اللي سويته مع ريلي صح ولا لا ؟؟؟

[أم الامراء]

السلام عليكم


بنات توني شابكه في كمبيوتر ريلي ولا ادخل موقع يوتيوب و لااشوفه داخل على رقاصات و العناوين كانت كلام وصخ حده....

تفاجأت حدي..

مع ان هذي مو اول مره ،،مره كنت بدش منتدى ولا احط اول حرف (م) في موقع google ولا يطلع لي سوالف و بلاوي و قمت ادخل على كل أحرف.. ودخلت لى حرف (س) ويطلع لي كلام حده وصخ يعني قاعد يدور على شغلات وصخه و يوم واجهته قالي ان ربعه داخلين مو اهو لان كان مودي كمبيوتره للدوانيه عشان بيحمل برامج.. قلت له لا تخلي ربعك يدشون بكمبيوترك قالي ان شاءالله...

مع العلم ان ريلي يصلي و يخاف ربه و مايهد فروضه..

والحين نفس السالفه يوم قلت له عن اللي شفته قالي مو انا ربعي .. انا سكرت السالفه وقلت له نفس الكلام اللي قبل ان مايخلي ربعه يدخلون بكمبيوتره عشان مايخرب علاقتي معاه.. قلت له انا واثقه فيك و لو مادري انك تصلي و تخاف ربك وان ربك بيحاسبك على اللي تسويه لانك ريال متزوج جان ماصدقتك .. وقلت له لاتتكرر السالفه لانه بعدين يمكن تصير كبيره و توصل لي اهلي..

ووعدني انه راح يتصل على ربعه اللي دخلوا بكمبيوتره و بيزفهم ..



تعتقدون اللي سويته صح ؟؟

لا تحرموني من ردودكم

 

[m e m e]

ماسويتي شي غلط حبيبتي بالعكس انتي نصحتييه بس مو لدرجه انه توصل السالفه حق الأهل ترى اغلب الرياييل جذي
و اوهو عطاج كلمه فا طوفي
اذا لقيتي هالشي المره اليايه اهني تفاهموا بشكل اوسع

االله يهديه و يصلحه لج و يبعد عنه صحبة السوء يا رب

 

[اللوتس]

حبيبتي لاتظلمينه حراااااام
يمكن ينحرج من ربعه وصج هم اللي يدخلون ولو هو اللي يدش جان مسحه لان عنده خبر أنج بتفتشين وراه صح ولا لا

 

[أم الامراء]

اهو ماعنده خبره بالكمبيوترات كلش..

يعني مايعرف يمسح..

حبيباتي meme و اللوتس

ماتقصرون

 

[نواااال]

كل الرياييل جذي عندهم هالشغله ثقافه يعني من وجهه نظرهم
نصيحيتي لج طنشي الموضووع كله ولا تهتمين فيه ولاتكبرين الامور علشان ماتخسرين ريلج

 

[كل الحب]

نصيحة طنشى ولا بتصير بعدين جدامج عادى كل الرياجيل جذية

 

[أم الامراء]

بس شي يحر و يغث اذا شفتي ريلج يطالع هالوصخات

تسلمين نوال

 

[أم الامراء]

كل الحب صح كلامج بس هماً ماحب يكون ريلي يشوف هالشغلات

مشكوووره ماقصرتي

 

[سمار الشمس]

شوفي حبيبتي انتي كل مرة دشي عالهيستوري وشوفي شداش عليه ومتى وبس واذا على الشوفة انا اعرف بعد ناس يقيمون الليل ويطالعون هالسوالف استغفر اللهالظاهر عبالهم هالشي يغفر لهم عفب ما يطالعون هالبلاوي

 

[أم الامراء]

اي واذا لقيت شي بيقول لي ان ربعه داخلين

تسلمين سمار الشمس

 

[أوكسجين]

صح اللي سويتيه
واهم شي تبينيله انج واثقه ان اهو ماعنده هالسوالف

 

[غنوة ستايل]

لا تكبرين الموضوع المهم انج عرفتيه الصح من الغلط ..
والرقاصات بكل مكان يكفي يفتح قناه غنوة او اي قناه غنائيه بيشوف على كيفه
لا تسوين مشكله من ولا شي

 

[كـ غلا ــلي]

غلطانه اختي ماله داعي اللي صار لانه كل الرياييل جذي جان طوفتيها له هاذ طبع بالرياييل

ولاتكبرين الموضوع ... بدل لا تواجهينه مباشره نغزي عليه قوليه مثلا رفيجتي طاحت على ريلها يشوف اشياء وصخه بالنت واهيا المسكينه مو قصدها تنبش وراه بس الله افضحه و قالت له انصدمت فيك وطحت من عيني والله ما يرضا وراك حساب وعقاب باجر ومن هالسوالف وبجذي ضميره يتأنب ويحسها نغزه عليه المثل يقول اللي على راسه بطحه يتحسسها

لانه اهواا يمكن داخل هالمواقع ما بحط بذمتي وخاش عنج خوف على مشاعرج بس يوم كلمتيه مباشره واجهتيه ما عاد شي يخوفه منج لانج طحتي عليه

لاتدققيين واايد عطيها طاف طالما سوالفه يطالع بس انقول اشوه في ناس بلاوي تسوي تكلم بالتيلفون وتواعد وماسنجر
دام عالشوفه خليه ذنبه على جنبه بس تابعيه من بعيد لين بعيد عشان الشي لا يتطور عنده

 

[أم الامراء]

انا مشكلتي ماخش على ريلي..

ولو اشك فيه بشغله لازم اصارحه فيها بس مو على هواش !!

بس عشان يعرف اني مو غشيمه و ان الله بيفضحه..

وماحب سوالف التنغز لان ريلي ماراح يهمه و ادري شنو راح يسوي .. اقل شي بياخذ و يعطي معاي بالسالفه يعني يسوي روحه برئ

ماقصرتوا يا كويتيات

 

[زينة2008]

حبيبتي صح الي سويتيه
والله اغلب الريايل شذي ولو على الرقاصات التلفزيون متروس يقدر اطالع اب اي وقت وانا عن نفسي فى فتره من الفترات ريلي ينني علي سوالف البلوتوث الوسخه والحمدالله ترك الشي من نفسه
الله يعينج

 

[أم الامراء]

صح كلامج و ان شاءالله لو اهو صج اللي يشوف مو ربعه ان الله يهديه و يترك هالشغلات اللي تغثني

مشكوره يا المزيونه

 

[جوك احلى جو]

الله يسخره لج يارب ويغض بصره عن اللحم الرخيص

 

[جوجو.]

خلج متابعه الموضوع والكمبيوتر لما خلاص مايدش بس لاتوقفين حياتج على شي جذي يعني خلج طبيعيه وتمتعي مع زوجج دايما يعني اهو رجل خايف ربه
وهالشي ترى وايد ناس جذي مو حبا بالاثاره بحب الاستطلاع فقط

 

[كندوش]

حبيبتي اللي سويتيه صح بس لا تفتشين وراه انتي تتعبين ترى الرياييل كلهم جذيه عادي لا اتعورين قلبج ادري شي مو هين بس وكلي امرج لله وادعيله الله يهديه يمكن صج مو اهو ربعه عطيه الثقه انتي قلتيله مرتين وخلاص اهو وضميره

 

[Q8ia_100%]

لا اتطنشين
من راى منكم منكرا فليغيره

ترى هالبلاوي تييب الفقر اعوذ بالله من الفقر