اللي عندها خبرة بالتقاعد الطبي او فكرة ..

[أم جوري]

السلام عليكم

مبارك عليكم الشهر


بنات انا افكرمنذ سنوات عدة بالتقاعد الطبي وقالوا اهل الخبرة والدراية وبعد ما شفت حلقة او بقتادة وابو نبيل كلم طويل العمر قررت اشوف واسطة مدري من وين

المهم انا عندي كتاب المجلس الطبي .. بس الحين لو بشوف الواسطة هل الواسطة للجنة مستشفى العدان ولا المجلس الطبي ؟؟!!!

وعندي طلب انكم تدعون لي يا بنات انه يتيسر امري ويخلصوني صار لي على هالحال 3 سنين واكثر الديسك ذبحني وطلع عندي خشونة بالرقبة وخفقان بالقلب وارتفاع بضغط الدم وايديني بسبة الخشونة دايم منمل وتعورني اذا استخدمتها وكذلك بركبة الرجل اليسرى عذاااااب ما انام الليل منها
غير الدوخة وعدم التوازن وغشاوة في النظر مرات ::


المهم اعولي اخلص هالموضوع هالشهر وارتاح ...

 

[أم جوري]

وايد بدليات ما عليه اعذروني خخخخ

 

[نسكافيه بالحليب]

سوري حبيبتي مافهمت شنو تبين بالضبط ؟؟ لأن انا عندي فكرة عن التقاعد الطبي اختي توها متقاعدة وضحي اكثر عشان افيدج يالغالية

 

[أم جوري]

تسلمين يا الغالية

ابي اعرف الواسطة اجيبها لمنو ؟ لجنة المستشفى ولا على طول المجلس الطبي ؟

لان العدان الله يسامحهم كل مرة تقريرهم غير عن الثاني مع انه معاي تقارير ورنين مغناطيسي واشعاتي تثبت وجود الديسك .. وعندي التهاب بالاذن الداخلية .. وخشونة بالرقبة مأثرة على اليدين وخاصة اليمين بالتنميل واعدم القدرة على مسك اي شي لفترة وكذلك ركبة الرجل اليسار ومرات اعري

وسبق لي الاحالة للمجلس الطبي وحولت من معلمة لادارية وكذلك عطوني اجازات لفترة طويلة لهالسبب ... وشكرا
ومدام اختش توها ماخذة التقاعد شكثر ينقص من المعاش ؟

 

[نسكافيه بالحليب]

ما تشوفين شر يا بعد قلبي

شوفي حبيبتي اول شي تطلبين الاحالة للمجلس الطبي عن طريق كتاب من مديرتج توقع عليه ويتحول للمنطقة التعليمية وترفقين معاه تقرير بحالتج من المستشفى والدكتور اللي يتابع حالتج بعدها يحولونج للمجلس الطبي ويعطونج موعد وتروحين بالموعد تكون هناك لجنة تسألج بعض الاسئلة عن حالتج يعني من شنو تشتكين ؟؟ ومن متى ؟؟ ومن هالأسئلة وبعدين يقولولج روحي خلاص ويقررون اذا انتي تحتاجين التقاعد الطبي وإلا لأ وإذا قرروا انج تحتاجين التقاعد الطبي يكتبون كتاب يوجهونه للمنطقة التعليمية اللي انتي تابعة لها بأنج (غير صالحة للعمل ) وبعدين قسم الاجازات والدوام اللي بالمنطقة التعليمية يخاطبون الوزارة (وزارة التربية) عشان ينهون خدماتج والوزارة تخاطب التأمينات الاجتماعية عشان يحددون نسبة العجز المرضي او الصحي اللي فيج (وهذا اهم شي ) عن طريق مخاطبتهم للمجلس الطبي والمستشفى اللي كتبلج التقرير لان على اساسه يتحدد المعاش اللي راح تاخذينه يعني الافضل ان تكون نسبة العجز من 50% وفوق عشان ما ينقص من معاشج وايد

السالفة كلها يبيلها طولة بال لان تطول شوي ويبيلها عباله تخيلي اختي للحين تراجع بالتأمينات وصارت عليها مديونية لان نزلولها معاشات الصيف وبعدين قالوا بيخصمون عليها هالمعاشات اللي اخذتها وان عليها مديونية

واذا عندج واسطة تكون بالمستشفى اللي بيكتبلج التقرير وبالمجلس الطبي بعد هذيله اهم شي واهم اللي متوقف عليهم التقاعد الطبي

وموفقة يا قلبي واي استفسار انا حاضرة

 

[أم جوري]

امممممممممممم

عاد صج يبيلها واسطة ..

