اللي عندها تكيس مبايض والمتأخرات بالحمل تعالو اقرو سالفتي

[بانانا]

السلام عليكم ورحمة الله وبركاته

:eh_s(7):

خواتي انا معاناتي مع تأخر الحمل بدت بعد سنة من الزواج لما بدت رحله العلاج ومن دكتورة لي دكتورة
بداية صار حمل بعد 8 شهور من الزواج والحمد لله على كل حال اجهضت
والكل كان يقولي
دام صار حمل طبيعي خلاص انتي وزوجج سليمين مافيكم شي
نطرت سنة كامله بعدها رحت عند دكتورة قالتلي عندج تكيس مبايض :eh_s(2):

المهم قالتلي لازم عشان تحملين اعطيج كلوميد وابر تفجيريه
قلت الحمد لله على كل حال
اخذ الكلوميد ويمكن احمل بتوأم مرة وحده وافتك





والنتيجة ::















نزيييف متواصل من بعد الابره التفجيريه شهر كامل ماوقف
والدكتورة الغبية كل مااروحلها تقولي عادي طبيعي يصير يصير والله هذه كلمتها ماعندها غيرها

المهم بعد شهر مليت وهديتها ورحت عند دكتورة ثانية
سوتلي سونار على المبايض
ولا صاير عندي كيس دموي حجمه 7 سم على المبيض اهو سبب النزيف

وقالتلي بدايه نعالج الكيس بالدوا
اذا راح الكيس الحمد لله
واذا ماراح نشيله بمنظار

والحمدلله راح الكيس مع العلاج ب3 شهور

بعدها قالتلي الدكتورة الحين اعطيج كلوميد وابره تفجيرية حق الحمل مع دورة الشهر الياي

والاحسن ان نسوي تلقيح صناعي لان الحمل مع التكيس صعب !!

المهم قلت انا بهالشهر اللي ماعندي علاج اسوي رجيم ورياضه لأن وزني زاااد وااايد مع علاج الكيس والكلوميد والابره التفجيرية


سويت رجيم قطعت السكريات والنشويات والاجبان
وكنت امشي اقل شي ساعتين باليوم
ومااستخدم الاصنصير اصعد والنزل على السلم
نزل وزني 6 كيلو بشهر
وصرت نشيطة ونفسيتي احلوت عقب اكتئاب شهووور مع العلاج


ومايت الدورة
انطرها وانطرها وانطرها :bbbiu:

مايت :eh_s(2):

ومابي احلل كل مااحد يقولي حللي اتهرب اقول مالي خلق يسحبون مني دم والتحليل المنزلي مو اكيد
لما بعد اسبوع كنت بالجمعيه مع زوجي
وشرالي تحليل منزلي
وقعدت مبوووزة بالسياره اقوله يعني احلل الحين ويطلع سلبي واكتئب :eh_s(2):

اللي صار

ان رديت البيت
حللت منزلي
ولاا خطييين يعني حامل
طبعا صدمه على فرحه على مو مصدقه
عدت التحليل ثاني يوم نفس الشي خطين
وحللت دم والحمد لله postive

بدون علاج ولا منشطات ولا اعشاب

سبحان الله الشهر اللي نسيت فيه الحمل وشلته من بالي
والتفت حق نفسي
رياضه ورجيم

حملت الحمدلله
بعدها قريت بالمنتديات ان المشي ينشط التبويض ويساعد على علاج التكيس

والحين بعد ماتطمنت على حملي وارتفع قلت اكتب قصتي بالمنتدى عشان يستفيدون خواتي اللي عندهم نفس المشكله


حبيباتي اللي عندهم تكيس
عليكم بالريااااااضه
واحسن شي حق تكيس المبايض المشي ينشط المبايض ويذوب التكيس

وادعولي بنات الله يثبت حملي ويقومني بالسلامه ويقر عيني بشوفه بنتي صحيحه معافاة

والله يقر عينكم كلكم ويفرح قلوبكم مثل مافرحني​

 

[ضحكتي ماركة ]

ياعمري الله يفرح قلبج بشووفتها

والله استانست لمن قريت انج حملتيً عقب هالتعب كل شئ بيد الله سبحانه لاعلاج ولا غيره

وانا حالياً مبلشه ريجيم لغاية العيد باذن الله بنزل وزني زايد حيل

وسالفة الحمال يارب انساها ويرزقني وكل خواتي الحمل

 

[بانانا]

ياحلااات البنت اللي بتوقيعج تهبل

الله يرزقج ويقر عينج بالذرية الصالحه

وحبيبتي عليج بالمشي

 

