اللي عندها فكره تدش تقولي

[اوبراا]

قوه بنات

منو عندها فكره عن بلو اوت للشعر البرازيلي عفيه احتاج ردود

 

[زهرا_*]

ما عندي فكرة
بس ما حبيت اطلع من غير رد

 

[اوبراا]

مشكوره زهرا

 

[dodo-lebnan]

ماعنجي فكرة حبيبتي

 

[dodo-lebnan]

ماعندي **

 

[اوبراا]

اخواتي عفيه انا شعري كان يحت قبل بس شسوي وخفيف وايد وفراغات بس كله جدام ريلي متفشله معتفس شعري وحده تالف وتعبان ومنتفش وهم ملفلف بشكل موحلو
جان اروح الصالون وتقول لي الكوفيره اكوا علاج وايد زين لشعر يخفف التساقط وهم يعالج لج التقصف ويخفف اللفلفه
اول ماسوته لي لاحظت شعري وايد حت بعدها بيومين الحمدالله رجع مثل اول التساقط ويمكن اخف اشوي لكن من مر اسبوع وشعري يحت بشكل يخرع وشكله مدهن عفيه شنو اسوي وهي عطتني معاه شامبو وبلسم وهم ماسك

 

[ام عبد العزيز م]

للرفع

 

[روتانا الخليج]

حبيبتي يقولون الحناء توقف التساقط جربيها واكلي فيتامينات للشعر بس استشيري طبيبه قبل عشان تعطيج شي يناسبج

 

[اوبراا]

مشكورين شعري قام يحت بشكل العن من قبل شي يخرع

 

[فديت خبآلي]

مايصير جذي حبيبتي انتي لازم تروحين عند دكتور يساعدج الحين انتي متزوجه مو بنت وريلج ماراح يعجبه هالشي ومعروف انه شعر البنت تاجها انا اقول خلي عنج كل شي وروحي لدكتور يساعدج ع حل مشكلة شعرج واذا تبين دكتور زين من عيوني رسليلي ع الخاص وبعطيج رقمه وعنوانه والدكتور مو من وحدة اعرفها لا والله انا سمعت عنه قبله وانا رحتله بنفسي والحمدلله شعري صار احسن مشاءلله تبارك الرحمن اي واسفه ع ردي المتاخرر حيييل بس السموحه

 

[زهرا_*]

حبيبتي روحي عند دكتور التساقط شكله عنده وايد
حلي هالمشكلة اول و باقي المشاكل سهله

 

[جامعيه طموحه]

حبيبتي اولشي تسوينه توقفين الماسك والشغلات الي خذيتيهم من الصالون
وتروحين حق دكتور وتجيكين على هرموناتج

وفي شغلات وايد تقدرين تسوين اولهم الحنه عشان تقلل التساقط وتريح فروة راسج

وزيت الجرجير الاصلي او تسوينه في البيت يقلل التساقط وايييد وينبت الشعر عن تجربه وبعد اكلي خوخ وايد حلو لاحظت انه كثف شعري كل هذا من وصايا الدكتوره الي رحت لها وللأسف اهيه مو بالكويت ولا جان عطيتج عنوانها