اللي عندها خبره عن التكيس وعلاجه .....؟

[3thari-87]

السلام عليكم خواتي
مشكلتي باختصار
تكيس بالمبيض اليمين
وهالشي اكتشفته بعد اربع سنين من العلاج
وطبعا قالولي انه بسبب ابر التبويض اللي خذيتها قبل
واللي اكتشفها د: بالصباح وحدة اطفال الانابيب
علما ان انا اول مره اروح لمستشفى حكومي وكن كلا اعالج بالخاص
المهم لقو عندي كيسين عاليمين وقالولي مانقدر نسويلج اطفال انابيب لين نعالجهم
وعطوني صدمة عمري
حبوب ياسمين
(( مانع حمل ))
ليش؟
يقولون عشان مايزيد من نشاط المبيض ويكوّن اكياس بعد
المهم انا كليتهم هالشهر
بس بعرف شلون يروح التكيس
وشنو الحل برايكم
وهل التكيس يمنع الحمل
وهل لازم اسوي رجيم
وهل في اعشاب تعالج التكيس
وهل يطول علاجه؟؟؟؟؟

وشكراً



​

 

[samyah a.o]

حبيبتي انا فيني تكيس ولي4سنوات ما حمل وحماتي ماشاءالله تحمل وهوفيها وكثيييييييير اعرف حملوا وهو فيهم
يعني بإختصار موكل النساء مثل بعض والي يصلح لوحد مايصلح لك انتي وكذاااا
بس اهم شي انحفي اذا كنتي سمينه اخذي حبوب الفوليك دااااااااااااائماااا توكلي على الله واستخدمي الاعشاب المعروفه وقت الدوره اذا كان فيه لخبطه في الهرمونات تابعي مع طبيبتك لييييييييييييين تتضبط وتوكلي على الي ماتنام عينها واستغفري تصدقي ادعي والله ماراح يضيع تعبك بيرضيك الله في الدنيا وفي الاخره ان شاااااء الله

 

[SHD ..]

علاجه الجلوكوفاج

موفقة اختي

 

[شباصة ضايعة]

تدرين عاد نفس حالتي اكتشفتها اليوم عند الدكتوره وابعرف اكثر عن التكيس وخايفه لا يسولي عمليه

 

[الجوريات]

الله معانا بنات الي تعرف اي شي عن علاج التكيس وعلمني لين صج مليت من التكيس الم موطبيعي ومانعني من الحمال الحمدلله

 

[3thari-87]

مشكورين حبايبي اللي ردو

نبي خبره بعد بنات

اب
اب

 

[طنيانه]

بعد قدرة الله العلاج للتكيس البردقووش
استخدميه لمدة شهر وروحي افحصي ان شاء الله راح تتفاجئين انه التكيس رااح بأذن واحد احد
.. موفقه يالغاليه والله يرزقج وكل محرووم بالذريه الصالحه ويجعلهم قرة اعينكم

 

[برنسيسة2007]

السلام عليكم
اختي العزيزه البردقوش ثلاث مرات في اليوم يوميا علاج للتكيس ويضبط هرموناتج وباذن الله راح تحملين لان التكيس وضعف التبويض له علاقه بالهرمونات البردقوس
وبعدين اذا اراد انج تحملين والله ان تحملين لو مافيج رحم وان اراد انج ماتحملين ماراح اتحملين لو كل اوضاعج الظبية مناسبه ونصيحتي لج:
شرب البردقوش ثلاث مرات
عمل الحجامه لج ولزوجج
شرب الزنجبيل
ملعقة ينسون مطحون تاكلينها مع تسهيل بلعه بماي زمزم واتقولين دعاء شرب ماي زمزم والينسون من اول ايام الدوره الى تمام ايام التبويض والبردقوش طووول الشهر ثلاث مرات
وتستغفرين في اليوم الف مره وقلبج حاضر وبنية تكفير الذنوب والانجاب
وقومي الليل ركعتين ووحده قبل صلاة الفجر بنص ساعه وادعي الله بالادعيه المأثوره عن الرسول وفي اخر سجده قولي ربي لاتذرني فردا فردا وانت خير الوارثين اربعين مره في سجودج لمدة اربعين يوم
ولازم تتركين المعاصي من اصغرها الى اكبرها سماع الاغاني عقوق الوالدين وغيرها مثل التبرج والملابس الضيقه والعطر عند غير المحارم ونتف الحاجب الى اخر من المعاصي وبإذن الله الواحد الاحد انج راح تبشريني بالحمل ومن كل قلبج راح تطلع كلمة سبحااااان الله والحمدلله على الاسلام