[حبيبة ملوكي]

حبيبتي الف الف مبروووووووووووووووك والله يتمم عليج ويفرح قلبج بشوفة ضناج سليم معافى ويرزقنا معااج يااارب

 

[نور التفاؤل]

الف مبروك
لاوالله رزقج الله بالحمل يومن افتكيتي من هالاطبا وعلاجااااتهم

اللي مااتخلص وحبوبهم وخرابيطهم ولله الحمد

ماوراهم الا اكل البيزات والكلام الزايد اللي ذبحني
وضيع وقتي وحااالي

الحمدللللللللللللله على كل حال

 

[t.o.o.ot]

الله يفرح قلبج بشووفتها

والله يتم عليج يارب ..........

 

[بانانا]

الله يبارك فيكم حبايبي ويتمم على الحوامل ويرزق كل محرومه

 

[بحرينيه كوول21]

الف مبروك
والحمدلله على كل حال
انه بعد الدكتور قال فيني تكيس
وقررت ان اسوي ريجيم واضعف واشيل سالفه
الحمل من بالي
وعسى الله يثبته لج ويقر عينج بشوفته
ويرزق كل محرومه يارب

 

[أأأميرة الورد]

ما شالله

الله يتمم حملج بصحة وعافيه

 

[ووطن النهار]

حبيبتي الله يقرعينج فيهاا

صح الكل يقولي امشي بس فيني خمول من متنت وكله مريضه

 

[اصايل ظفير]

وربي فرحت لج اللهم يارب يتمم عليج ويبارك لج

كثري من القران

بسوي نفس ماقلت لي

انا الحين اتعالج وربي ماكتب حمل

حدي خايفه

 

[بانانا]

الله يبارك فيكم بنات مشكورين
اصايل ظفير حبيبتي لا تخافين وانسي الحمال ترا النفسيه تلعب دور كبير *

 

[عسل حدي]

ربي لا تذرني فردا وانت خير الوارثين

 

[بانانا]

عسل حدي امين حبيبتي

 

[عسل حدي]

الله يتممعليج
انا بعد بسوي نفسجاذا نزلت الدوره راح اشيل سالفة حمل من بالي

 

[بانانا]

Up up up

 

[حبيبه فايز22]

مشاءلله

الف الف مبروووووك

انا بسجل بنااادي ان شاءلله

عسى ربي يتمم عليج 

 

[Mryosh]

الله يقر عينج بشوفتها يااااااااااارب
وفعلا السمنة وراء كثير من مشاكل العقم
وحده من معارفي من سمنت صار عندها تاخر بالحمل وطولت ومن دكتوره للثانية بعدين سوت عملية تحويل مسار عشان هي كانت وايد سمينة. وبدون ما تدري بنفسها حملت بفضل الله ومشيئتة
وزوجة خالي هي بالأصل سمينة وقبل عرسها سوت رجيم ونزلت رقم محترم. وعلى طول بعد زواجها حملت وبعد الحمل الثاني فرشت بالعرض وصارت اسمن من قبل والحين من دكتور لثاني عشان تبي الحمل لانها تأخرت وودها بالحمال الله يرزق كل مسلمة
وفي وحده طلعت مع دكتور أوز كانت عقيم وإهي سمينة فقررت بعد العلاج والتعب انها تترك العلاج وتسوي نصايح الدكتور اوز وفعلا نزلت وزن كبيييييييييييييير وحضرت مع الدكتور اوز بالحلقة ( شكلها تغير 180 د ) وفاجأت الدكتور والجمهور لما طلعت بنتها لانها بعد نزول الوزن الزائد الله كتب لها الحمل وكان فيه اكثر من وحده بعد نفس قصتها
فلاتستهينون بالوزن
ولاتدوخون روسكم وتضيع ون فلوسكم على الاطباء
اول شي شوفوا صحتكم
الوزن
فقرا لدم
النفسية
التدين
الاستغفار والأذكار غيره ،.......
شكلي بسوي موضوع أحط فيه برنامج ونمشي علية البنت اللي عندها لخبطة بالدورة والمتزوجة المتأخرة بالحمل

 

[بانانا]

حبيبة فايز 22
Mryosh
نورتو الموضوع وان شاء الله نسمع منكم اخبار حلوة قرريب

 

[مملكة الحب]

السلام عليكم اختي
الله يتتم حملج على خير
ومشكوره على موضوعج الحلو
شنو الحبوب الي عطتج اياه الدكتوره عشان ينزل الكيس