قبل لكن أصبحت في فترات متقاربه تقريبا أربع مرات بالشهر وبالأشعه المغناطيسيه أظهرت بأن هناك ضمور بالدماغ أثر على مشيتها وحركتها وأصبحت رجلها اليسار مشدوده أعصابها قليلا مع ان عملت نفس الأشعه قبل العلاج وكانت النتيجه طبيعيه -الآن حالتها تتدهور يوم عن يوم

اذا عندنا دكتوره بالمنتدى ياليت تفيدني

السؤال: أقدر أخفف العلاج عنها تدريجيا وأعالجها بالأعشاب؟
و ما هي الأعشاب التي تستعمل لعلاج كهربة الرأس؟

علما بأن أخي في طفولته أصيب بتشنجات ولم يخضع لعلاج والحمد لله في سن السادسه انقطعت عنه
والآن عمره 32 سنه والحمدلله لم تؤثر عليه

 

[حنون المزيون]

ماتشوف شر يارب
والله يشافيها ويعافيها ويخليها لج
ينت اختي كان عمرها سنه ونص وصار فيها تشنجات مرتين واكتشفوا ان فيها شحنات كهربائيه بالراس وصرفوا لها الديباكين واستمرت عليه سنتين ونص والحمدلله الحين مافيها الا العافيه
اختي نصيحه استمري بالعلاج واذا تقدرين تحولينها لمستشفى البنك الوطني احسن دكاترتهم فاهين بهالاشيا

 

[um-naser]

مشكوره حبيبتي حنون

مشكلة بنتي ان الديباكين مو ماشي عليها -قلت شهيتها وكله دايخه وتنام وايد وتشنجاتها زادت بس النوبه أخف من قبل
واليوم استشاري أشعه اسمه طارق سنان الحمد الله طمنا وقال هذا ما يعتبر ضمور والظاهر ان من قلة الحليب والسوائل
شكل الmri متغير
واليوم وحده امدحت لي مستشفى البنك الوطني حق الأعصاب وقالت في دكتوره بولنديه هناك يمدحونها وايد

ومشكوره مره ثانيه عمري

 

[أحلى عيون]

ما تشوف شر بنتج يارب ويشفيها انشالله

 

[um-naser]

جزاج الله خير حبيبتي زهرة الربيع

 

[بساط الريح]

ماتشوف شر بنتج اللله يقومها بالسلامة يارب

حبيبتي انا مشكلة بنتي نفس مشكلة بنتج الله يشافيهم كان عمرها اربع شهور ياها تشنج مو حراري كانت تسوي حركة مثل تشد ويها وايدها ترجعها لي ورا وكانت تعيد الحركة كل ثانيتين لما وديتها طبيب بصراحة ماعرفولها وكان التخطيط المخ والmri كل طبيعي وصرفو لها دوا موشراب حبوب كنت اذوبهم واعطيها اسمهم فينباربيتون كانت بنتي مونفس اليهال كل نايمة وتعور القلب لاتلعب ولاتناغي ولاشي خذت الدوا لمدة اربع شهور وكنت ابجي بجي عليها وكان كل شهر يصير فيها تخيلي حتى مرات وهي تاكل تتشنج ولو تكون فاعدة تلعب ايها التشنج المهم ماطول عليج وديتها لندن