كتاب المجلس للمستشفى عندي بس انا عندي عقدة من العدان هههه ...

ومشكورة يا حياتي ما قصرتي يعني اروح اخذ موعد للجنة برايش ولا اخلصها من عند المجلس الطبي ؟

 

[أم جوري]

ما عليه حياتي ممكن اعرف اختش شنو مشكلتها الصحية ؟

 

[نسكافيه بالحليب]

على راحتج يا قلبي بس الاجراءات اللي قلتلج عنها فوق

واختي فيها ارتخاء بالعضلات تقريبا مثل ال ms (التصلب العصبي) المنتشر ألحين حالتها الله يعلم فيها تعبت وايد وخسرت وظيفتها اللي كانت تحلم فيها والحمدلله على كل حال

 

[أم جوري]

سلامتها وما تشوف شر

عاد انا شاكين فيني بس مالت عالعدان ما سوا لي اي فحوصات انا اللي راكضت بالمستشفى لعسكري والمواساة والحمدلله طلع تعب وديسك وارهاق جسدي ...

 

[نسكافيه بالحليب]

الشر ما يجيج يا قلبي ومعافيه إن شاءالله

 

[أم جوري]

تسلمين يا عمري

 

[أم جوري]

زين ادعو لي بنات ترى هاليومين حتى ما اقدر امشي ...

 

[نسكافيه بالحليب]

اروح وارد على موضوعج احاتيج والله ما تشوفين شر يا قلبي واسأل الله تعالى بهالشهر الفضيل ان يشفيج اللهم آآآآآمييييييييين

 

[أم جوري]

اروح وارد على موضوعج احاتيج والله ما تشوفين شر يا قلبي واسأل الله تعالى بهالشهر الفضيل ان يشفيج اللهم آآآآآمييييييييين

تسلمين يا الغالية وجزاش الله خير تصدقين من 3 ايام وانا ما اقدر امشي على ريلي اليسار ورحت طواري العدان واقول للدكتور ريلي تعورني حيلي ومااقدر امشي سوالي اشعة وقال اه عندك خشونة بالركبة قال له ريلي زين كتور شنو الحل الحين ما تقدر تمشي كتب لي بروفين وانا معدتي خلالالالالالالالالالالالاص مو قادرة تتحمل الادوية وقال تمشي عالدوا ده مرتين في اليوم قال له ريلي اي بس هذا بيسكن الالم وهي دايم تاخذ كاتافلام ومعدتها قامت تعورها وهي الحين ما تقدر تمشي شنسوي ؟؟؟؟!!!!
بكل بساطة : قال : ما فيش تاخذ الدوا ده وما تتربعش ول تتني رجليها ؟؟؟؟!!!!! اصلا انا مو قادرة افردها تموتني
نوم ما انام اقعد 100 مرة من العوار اذا تحركت وانا نايمة ... ليوم بناخذ موعد اللجنة وبنشووووووووووووووووووف

ومشكورة مرة ثانية عالسؤال :klhfl:

 

[شوكليت ديزاين]

الله يشفيج ويعافيج اختي وما تشوفين شر شوفي هالموقع عجيب حبيبتي للشفاء
http://www.shefaa.net/forum/

 

[athora]

اختي الله يشافيج ويسرلج امورج

انا مريضة msالتصلب المنتشر
وطالبه لجنة تقاعد طبي بس خلوها لشهر 11 الله يسهل علينا
ويسر امورنا ويشفينا وشافي جميع المسلمين...

 

[أم جوري]

الله يشفيج ويعافيج اختي وما تشوفين شر شوفي هالموقع عجيب حبيبتي للشفاء
http://www.shefaa.net/forum/

جزاش الله كل الخير بسجل الحين واشوف يمكن القى حل والله كريم

 

[أم جوري]

اختي الله يشافيج ويسرلج امورج

انا مريضة msالتصلب المنتشر
وطالبه لجنة تقاعد طبي بس خلوها لشهر 11 الله يسهل علينا
ويسر امورنا ويشفينا وشافي جميع المسلمين...

سلامات يا حياتي عاد انا دكتورة شكت بالمرض وحولتني للعدان ما سولي لي شي انا اللي رحت على حسابي وسويت رنين مغناطيسي والحمدلله طلع خشون بالرقبة وديسك مأثرة على الاطراف والحين طلع عندي خشونة بالركبة اليسار وما قمت اشوف عدل من التعب والسهر وكله عندي صداع ودوخة ..

بعدين ليش شهر 11 اعرف اخت رفيجتي نفس حالتش على طول حولوها التقاعد الطبي لان حالتها ما تتحمل التأجيل ؟؟؟!!!!!