اللي عندها خبره عن جهال المواليد تدخل ضروري

[الفـدعـه]

السلام عليكم


مشكله ولدي بالليل دايما مايشرب الا رقم وهو المفروض يشرب رقمين وعندي مشكله ما(يترع)بسرعه اقعد عليه ساعه ومرات يرجع اللي بجبده سوالي عادي يشرب رقم بس او لا ومشكورين*

 

[الفـدعـه]

وسوالي الثاني اذا شرب رقم لازم يترع او لا

 

[*uM_MiMi*]

المفروض يترع والله بس مو شرط يمكن لان شرب شويه ... بس جنه شويه رقم واحد بس...انا بنتي بتكمل سنه وهي ليلحين بس تشرب ٣ ارقام

 

[q8 83]

اول شي ولدج جم عمره ؟

بعدين البيبي لا تحاولين تشلينه على طول من بعد الرضاعه لان الهوا ماراح يطلع خليه 5 دقايق او 10 دقايق و بعدين طقطقي على ظهره عشان يكون الهوا صعد ويطلع

واذا شرب رقم 1 مو شرط يطلع هوا

و جيكي على المميه يمكن ما تطلع له حليب بسهوله عشان جذي يتعب و يهدها ما يكمل او ممكن يكون هذي حاجته من الحليب كل بيبي جسمه يختلف عن الثاني

و على العموم اذا كان يوعان راح يفضحج من البجي لا توقعين ان راح يصير محترم و يسكت الا يلم عليج الفريج من الصراخ

 

[q8 83]

اي صج شنوا حليبه اخاف ثقيل عليه

و بالنسبه لترجيع اذا يرجع الحليب بشكل ان يطلع الحليب من حلجه على جمب فهوا عادي اما اذا يرجع بشكل مباشر يعني جنه نافورة ترى مووووزين لازم تودينه الطبيب

و ان شالله ماعليه الا العافيه

 

[الـفـجـر الـبـعـيـد]

يمكن ما تنطرينه ايوع يعني قبل الساعتين تعطينه حليب يكون شبعااااان

وخليه شوي عقب الرضعه وبعدين طقطقي ظهره ونطري عليه مرات يطول

 

[مرايــــــــم]

اذا قصدج ان وللدج يشرب رقم واحد وينام
حركي اذانيه وكملي له الحليب
هاذي نصيحه الدكتور بالمستشفى لي لانه
بنتي يوم صغيره نفس حالته

حاولي تنظمين رضعاته
يعني كل ساعتين

 

[Mednight Rain]

الترجيع عافية للبيبي اذا كان شوية ومعقول .
انتبهي للحليب يكون دافي لابارد ولا حار وانصحج بممية دكتور براون حلوه
واذا كان نايم مايطلع هوا بس اذا قاعد لازم تطلعين الهوا عشان يرتاح اذا بترضعينه رقمين عطيه رقم وخليه يطلع هوا وبعدين كملي ، ونطري عليه وطقطقي على ظهره يبيلها وقت أما عن كمية الحليب ماعرف

 

[سنيوره101]

اب
اب
ما قصروو الي فوقي

 

[<<لمار>>]

انتي رضعيه كل ساعتين موقبلها علشان يكون يوعان ويكملج الرضعه وصبري عليه الياهل مرات يطول علي مايتريع واذا ياستي خليه مرفوع شوي لاتسدحينه علشان لايرجع ويشرق اويختنق لاسمح الله