اللي عندها خبره بالهامستر تدش بلييز

[SuGaR-LiPs]

السلام عليكم بناات ^_^

شلونكم شخباركم انشالله بخير ؟

بنااات بلييز ابي مسااعده منكم .. انا وحده خوافه حددي بس بخااطري اشتري هامستر ..

صارلي جم يوم افكر بالسالفه وصج دش مزاجي .. بتحدى خوفي هالمره

ادري في واايد مواضيع عن الهامستر .. بس ضعت وانا ادور وما لقيت اللي ابيه ..

ابي اعرف شنو احسن نوع ؟ ومن وين اخذه ؟ .. والعاب الهامستر وهالسوالف من وين ؟

شوفو هالسايت في العاب وسوالف تونس حق الهامستر .. ومادري اذا يصير احط السايت ولا لا بس اذا مايصير سوري

http://www.pennplax.com/Pages/SmAn.pages..../SmAn05F.html
ابي هامستر اجتماعي يعني يحب اشيله والعب معاه وجذي .. واهم شي ما يعض ترى حدي اخااف لول

واذا لكم خلق تقولونلي شلون اقدر اهتم فيه وشنو يحب وشنو مايحب ..ساعدوني بليز ترى كللش ماعرف بهالسوالف :/

مشكورين مقدما ويعطيكم الف عافيه .. وسوري اذا طولت عليكم : ) ​

 

[daloo3ah]

ابي اعرف شنو احسن نوع ؟ ومن وين اخذه ؟ .. والعاب الهامستر وهالسوالف من وين ؟

احسن نوع السوري .. بس بما انج تخافين ومبتدئه انصحج بالروسي
تاخذينه من سوق الحمام ..
وهم العابه واغراضه تلقينهم اهناك بالمحلات

ابي هامستر اجتماعي يعني يحب اشيله والعب معاه وجذي .. واهم شي ما يعض ترى حدي اخااف لول :d

الهامستر الروسي اجتماعي بس يعني مع الهامسترات الي معاه يعني تقدرين تحطين 2 او 3 او حتى لو 10 مع بعض عادي ماكو مشكله .. وكل الهامسترات مع التعود تقدرين تحطينهم بيدج وتلعبين معاهم ..

الهامستر السوري اذا تبين بس تربين بدون تكاثر اخذي هالنوع و انصحج بالنثيه .. لان الذكر يحتاج النثيه من فتره لي فتره .. و لان هالنوع كل واحد بقفص يعني ما يعيش بجماعات كلش..

واذا لكم خلق تقولونلي شلون اقدر اهتم فيه وشنو يحب وشنو مايحب ..ساعدوني بليز ترى كللش ماعرف بهالسوالف :/

بهاذي انا ما عندي مانع بس اول شي اقري الموضوع المثبت فوق حق اختي امونه .. وان كان عندج أي سؤال .. انا حاضره ..


من ناحيتي ونصيحتي لج : اخذي الروسي .. صغير - نظيف - نشيط - يعيش مع الهامسترات الثانيه - شكله حلو .. و سهل التربيه

السوري محتاج ناس تعرف شلون تتعامل معاه والتعامل معاه صعب ومو بسرعه يتعود عليج ..

انا عندي النوعين .. وافضل الروسي اكثر ^_^ بس انتي وكيفج ..


و بـــــــــــــــــــــس ^_^​

 

[SuGaR-LiPs]

تسلمين حبيبتي ماقصرتي والله مشكووره فديتج :eh_s(7): ..

خلاص انشالله باخذ الروسي .. بحطلج صورة هامستر حده عاجبني شكله كيووت يونس ..

