اللي سويته غلــط او فكره يرفضها المجتمع...!!

[غٌربَة مَشَشآعِر]

مرحبا بنات
شلونكم :eh_s(7):

انا بدش بالموضوع على طول بدون مقدمات


قبل جم شهر امي وابوي سافروا دبي لمدة 3 ايام بس
المهم امي قالتلي روحي بيت عمتج عشان ماقعد بروحي
((اخواني موجوديين بس كله طالعين من البيت))
بما انه عمتي بيتها كله عيال ماراح اخذ راحتي
وهم عماني نفس وضع بيتنا كله شباب
..
فقلت حق امي ودي انام ببيت رفيجتي اللي اهما جيرانا بعد
((بنت وامها وخواتها الصغار وابوهم))
وانا متعوده عليهم بس مانام عندهم

المهم امي بالبدايه رفضت قالت فشله شنو بيقولون اهلي وعمانج
اذا عرفوا انج نايمه ببيت رفيجتج مهما كان بيت غريب

مع الاصرار وافقت

مرر الوقت جان تدري عمتي وبنات عمي اني بسفرة الوالد والوالده نمت ببيت رفيجتي
الا العالم استنفرت علي :eh_s(4):

"انتي شنو ماتعرفين العيب ماوراج اهل شلون تنامين في بيت غريب"
قلتلهم رفيجتي من عمر وهم جيرانا وابوهم ريال عود
وكلها 3 ايام شصار بالدنيا

المهم مسكوا هالسالفه علي :eh_s(2):
وانا لاعت جبدي حسيت اني مسويه جريمه :eh_s(4):
صج رفيجتي مانامت عندي قبل
بس عادي احس مو مسويه شي غلط
امي لهالوقت وهي تقول الشرهه على اللي بيطاوعج مره ثانيه



انتوا شرايكم :bbbiu:

بنظركم اللي سويته غلط
ولا المجتمع اللي حولي مكبر السالفه

..,

 

[غٌربَة مَشَشآعِر]

.....

 

[ام دليار]

طبعاً غلط حتى لو كانت صديقتك
أنا لوعندي بنت مستحيل أخليها تنام عند حدا غريب الزمان هذا مافي أمان

ياعمري ديري بالك على حالك حتى لوصديقتك كويسة ومؤدبة
بس الشيطان مامات

 

[mf6nt el3lat]

اي حبيبتي غلط .. فشله تنامين عند ناس غرب حتى لو قلتي اعرفهم من زمان بيت عمامج اولى فييج ...

 

[iLLuMinaTion]

غلط غلط

 

[رجــــه بـس رزه]

والله انا اشوف الوضع عادي بالنسبه لي شخصياا ..بس كان ممكن انج تقعدين عندهم طوول اليوم وتنامين فبيتكم ..اهلكم اشلون دروا ..؟؟

 

[Perfect J]

أحس موقفج غلط

يعني ما استحيتي من الريال الغريب حتى لو كبر ابوج
ومستحية من اولاد عمتج ؟

زين مو شرط تنزلي تقعدي معاهم
جان قعدتي ببيت وحدة من البنات وما طلعتي منها

والمفروض اخوانج اذا سمعوا هالوضوع قعدوا ببيتهم معاج
كلها 3 ايام بالكثير

بس هم مكبرين السالفة خلاص غلطتي وعرفتي غلطج
ماله داعي كل شوي الموضوع ينفتح

 

[بكمل المشوار]

عيييييييب وشق جيييب

 

[تذكر خافقي رمحك]

عادي
دام اهلج عارفين رفيجتج واهلها وواثقين من اخلاقهم
مافيها شي وانتي من حقج تروحين البيت الي ترتاحين فيه اكثر

 

[noni_q8]

Uppp

Uppp

 

[مشآعل مطير]

خلآص اللي فآت مآت
وهذآ درس تعلمي منه
البنت غآآآآآليه ولآزم تحآفظ ع سمعتهآ من آي شي ممكن يجيب لهآ الكلآم

 

[Unusual]

أكيييد اهلك ماخلوك تروحي عندهم الا هم واثقين في البيت الي حتجلسي فييه ..
وداااام ماعندهم شباب في البييت انا اشوف الموضوع عادي ..
صحيح هي غريبة شووووي ومجتمعنا مايتقبل اي شي جديييد ..

بس اهم شي امك وابوك راضييين خلاص اش عليييك في الناس ..

واذا احد قالك قوووولي دام القاضي راضي اش دخلكم ياملاقيف ..

اهم شي وسعتي صدرك عند صديقتك .. وغيرتي جو ..

والانسان من حقه يختار المكان الي هو يرتاح فيه ..

 

[shai5at al3arab]

صح فشلة جدام اهل رفيجتج بيقولون هذي وين اهلها

 

[المرتاحة]

دام ابوج راضي ما عليج من احد

 

[فيمتو.]

شوفي بشكل عام شي غلط أنه البنت تنام ثلاث أيام عند بيت ناس غرب لا يصيرون لها من قريب ولا من بعيد.
بس دام الموضوع أن بيت جيرانكم مافي الا أم وبناتها وابو شايب، هني تصير السالفه عاديه ومو عيب.

 

[يارب احفظ عيالي]

اي والله غلط غلط غلـــــــــــــــــــــــــــــــــــــــــــط

 

[ليـن الـِورد]

بصراااحه عييييييب
المفروض قاعده ببتكم واخوانج معااج
موو لازم 24سااعه يكوونون موجوودين بسس يعني يكوونون قريبين من البيت
بسس خلاص سالفه وصارت لاتكبرون الموضوع

 

[حقـوق]

شوفي بشكل عام شي غلط أنه البنت تنام ثلاث أيام عند بيت ناس غرب لا يصيرون لها من قريب ولا من بعيد.
بس دام الموضوع أن بيت جيرانكم مافي الا أم وبناتها وابو شايب، هني تصير السالفه عاديه ومو عيب.

انا نفسها .. ولاتكبرين الموضوع .. طااااف

 

[♥F6oOM♥]

صرآحـه غلـط ... !
لوو نآيمه ببيت عمـج آآآهوون
عسآج ع القوة​

 

[عاشقة هواك]

دام ابوج راضي ما عليج من احد

انا وياها