اللي عندها خادمه وقاعده عند حمولتها تدش بليز ...

[Mama Africa]

السلام عليكم ورحمة الله وبركاته شلونكم خواتي ؟

ودي اعرف من خبرتكم .. اللي ساكنه بشقه عند حمولتها ... وعندها خدامه

وين تقعدها؟

تخليها تشتنغل مع خدمهم ولا لا ؟

يعاملونها كخدامتهم ولا لا؟



بشكل عاااااام ....!!!

واكون شاكرة​

 

[legally blonde]

السلام عليكم
حسب اللي اعرفه انه هالشي يختلف من بيت لبيت

يعني اذا ماكو لها مكان منفصل عن خدمهم ، خليها معاهم بنفس الغرفة مع انه الافضل انها تكون بروحها منعا للمشاكل

و طبعا لازم تفهمينها انها تشتغل عندج انتي
انتي المعزبة
عشان ما تختلط عندها الامور

الافضل ما توطوط عند حمولتج عشان ما تبتلشين انتي ماتدرين عنها يمكن ايدها خفيفه وللا تسوي شي غلط و احد منهم يزفها و اتيي تشكي لج و تصير سالفه بينج و بين حمولتج و السبب خادمه
لكن اذا صار عندهم زواره وللا حزة الفطور برمضان وللا عيد قوليلها لما تخلص شغلج و ماتحتاجينها قوليلها روحي حق مدام تحت شوفيها اذا تبيج تساعدينهم

يعني تساعدهم لكن بمزاجج انتي و حسب ظروفج انتي
انه ما
لأنهم اذا تعودوا انها وحده من خدمهم مع الوقت ممكن تحتاجينها و تلاقينها مشغوله بشغلهم عنج و تقومين عاد انتي تسوين شغلج بنفسج جنه ماعندج خادمه

الله يسعدج و يسخرهم لج

 

[Mama Africa]

مشكووورة حبيبتي لكن اذا مالها مكان عندج شتسووين حزتها؟ حتى لو اهي تدري انج معزبتها مع الوقت اهي طول اليوم عندهم بس وقت حاجتج لها بتنادينها فشالحل مع الوضع هذا خصوصا وانه الوحده منا ماتبي اااااااااااااااي مشاكل مع الحموله والسبب خدم !!

 

[Little Things]

و الله انا تنام مع كل الخدم فوق ..و بالعكس انا اقولها اذا ما عندج شغل ساعدي حدامة البيت

 

[ms_royality]

انا من رايي انها ما تنزل .. الا اذا اهما من النوووع اللي يتشرهوون و جذي ..
لان بعض الخدم ما يصدقوون ينزلووون على اساس الشغل و تلاقينها سوااالف .. و الشي الثاني ما تدرين باجر تصيير بلوه تنحط براسها .. اذا شقتج كبيره و عندج ياهل خليها وياكم طول الوقت اذا خلصت الشغل تكوي او تريح تنام اذا ما تبينها و العصاري يا تقعد مع الياهل بغرفته او تطلع ويااج ... يعني نومها بس مع الخدم و اكلها ..

 

[Mama Africa]

حياكم الله بنات بس اذا مالها مكان بشقه شدبره؟؟؟ اهوا الخوف من الاحتكاك بالخدم

ومرات تتعب اذا هم كرفت وايد معاهم!!

بنات من تجاربكم نستفيد ونفيد بعض

 

[الحراير]

انا ماايد الخدامه كله تقعد فوق وماتساعد خدامة البيت لانه مارضاها لاهلي ومافيها شي اذا تساعدوا

 

[الأماكن]

انا من رايي انها ما تنزل .. الا اذا اهما من النوووع اللي يتشرهوون و جذي ..
لان بعض الخدم ما يصدقوون ينزلووون على اساس الشغل و تلاقينها سوااالف .. و الشي الثاني ما تدرين باجر تصيير بلوه تنحط براسها .. اذا شقتج كبيره و عندج ياهل خليها وياكم طول الوقت اذا خلصت الشغل تكوي او تريح تنام اذا ما تبينها و العصاري يا تقعد مع الياهل بغرفته او تطلع ويااج ... يعني نومها بس مع الخدم و اكلها ..

أنا مع كلام ms_royality ... هذا اللي كان ودي أقوله
لإن من ناحية بلاوي ...(عن تجربة) تنقط على راسها و راسي أنا بعد...و تراالخدم يخربوووون بعض:gathering: ... فإحرصي عليها و حذريها من الخدم اللي فالبيت و قوليلها مالج شغل بأحد ... كلام قرقر مني مناك مع هازا نفرات هندي سيلان ماكو....معلووووم؟

 

[غير كل الناس]

علي حسب طبيعه حمولتك

اذا مايحبون خليها تقعد فوق واذا عادي علميها ان هالبيت واحد واذا فاضيه تساعد باقي الخدم

 

[ريماا]