اول ماشاف الدكتور اللي بالندن الدوا قبل كل شي اي اشعة او تحاليل قال الدوا توقفينا والله يااختي ان كل كلامي صح قال هذا الدوا الكبار مايستحملونه شلون ام الاشهر وكل تحاليل والاشعات ملوت الكويت والله بالزبالة جدامنا انا وريلي لان كانت بنتي كاسرة خاطرة وسوو لها تحاليل وتخطيط مخ وام راي ان طلع مافيها شي الحمدالله وبعدين حولني حق دكتور ثاني تخصص دم يقول يمكن يكون في مادة بالدم تكون مرتفعة وهي سبب التشنج وسوو التحاليل طبعا مافبها شي وحولني لدكتور انف واذن وحنجرة طبعا بتقولين ليش نفس ماانا قلت فقالي الدكتور ان احتمال يكون في ارتخاء بعضلة البلاعيم تسبب لها تشنج وسوو اختبارات شلون تاكل وتبلع عشان يتاكدون والحمدالله هم مافيها شي واخر شي حولني حق دكتور معدة يقول يمكن فيها حموضة بالمعدة يسبب لها التشنج وحطو جهاز من خشمها لي المعدة وقعدو يحسبون لها ويتابعونها والحمدالله طلع مافيها شي واخر شي دكتور فالي لاتعطينها ولاشي وهذا راح يروح وقالي زين لحقتي عالبنت لومكملة 3سنين من ماخذه العلاج جان صارفيها مثل اختلال بالمخ وتصير اسم الله عليها مثل خبلة اسم الله على بنتج انا اقول وديها برا وعالجيها ترى والله مع احترامي للدكاترة مايفمون شي لما رجعت رحت حق دكتورتها مستشفى مبارك وقالت انتي مانطرتي عشان احنا كنا بنسوي هذا كله قتلها اربع شهور تاخذ الدوا وكانو بيزيدون الجرعة
ترى طول فترة العلاج بالندن كانت تيها حالة التشنج والدكتور شافها وقالي عادي خليها وبروحه يروح والحمدالله راح منها مع القراية القران وماي مقري ودهن والله الحمدالله الحين بنتي عمرها 3سنين ونص اسم عليها وماشاالله بالمدرسة والله لحقي على بنتج لاتعطينها الدوا واللله الشافي




اذا عزمتي بتودينها لندن اعطيج تفاصيل المستشفى وكل شي

 

[um-naser]

مشكوره حبيبتي بساط الريح عسى الله يحفظ بنتج وباركلج فيها
الصراحه كلامج وايد ريحني أنا كلش مو مقتنعه بالدوا اللي قاعدة تاخذه والمشكله لما دورت بالإنترنت لقيت أكثر الشكاوي ان الدوا مسبب للأطفال تخلف و ضعف وخمول والدكتور مو مقتنع بكلامي ان بنتي قبل لا تاخذ الدوا كانت طبيعيه تماما واسم الله عليها كانت صحتها زينه بس تشنجت 3 مرات خلا ل سنه وتخيلي ان من بدت تاخذ الدوا لما كان عمرها أقل من سنتين بشوي كان وزنها 12 كيلو وألحين عمرها 3 سنين وزنها 11 كيلو !!! وقامت تتشنج بالشهر 4 مرات
والدكتور يقول انتي لا عاجبك الدوا ولا عاجبك الدكاتره

أنا ألحين قاعده أخفف لها الدوا بالتدريج على مسؤوليتي لما أشوف لها طريقه أوديها بره أو ألقى استشاري فيه خير

وقاعده أقرى عليها وأرقيها وأعطيها عسل ودهنها وانشاءالله يشافيها ويشافي كل مريض

 

[عاشقة الرشاقة]

يارب يشافي بنتج وجميع مرضى المسلمين

 

[كويتية صغيرة]

يارب اسألك ان تشافيها و تشافي كل مرضى المسلمين
اختى
عليك بالرقية باستمرار
و قراءة القرأن الكريم بشكل متواصل

 

[احساس القمر]

الله يشافيها ويعافيها يااااااااااااااااااااااارب

 

[um-naser]

جزاكم الله خير
الله يبعد عنكم كل شر

 

[um-naser]

ياليت اللي عندها فكره عن تشنج الأطفال تقوللي
الصراحه وايد محتاره أوقف علاجها والا لأ ----- المشكله العلاج سوا لها أعراض جانبيه و لي ألحين تتشنج بس بطرق مختلفه
وآخر دكتو وصف لها دوا اسمه كبرا قال انه ما فيه أي أعراض جانبيه ولما قريت الوصفه طلع يسوي رعشه وحركات لا إراديه وتشنجات و اكتئاب و قلق و الرغبه بالإنتحار!!!!!!!!
ما بديت لها العلاج خفت أعطيها و تسوء حالتها و بعدين ما أقدر أوقفه