بس حبيت اعرف شنو نوعه اذا تعرفين .. ومشكوره مره ثانيه حبوبه : )

 

[daloo3ah]

اي احسن لج الروسي يهبـــــل والله والله والله

والصوره الي حاطتها انتي هذا نوعه سوري ^_^


وان كان عندج اي سؤال .. لا تترددين ^_^

 

[تفاخيه مبطوطه]

أنطع مخلوق على وجه الأرض


يهبـــــــــــل وخف طينه وغشمري وسهل المعشر ههههههههه


صج صج يونس ويضحك بعد عليه حركات مو طبيعيه عجلــــه 24 ساعه على شنو ماتدرين

بس يحتاج تنظيف علطول لأنه لويه

 

[إيمي"]

أنا عندي ثنين همستر واحد نفس اللي بالصوره

بس مو أجتماعي أبدددددن وخواااف مررره

مره بلعب معه قام عضني وللحين مكان العضه واضح

أما الثاني لونه أحلى وشكله أصغر مدري يعني لو هو سوري ولا لأ

بس مررره حبوب وأجتماعي ويونس أشيله وألعبه عاااادي

وتربيتهم ممتعه وسهله بس اللي حطمني إني قريت أن أقصى عمر له 3 سنين

تهئ تهئ

وعلى فكره ترا مو كل الحيوانات زي بعض في حيوان تألفينه على طول

وتحبينه وفي بعضهم لأ

يعني لو رحتي تشترين خذي واحد حاسه إنه أليف مررره وحبوب >> تراهم شخصيات زينا يالبشر

وموفقه حبيبتي

 

[SuGaR-LiPs]

daloo3ah : دلوعه امس خالتي حبطتني تقولي ويع الهامستر من فصيله الفيران صج ؟ .. قاعد يتطنزون علي اهلي

يقولون لي انتي تخافين من الذبانه والحين تبين فاار :/ ويقولون يسوي امراض بعد صج !! انا مره قريت ان مو من فصيله

الفيران ومايسوي امراض بس ابي اتأكد وشلون اقدر اقنعهم انه مو فار :eh_s(2): .. ومشكوره حبيتبي والله ماقصرتي ^_^

تفاخيه مبطوطه : ونااسه شوقتيني اكثر خلاص مالي شغل بكلام اهلي اخذه يعني اخذه .. تسلمين حبوبه ما قصرتي : )

إيمي" : واااي يماا لا مابي يعض اخااف :/ .. خلاص هونت مابي سووري اخذ روسي واايد احسن لول .. مشكوره

يا قلبي ما قصرتي واجمعين انشالله : ) ​

 

[daloo3ah]

حبيبتي سوي اكثر من سيرج عن الهامستر و وريهم .. مواقع انقليزيه + عربيه .. و وريهم صوره و قوليلهم اصلا مو من فصيله الفيران .. المشكله الاهل دايما يجذبون جذبه ويصدقونها.. نفس اهلي بالبدايه بعدين لما قريت لهم كل معلوماته اقتنعو.. وانشالله الفال حق اهلج لووول


و انا ازيدج من الشعر بيت .. رحت حق بيطري وقال لي :
دامج تربين الهامستر داخل البيت .. من سابع المستحيلات انه ينقل لج اي نوع من انواع المرض .. وبيظل نظيف علطول .. وابدا ابدا لا تفكرين فيه من ناحيه الامراض لان كلش ما يسبب .. و الهامستر حيل ظعيف ان مرض مات ..

قوليلهم هالكلام وانشالله يقتنعون ادري بيقولون البنت تألف لووول .. بس والله هذا الي حصل ..



وبشرينـــــــا

 

[SaD FaCe]

انا اللي عندي سوري صج صعب اتعامل معاهم وما يتعودون علي بسرعه واذا دخلت واحد غريب عليهم طقوه مسكين هههههههههههههه

وما جربت الروسي

 

[SuGaR-LiPs]

daloo3ah : تقريبا ابوي بلش يرضى لول .. قالي يوم اليمعه اوديج بس انشالله صج يوديني اخاف مل من حنتي

وبس بغى يسكتني بس مااالي شغل بقعد من الفير يوم اليمعه وبحن عليه لما يوديني .. اهيا وحده من الثنتين ..