 

[mazioona]

هلا اختي
المانع يعتبر علاح لتكيسات
انا قبل فتره اخ\ منظم واحس ما طاح علي ظلغ لي حبوب
والحين دكتورتي عطتني ياسمين

 

[mazioona]

وعسى ربي يحبر بخواطرنا

 

[3thari-87]

آمين يارب العالمين
يجبر بخواطرنا ويرزقنا عاجل غير آجل
مشكورين عالنصايح حبيباتي
وخصوصاً اختي

البرنسيسه

ربي يرزق الجميع

 

[جديده 1]

البرقدوش زين .. و الجلوكوفاج هم زين .. و لازم تضعفين و بالذات الكرش

 

[زهره الجلنار]

الله يرزقج الذريه الصالحه يارب

 

[النووف]

الاكثار من شرب الماء وقت الدوره زين للتكيس

 

[شوقني ياشوق]

انا كان فيني كيسين كبار
وعطتني دكتورتي مانع لمدة شهر
وسويت الشهر اللي وراه سونار
وربي لك الحمد راحوووو



ولاتخافين الكيس له علاج بحبوب ويروح بسرعه الحمدالله
مانع الحمل يقلل التبويض وينشف الكيس

 

[3thari-87]

حبايبي
انا مشكلتي السمنه من عند البطن والخلفيه
والله كلي عصله بس كرش ودبه
وكل مالي تنفتح شهيتي عالاكل
قاعده احاول انزل وامشي على رجيم
انزل كيلوين واردهم الاسبوع اللي وراه
شالحل
ادش نادي
والا اجيب وحده تسويلي مساج البيت

 

[3thari-87]

اب
اب
اب
اب

 

[جمبلو جمبليله]

راجعي دكتوره خاصه وتعالجي عندنا لان في فرق بين الكيس والتكيس بالرحم


وحتى الصيام سبحان الله يعالجه

 

[ام نواااف]

بنات فيني الم فوق العانه يشد معاي يروح ويرد بقوه
تتوقعون له علاقه بالتكيس
قلت لدكتور فيني عوار قالي يمكن من القالون شكووووووووو
العوار تحت تحت يشد معاي

 

[تل السكر]

نفس مشكلتي عندي تكيسات وعالجتها بحبوب منع حمل مع حبوب كلوكوفاج ثلاث مرات باليوم والمشي المستمر وقللي من النشويات علشان تروح الكرشه والخلفيه مالها دخل وعلى فكره التكيسات تبطئ من نزول الوزن ويطلع شعر بالحنج وبوسط الصدر ويحت شعر الراس وخصوصا من النص
ومثل ماقالوا البنات شربي مرقدوش مع زنجبيل بشكل يومي كنت احط مطارة الشاي فيها قفشه من المرقدوش مع شريحة زنجبيل مع شوية نعناع واشرب طول اليوم وحتى تشيل الكرش لاحظتها
المهم حبيبتي الله يعينج
بس بما ان بسون لج طفل انبوب المتعارف انهم يسوون منظار بطني علشان يشيلون التكيسات وبعد يكشفون على الرحم وبطانة الرحم ويتاكدون ان مافي شي ويسون لج اشعة صبغه بنفس الوقت علشان يهيأون الرحم للاجنه
مايصير يسون الانابيب على نظريات ... اقترحي عليهم وقوليلهم هالشي
وانا شويت منظار وشلتهم لانهم للاسف ماراحو ودمرو وزني ودورتي تخربطت والحمد الله رب العالمين
وان شاء الله يرزقج بالذريه الصالحه
ولاتنسين الدعاء ثم الدعاء ترى الله الرزااااق ...وهم اخذي بالاسباب