اللي سيارتها جلد من الداخل ياريت تفيدني وتنصحني

[رويدا]

السلام عليكم

بنات أنا ناويه أشتري سياره ان شالله وخاطري الفرش من داخل يكون جلد

لكن أمي موراضيه تقول الفرش الخام أحسن .. لان الجلد حار بالصيف .. ويتمزق بسرعه

بس أنا أبي جلد أكشخ ..

بنات بليييز ياريت اللي فرش سيارتها جلد تقول شنو سلبياته والله أنا محتاره .. أخاف أشتري وأتوهق

الله يخليكم بنات حتي لو تسألون أحد عنده سياره فرشها جلد .. ومشكورين وما قصرتوا :eh_s(8):

 

[law love]

الجلد افخم و احلى

ما ادري انا يلد وحابتها ما اشوف فيه شي سلبي

اذا على الحر احس ما يفرق وايد و اغلب الاماكن مظلله

 

[رويدا]

مشكووره أختي علي الرد .. بس أنا مواقف دوامي ما فيه مظلات .. يعني ما يكون حار

 

[ƒédaîtn¥ ZoO'3a]

آنا سيارتي يلد بس حاطتلي مثل كفر على الكشن يكون اسفنج تقريبا شكله نفس هذا

تلاقينه بتروفاليو

 

[وردة زوجي]

سيارتي يلد
اليلد حلو وفخم بس صج حار بالصيف شويه
واذا تلبسين عبايه على طول
راح يصير مكان الكشنات شوي اللون يختلف عن اول ما طلعتيها من الوكاله
بس استخدامها مريح وحلو
شكلي بحط لي الكشنات الاضافه بشتريها من تروفاليووووو

 

[المحتاره]

سيارت زوجي جلد صج حلو شكله بس بصراحه
مايريح

 

[*ماي الورد*]

والله مو شي عيالي يزلقون بالكشن الوراني اذا لفيت يعني خطر

 

[costa chic]

الجلد احلى و افخم و انظف يعني لما يتوصخ سهل تنظيفه عكس الخام
بس عيب الجلد بالصيف حاار

 

[ReDLOve]

على حسب السياااره اكو سياره يلدهاا يحترر

و اكو سيااار يلدهاا ما يحتررر

على حسب اذا كانت السياره من النوع اذا تدخل الهوا بالكشن يعنى تتنفس على قولتهم

لاكن اذا لا حطي كشنات استفنجيه هم مريحه للظهر بعد

 

[ميموووورااا]

مانصحج لانه حار بالصيف

 

[برنسيسه الرياض]

حلو وفخم بس الحر يكون زي النار وبلبرد يااسلالام

 

[قفشـه]

الجلد اروع وافخم انا سيارتي جلد

بس اهم شي سيارتج تكون مقاعدها نظام تبريد

 

[قماشه]

جلد اللكسز حلوووووووووووووووووووووو

 

[Killer^Girl]

مالاحظت هالشغله بسيارتي

 

[رويدا]

مشكورين بنات علي نصايحكم الحلوه .. والله ينور عليكم دنيا وآخره