والله اذا انتى جايبتهاا لطفل خلاااص تجاابلة ولدج اهم بس اذا ماعنج طفل او عيالج كبار وجايبتهاا للبيت علميها تساعد اذا كانت فاضية بس
ودايما فهميها انة الاولية لبيتج وعلميها ماتنقل سوالف ومالها شغل باحد حتى لونزفت من اى شخص فى البيت ماتقولج قولى عادى هذيل اهل بابا ماراح اقدر اسويلج شى
عشان لو فكرت تتبلى عليهم ماتلقى اذن صااغية وهم عشان ماتنقلج حجى
ترا الخدم والله اخذيها منى اغبهم جذااااابات خصوصا فى بيت الحمولة مايرتاحون الا لما تتهاوشين مع حمولتج فلا تعطينها مجاال
وعلميها ماااتنزل الا لما تقوولج عشان ماتحتك بالخدم واجد ويحرشون بعض
الله يسخرها لج

 

[1980nono]

ترا ماله داعي تنز تحت وتساعد خدامه حمولتج مو كل يوم بس بالمناسبات واذا انتي تبين، مرت اخوي خداماتها مايجيسون شي اذا انزلوا تحت ترا بعدين يتعودون وانتي اصلا كرفيها بالشقه لا تعودينها عالراحه، اذا ما عندكم مكان بالشقه ولا ما ترتاحين تقعد معاكم انتي وريلج مع انه احسن لج خلي عندها جهاز الواكي توكي متي ما تبينها دقي عليها تيي

 

[1980nono]

انا ماايد الخدامه كله تقعد فوق وماتساعد خدامة البيت لانه مارضاها لاهلي ومافيها شي اذا تساعدوا

اكيد اهلج عندهم خدامه مو عايز عليهم واذا مو مكفيتكم هذي ييبو وحده تساعدها مو تناجرون البنت علي خدامتها
سوري حبيبتي بس الحق ينقال

 

[سنعه بس مظلومه]

[/url][/IMG]

والله يأختي إذا عندج مكآن بالشقه خليها تقعد فيهآ إتقآءآً للشر . بالنسبه لتجربتي أنا عندي خدامتين أنزل وحده منهم العصر لما اكون نايمه ويآ عيآلي والثانيه تكمل شغل وترتب وتنظف بس يآريت أحد يشكر لا يعتبرونه واجب حتى لمآ أطلع أخذ عيآلي وانزل وحده منهم تحت حق خآلتي وقبل اطلع اوصيها تنظف وترتب وتمسح صآلاتهم ولاتسوي قرقر مع مآمآ كبيـر
بس من أرجع من المشوآر وربي شكرآً مأسمع بش تتشكى الخآله وتقول مو نظيفه وماتسمع الكلآم مع انها المسكينه شآهدتي فيها مجروحه والمدح حق خدم بناتها فنصيحه إذا إهيه بس وحده خاليها عندج واذا وصل زوجج خليها تطـس فوق تخمد أما اذا كأن عند حمولتج موجب او عزيمه نزليها لأن الناس تشوف وإلا هم مايشكرون ولا يعجبهم
والله على مأقول شهيد:eh_s(1):

 

[أم حسون]

انا ساكنه مع حمولتي للحين مايبت خدامه بس مرت حماي يابت وحده وقاعده مع خدامة خالتي غرفتهم بروح وحمامهم تكرمون بروح ومرت حماي فهمتها انها اهيا معزبتها بس اذا خالتي او احد كبير طلب منها شي تسويه ومقسمين البيت بالنص بينهم مافيها شي يتساعدون والحمدلله الله لايغير علينا مرتاحين ونفسي الشي بطبقه على روحي ان يبت خدامه افهمها ان انا معزبتها بس خالتي او عمي او اي احد كبير يبيها بشي ماتقول لا وتساعد الخدم على شغل البيت

 

[اضواء]

المشكله بعض الخدامات يخربون البيوت بنقل السوالف والحكي اذا كانت من هالنوع لا تختلط معهم وتقعد تنقل باخبارك

اما اذا هي مسالمه عادي

 

[Fashionista]

نفس سؤال بالضبط

يرررفع

 

[كرستال 2008]

انا قبل كانت خدامتي بغرفت خدامت حمولتي بس صارت مشاكل وبعدين الخدامات اذا اجتمعوا اختربوا وخدامتي الحين حاطتلها غرفه عندي فوق ومريحه عمري عن المشاكل... اذا عندج اطفال ماله داعي تشتغل مع خدامة البيت يالله تلحق اما اذا ما عندج خليها تساعدها بين فترة وفترة

 

[ro3ah]

الي تحبيه لأهلج حبيه لحمولتج مثل ماتخلينها تشيل وتحط في بيت اهلج هم نفس الشي في بيت حمولتج

 

[Fashionista]

upppp

 

[ريم & ريماس]

انا ساكنه مع حمولتي البيت سبعه متزوجين وسته منهم عندهم خدامات وام العيال خدامه يعني سبع خدامات وكل الخدمات ينامون بغرفه بالملحق وعندهم حمام وكل خميس وثنين يغسلون الحوش اول مايقعدون الساعه 6 وبعدين كل وحده تروح للمعزبتها كل وحده تسوي بعدين الغدي دور لي تطبخ وتخلص تروح وغيرها تغسل المواعين بس طبعن يتفقن علي زيادات المعاش كل وحده تقول ان معزبتها زاده الخدامه وان اهيا تبي زياده والريوق والعشي كل واحد بروحه