اللي عندها اشتراك osn

[Sazdell]

السلام*


بنات شكلي بشترك ب osn بس حبيت اول اسال اللي اشتركوا او عندهم اشتراك


يسوى ولا مالا داعي يعني صج يكررون الأفلام وايد

و أنا اعشق الأفلام الاجنبيه اي باقه تقترحون وشنو الباقه اللي مجربينها و رايكم فيها بليييز


و شكرًا*

 

[كبرياء اميرة]

عجيبه لاتطوفج والله انا احتار اي قناه افلام اتابع من كثرهم

 

[Sazdell]

اي باقه مشتركه؟

 

[Loloki]

بصراحه صح يعيدون افلام وكل اسبوع لهم فلم بالبوكس اوفس تشترينه عن طريق تلفون

ادقين عليهم تقوليلهم اي فلم ويعطونج ياه

طبعا في قناه افلام وايد من ١ الى ١٥. قناه ١٦ طبخ اجانب وطريقه وورونج مصانع كاكاو وحلاو روعه

عندج osn hd ياهلا روعه مسلسلاتها قبل ام بي سي. اين ابنتي اذكر ايامها بشهر ٦ وشوفي متى حطوه بام بي سي

وانا خذيت الباقه لكبيره وعطوني رسبفر مجانا حق يهال بس اركبه باي غرفه


بس دربالج تابعي معاهم لما يسحبون منج فلوس لايسحبون وماطقين دقي واستفسري

لان احنا كل سهر ياخذون مبلغ ع كيفهم مره ٣٧. مره ٣٩. نره ٤٠. ف لازم اتابعين معاهم

 

[manoooram]

يسوا ونص اشتركي

 

[bnt_kwt]

الصراحه يسواا

 

[بكيزة هانم]

توني مخلصه اشتراك ابو ست اشهر
بصراحة ما يمديني عالمتابعة
والقنوات الستالايت مو مقصرة وكل الافلام منوعه اكثر
ما انصح فيه

 

[Lady_q8]

انا حاطه بالصاله اشتراك افلام و مسلسلات عربيه عشان الخادمه وعشان مايقطعون ابد اما القنوات الاجنبيه حاطتهم بغرفة النوم