اللي عندها حل لهالمشكله تفيدنا جزاها الله خير

[فـــديتني]

مرحباااا بنااات

عيدكم مبارك وتقبل الله طاعتكم

كويتيات فديتكم ابي مساعدتكم صارلي فتره لما اغسل هدوم زوجي وخصوصا فنايله وملابسه الداخليه تصير سوده
مع اني اغسلهم بماي نظيف وصابون وكلوركس وما احط معاهم شي ثاني بس ياربي كل ما غسلتهم زاد السواد والله نفسيتي تعبت منهم .. اللي عندها حل لهالمشكله تفيدنا جزاها الله خير

ناطر حلولكم فديتكم ...

 

[نــوي]

اكيد نوع الصابون مو زين او الغساله فيها وصخ يمكن !
انشالله البنات يفيدونج اكثر

 

[فـــديتني]

نوي

اشكرج حبيبتي عالرد

انا قلت جذي بس اغسل الغساله وانظفها عدل وبعدها احط الماي والهدوم واستخدم صابون تايد اهلي يستخدمونه ما سوا بهدومهم جذي

ياربي والله احترت

 

[CoCoa Pr!nceSS]

احسن شي وديهم المصبغة

 

[فـــديتني]

لااااا مو عدله حتى الملابس الداخلية اوديها المصبغه
مشكورة حبيبتي عالرد

 

[ba6boo6ah]

غيري الصابون يمكن ينفع لآتحطين بودر حطي الصابون السائل وأستخدمي فانش الي لونه فوشي تلقينة بالجمعيات وأنشاءالله تلقين نتيجة

 

[فـــديتني]

مشكورة حبيبتي

بجربها جزاج الله خير

 

[ابلة غزالة]

انا استخدم اومو مو تايد و احط اشويه فانش معاهم و ما احط كلوركس

جربي

 

[حلم الطفله]

انا الوصفة هذي للامانة اخدتها من منتدى ثاني للنظافة وخاصة للبقع الصعبة في كل شي نبدأ بالملابس


عملاق النضافة ملح الليمون
تشتريه من عند العطار سعره رخيص ولما تجربينه انشالله بيكون حاجة اساسية جدا في بيتك باذن الله
سامحوني طولت عليكم
الوصفة كوب صغير من الخل الابيض و4 ملاعق ملح الليمون ومسحوقك المعتاد وتنقع الملابس فيها من 3 الى 5 ساعات وانا اختار في غسالتي خيار النقع واغسل بعده بالطريقة المعتادة
الفوايد
بياض ناصع للملابس البيضاء واشراق وثبات الوان للملابس الملونة
القضاء على اصعب البقع خاصة بقع الشوكلاتة والدم
تعقيم للملابس ورائحة جميلة

 

[تركواز83]

الحين انا استعمل ايريل ( الأخضر ) للغساله الاوتوماتيك الصراحه مرتاحه عليه ولا اضيف اي مواد ثانيه لانهم ملابس داخليه يتغيرون بالبوم مرتين ومومحتاجين غسيل قوي ...اي واستعمل داوني الازرق الفاتح ريحته عجيبه

 

[حجيه هيونه]

حبيبتي عندج براون مال الملابس الازرق دوم يحطونه مع ملابس الرياييل بس لا تكثرين لايقلب لونهم ازرق

 

[رضاهم جنه]

غسالتج فيها مشكله واذا تبين تتاكدين حطي ماي بس وشغليها يمكن يطلع السواد منها

انا استخدم تايد مع اريال مع كلوروكس ويطلعون يلقون لق من البياض

 

[um rawan]

مرحباااا بنااات

عيدكم مبارك وتقبل الله طاعتكم

كويتيات فديتكم ابي مساعدتكم صارلي فتره لما اغسل هدوم زوجي وخصوصا فنايله وملابسه الداخليه تصير سوده
مع اني اغسلهم بماي نظيف وصابون وكلوركس وما احط معاهم شي ثاني بس ياربي كل ما غسلتهم زاد السواد والله نفسيتي تعبت منهم .. اللي عندها حل لهالمشكله تفيدنا جزاها الله خير

ناطر حلولكم فديتكم ...

اول شي شحني الماي و خلي الصابون وشوفي الماي لونه يتغير

 

[ازعجهم هدوئي]

اول شي غسالتك اوتماتيك ادا اية تري ماتنظف عدل واذا عادية اول شي نقعيها وبعدين غسليها

 

[نسمه بارده]

نفس مشكله غسالتي
احط الملابس فيها جني مغسلتهم بس بماي وماني عارفه شنو مشتكلتها
نظفتها وغيرت الهوز نفس المشكله
غسالتي اوتوماتيك بشتري وحده ثانيه وتوبه من الاوتوماتيك

 

[حلم الطفله]

هذا يعني انه الغسالة متراكم بداخلها الصابون او اوساخ

فشوفي الحل عندي بس بامانه ليه جربتيه ردي خبرينا

حطي ربع كيلو ملح الليمون و غرشة كاملة خل ابيض و شغلي الغسالة عالبارد و خليها تشتغل دورة كاملة فاذا فيها اي وسخ متراكم بيروح_03ba:

 

[frketa1]

نفس المشكلة وطبعا السبب انها غسالة فل اوتوماتيك بقولج انا شنو سويت
استعملي اريال الاخضر للغسالات فل اوتوماتيك
نقعي الملابس الداخلية البيضاء بماي مغلي وشوي اريال لمدة نص ساعة تقريبا
غسليهم بماي حار(من الاختيارات بالغسالة) اي ولا تحطين صابون وايد بس يكفي قفشتين للغسالة كلها أفضل الصابون الوايد يخرب
وشوفي النتيجة وادعيلي

 

[دانه الهيرات]

جربي نقعيهم بماي و صابون وغسليهم بالايد وقبل خلي الشطف بالغساله بس