اللي عندها خبره تدش

[جواهر23]

السلام عليكم
بنات اللي لها خبر بالقطاع الخاص مدري الهيكله
انا بصراحه في وحده احس انها تاخذ عن طريق شركه وهميه وهي تقربلي حيلي
اللي بعرفه يجيلها معاش او لا منو تقدر تساعدني هذا مو حب فضول لكن انا اعطيها جزء من راتبي وهي تلبس احلا من لبسي وانا باخله علا نفسي حيل وناس قالولي انها تاخذ راتب تكفون منو تقدر تساعدني لاني والله العظيم اني اصرف علا عايلتين وبخلانه علا عيالي وزوجي مظايقه هالشي وتكاثرت الديون علي تكفون ردو علي مابي اكون مغفله بطيبتي *

 

[Tulips]

انتي قصدج تسجلين بشركه خاصه تكون وهميه وتاخذين دعم العماله اللي ينزل للمواطن اللي يشتغل بالخاص

حبيبتي ماتدرين انه هالشي حرام ؟؟ هالفلوس تعتبر من مال حرام لان ماخذتهم بالحيله

وايد شيوخ دين افتو فيها وحرموها

وهذي اللي تعرفينها قاعد تاخذ فلوس مو من حقها لانها قاعده بالبيت و تستلم راتب اللي يداوم

تعوذي من ابليس وشوفيلج شغل اتكدين منه احسن من انج تصرفين من مال حرام

 

[جواهر23]

اختي انتي فاهمه غلط انا موظفه بالتربيه
بس انا اخذ جزء من معاشي اعطيه وحده سمعت انها تاخذ من هالمعاش وجبيت اتاكد هل هي تاخذ من هالمعاش والا الناس ظالمينها لاني انا بحاجة المبلغ اذا هي تاخذ راتب او لا شلون بعرف تكفوووون الله يجزاكم خير ردووو

 

[شاي ونعناع]

اختي انتي فاهمه غلط انا موظفه بالتربيه
بس انا اخذ جزء من معاشي اعطيه وحده سمعت انها تاخذ من هالمعاش وجبيت اتاكد هل هي تاخذ من هالمعاش والا الناس ظالمينها لاني انا بحاجة المبلغ اذا هي تاخذ راتب او لا شلون بعرف تكفوووون الله يجزاكم خير ردووو

وضحي لوسمحتي اكثر انا ريلي يشتغل بخاص وياخذ دعم عماله. بس مافهمتج عشان اقدر اساعدج

 

[نحوله عسوله]

والله مااعرف اذا في طريقه تستفسرين عنها اذا تاخذ او لا


بس اذا انتي شاكه فيهاا انهاا تاخذ ومو امبين عليهاا الحاجه واهنها تلبس احسن منج ع قولتج


قطعي عنهاا الفلوس اللي تعطينهاا هذي ينشك بامرهااا ما تحتاج الصدقه


واذا تبين تسوين عمل خير روحي اللجان الخيريه احسنلج

 

[جواهر23]

اختي نحوله وعسوله

الاقربون اولا بالمعروف وهي عندها ولد كاسر خاطري صغير يحتاج وهي حييل قريبه مني

 

[شاي ونعناع]

اذا انتي قصدج اذا اهي تشتغل بالقطاع الخاص او شركه وطبعا كويتيه اكيد تاخذ دعم عماله وهذا غير معاشها بالشركه اذا هذا قصدج مادري

 

[جواهر23]

لا انتم موفاهميني هي معاها بس رابعه متوسط واللي شككني بعد انها تسولف بمعاشات الشركات الوهميه وهي قاعده بالبيت يجيها راتب
انا اللي بعرفه بس شلون اعرف انها تاخذ معاش ولا لا مومهم كم تاخذ بس هل تاخذ ولا لا

 

[صادقة بكلمتي]

دامها تتكلم جذي معناها انها للاسف مسجله انها موظفة بالقطاع الخاص وتاخذ دعم العماله كل شهر بحسابها حبيبتي على اساس انها ما تشتغل بالحكومة وان انتي محتاجه اكثر منها فالاولى نفسج بعدها الاقربون حبيبتي

 

[ام نوشا]

دزي رقمها المدني ع الخاص بنت عمي اداوم بالهيكله