يا يقوم يوديني يا احصلي زفه حلوه من الصبح لوول .. تسلمين حبيبتي والله ماقصرتي مشكووره واايد .. وانشالله

اذا شريت هامستر احطلكم صورته وقاعده افكر باسم من الحين محتاره شنو اسميهم ! ودي اخذ ذكر ونثيه .. ادعيلي يوديني

ابوي يوم اليمعه :eh_s(2):

SaD FaCe : كرهتوني بالسوري معنى شكله حده يونس وكيووت :/ .. بس خلاص طلع شرااني مابيه ​

 

[لووووووووووول]

ابي هامستر بس ابي اعره اذا يعظ شلون؟؟و من وين اشتري؟؟و ما ابي يخوف

 

[حساويه كشخه]

آآآآخ يبتووها على الجرح


وآآي صـآرلي دهـر دهـر وانا أحـن .. أبي هـآمستر واهما يجعموون فيني خخخ .. اول شي اختي ماكانت راضيه <<لقافه .. عقبها شاافت الي عند بنات عمي يننت عليهمم وقالت حيااهم خخخخ

وامي وابووي رااضين .. لان مااصدقوو على الله اني احب حيوان هههههه .. لأأني اكرهه القطااوه ....

بس بنات عمي قالولي ماايسوى تروحين تتعنين تشترين .. الي عندهم حاامل خخخخ وهل اسبوع بتوولد كلولوولولولوولليش << متاابعه الاخبار اول بـأول ههههههه

ويالله انني انتظر

إدعوولي

 

[daloo3ah]

suger lipsمبرووووووك واخيرا ... وانشالله يودييييج يارب ..

لووووول .. الهامستر ما يعض الا اذا كان خايف أو علباله ايدج أكل ( لانه يمكن تكون فيها ريحه ) أو يتهاوش مع هامستر ثاني وتدخلتي بينهم .. وكلش ما يخوف يهبل يهبل يهبل يهبل .. وتلقينه بسوق الحمام ..

حساويه .. لووول اهم شي امج وابوج راضين .. واختج رازه فيسها ؟! وانتي ساكته وناطره بعد لووووووووووووووووول .. شكو ؟؟؟
القرار بيد الام والابو .. ما تفتكين منهم هالمره ايون الاخوان والخوات ؟ أمــــــــــــــــــــــــــــــــــــلــــــــهم !

اخذيلج هامسترات وترسي البيت منهم انا اقول لووول

 

[حساويه كشخه]

هههههههههههـ شفتي .. لاا لاانهم ياابوو قطووه قبل جم سنه غصباً عليي ودششوها بالبيت.. بس علشاان اختي .. وانا عاارضت ..وعاندو فيني وحطووه بالحووش الدآخلي .. وانا صيااح هههه وماتأقلمت بالووضع . لانها كانت تتلصق فيني .. << سالفة عناد

بس بالاااخر امي لااعد جبدهاا من القطووه فـ قالت حق البااباا يوديها الحووش برآ.. بس ماتطلع من سوور البيت <<ههههه

وانا قمت اناقزز واناطط

بس بالطلعه بالغصب اطلع من البيت من عقب صراخ وتخشش ورا الباب هههههههه

ليما الله فرجهاا القطوه انبااقت او انحااشت وحده من الثنتين <<<جنهم كانوو حااسين فيني

هههههههههه بس تصدقيين حااس بـئنييب ضمير. << تو الناس


ههههههههه ادري قرقت علييكم ..

Suger lips

يالله هانت مابقى جم يوم ويصير يوم اليمعه ههههههه

شدي حيلج

 

[daloo3ah]

لووووووووووووووول .. الله يعينج ^_^ حالتج حاله

الحمدلله ان ماعندي خوف أو رهبه من أي حيوان ان كان ^_^

 

[al`3alia]

ياحلووووها يجننننن انا عيال بنت خالتي شارين صيني مرره صغير ..

 

[al`3alia]

chinese hamster

 

[**روان**]

عا ورينا صورته ان شريتيه

 

[KiM]

ما اعرف شي فيهم بس طاااااااق اب رااسي ابيهم

تقبلي مرووووري