اللي عندها خادمه وقاعده عند حمولتها تدش بليز ...

[روح البوادي]

بصراحه انا كانت خدامتي تقعد معاهم وتنام معاهم لأن شقتي صغيره وماتكفي بس متى مابغيتها أناديها وإذا خلصت شغلها وماأبيها أنزلها تحت وإذا تبيها خالتي تساعدهم مرات بشي مو مشكلة أخليها وأقولها لمن تخلصين تعالي

 

[opera]

انا خدامتي مع خدمهم وتساعدهم بعد بشغل البيت لانه انا اصلا ماعندي شغل وايد .. انا بس اعطيها معاش حتى خالتي اهي الي تشتريلها ملابس و تعطيها اكل

 

[أم عبووووود]

حبيبتي انا عند حمولتي وخدامتي تنام مع الخدم فوق لان عندهم غرف للخدم

وانا كل ما اييب خدامة اقول لها ان خالتي مثلي يعني اي شي تطلبه منها ماتردها ولا تطول لسانها عليها

وحتى حمياتي او اي احد يطلب منها شي ماتقول لأ بس طبعا اقول لها بنفس حلوة مو اجبار عشان ماتكرهم

الحين بهالفترة ماعندنا طباخة فخدامتي تخلص تنظيف شقتي وتغسل ملابسنا وتروح تساعد خدامة خالتي او خالتي اذا يبون شي

 

[استبرق أم علاوي]

حياكم الله بنات بس اذا مالها مكان بشقه شدبره؟؟؟ اهوا الخوف من الاحتكاك بالخدم

ومرات تتعب اذا هم كرفت وايد معاهم!!

بنات من تجاربكم نستفيد ونفيد بعض

صح كلامج وعن تجربه
الخدم يخربون الخدم اتيلج زينه وتشتغل بس تقعد مع الخدم تتغير وخصوصا الخدم القدم

وهم اذا كرفت عندهم بعد حرام تردين تقوليلها تعالي شتغلي بشقتي

انا انصحج بس نومت الليل خليها عندهم وطول اليوم خليها بشقتج واذا ما عندها شغل نزليها خل تساعد

 

[Mama Africa]

يررررفع

 

[سينتيا]

انا توني يايبه خدامتي بس بما انه شقتي صغيره وولدي كله تحت اهيا بعد تنام وتاكل وتشرب تحت وكله مجابله ولدي وقتلها انه اهيا اهني حق ولدي بس مو حق شي ثاني اللهم انها تنظف شقتي انا بسسسسس ومالها شغل باي احد ثاني واذا خالتي تبيها تساعدها قتلها ماتقول لا بس بشرط ماتهمل ولدي على حساب احد ثاني ولحد الان مافي مشاكل

 

[kaboOOOOOOOOsa]

اتنام عندهم وتساعدهم واساعدونها ما فيها شي

 

[دلوعة المطران]

انا عن نفسي اقعدها تحت بالمطبخ ماحبها تقاابلني واذا بغيتها ناديتها ..

اي عادي تشتغل مع خدامة خالتي وتسااعدها لان اغلب الوقت فاضيه ماعندها شي ..

بس اتوقع بس اولد راح تنشغل بالبيبي وبجاابلني .. عاد انا ماوطن الخدامات احس ماخذ راحتي بشقتي ..

 

[اوتار الحياه]

خدامتى تنام مع خدم البيت

وانا قايله لها اذا خلصتى من شغلى اى احد يبى منج شى نفذيه وساعدى الكل

 

[فراشة لكويت]

اه من خدم الحموله
والله انا كل ما يبت خدامه وصارت زينه تخرب من الخدم الثانين
يعلموها الطق واللسان الطويل وقله الادب وبصراحه تعبت
والله مليت انا اعلم شي والخدم يعلمونها شي ثاني
اخر شي قلت خلااااااااااص اخليها اغلب الوقت تكرف بشقتي ولو ما كو شي اطلعلها اميه شي
وارتحت بس بنسبه 50بالميه لانه المشكله انها تنام معاهم بس ما اخليها تروح الا خلاص تبي النومه والاكل
ومعروف البيت اللي اكثر من خدامه لازم مشاكل وبلاوي بس شنسوي

 

[احلا عجميه]

ولا لا هيك ولا هيك عاجب
الواحد يحتار

 

[غلاتي غلا]

على حسب كل وحده يعني احنا بيت اهلي او حمولتي
بيت اهلى دايم خدامة اخوي عندنا تحت مع عيال اخوي وعادي مالنا شغل فيها ابد بس اذا بغينا مساعده او شي عادي تنزلها مرة اخوي بس ولامره صارت
وفبيت حمولتي انا ماعندي خدامه بس بجيب يعني بتقعد عندي حزة الشغل واذا كانت فاضيه مثلا ادق على عمتي اذا محتاجه مساعده الخدامه او شي انزلها عادي يعني انتي براحتج على اللي تبينه

 

[العفاسيه]

انا خدامتي تنام فوق مع الخدم وشاريه لها تليفون كل مابغيتها دقيت عليها
وطبعا كله تحت اخليها تشتغل وتساعد الخدم تقعد عندي بالشقه تعود على الرباده والشقه صغيره مافي شغل كثير
اما اذا جايبتها لعيالج فطبيعي تنام عندج اذا الشقه كبيره بس مايمنع انج تنزلينها تحت تشتغل فبيت حمولتج اذا فاضيه

 

[تووكي]

مرحبااا انا عندي خدامه وتنام وتاكل عند بيت حمولتي بس من تقعد الصبح تجي عندي بشقتي ايام العطل اخليها تقعد متاخر لانها تسهر مع عيالي ولا ولدي الصغير حاله خاصه ويبيلها تدير بالها عليه وانا عندي اكبر عيالي اولى ابتدائي يعني ايام المدارس تقعد من الصبح يعني اغلب الوقت مع ولدي الصغير وخالتي تقول بعد خليها دايم مع ولدج بس اذا بغى منها خالتي او عمي ماتقول لا والله يسخرها لج

 

[لؤلؤية]

البنات ماخلولنا شي نقوووله

 

[روعة خيال]

انا ما عندي خدامة بس مفكرة ان شاء الله اييب وحدة

و حمولتي عادتهم مثل اهلي لان خدامتهم في يوم من الايام كانت تساعدني و شايلة حمل مني

و لو راحت خدامتهم و ما بقى الا خدامتي بخلي خدامتي عندهم بس الاولوية لي طبعا و للشقة و الغسيل بس مجابل اليهال مستحيييييييييييييييل انا شنو وظيفتي؟؟!!

 

[ام ملاك2]

للرفع

 

[^^دموع الكويت^^]

انا حمولتي ما عندهم خدامة سفروها وخدامتي اهيا تنظف لهم

وشقتي صغيرة ما تاخذين ساعتين تنظيف واصلا انا ما احب الخدم استغفرالله اذا يت نظفت انطرها بس متى تروح


وولدي مالها شغل فيه يعني ما احتاجها

 

[ام ناييف]

هذا يعتمد على شخصية كل وحده
انا خدامتي تساعد حمولتي وخدامتهم تساعد خدامتي عادي
لاني موصيتها تعتبر خالتي مثلي وتخدمها وما ترد عليها مهما قالت
وخالتي نفس الشي اذا ناديت خدامتها وما ردت علي قامت عليها وشخلتها

مع العلم ان حريم حمواني عندهم خدم بس ماينزلون علينا وخالتي ما تخلي خدامتها تساعدهم

فعلى طريقتج بالمعاملة الناس تعاملج