اللي سويته صح ولا غلط؟ أبي شوركم

[الصابرة المحتسبة]

صبحكم الله بالخير\مساكم الله بالخير

الصراحة في حجي بقلبي يقرقع وحارني وان قايله ومنبه جم مرة عن الخدم وسوالفهم وخصوصاااا مع عيالنا .

كنت قبل جم يوم في مكان عام صوب الدوارف وألعاب اليهال شفت خدامتين ماسكين اليهال واحد منهم داون(مغولي) عمره مايتعدى السنتين الياهل ماسوى شي يبي يروح مني مناك يعني امه مطرشته مع الخدامه علشان يلعب وست الحسن والجمال تبي تسولف مع الخدامه اللي معاها وتجر الياهل اول مرة وثاني مرة الياهل يبي يلعب قاعد يشوف اليهال يتحركون ويتزحلقون جان تطقه اطراااق اهني احترق قلبي شوي الا امه جات تبي تعطي الخدامه جراغي علشان يستانس الياهل لما خلصت خذيتها على صوب وفهمتها اللي صار بطريقة هادية وانها لازم تراقب الخدامه الأم شحليلها تقبلت الحجي مني ماعصبت وقالت انتي شكو؟؟؟ جان تقول : هذي مو خدامتي خدامة أمي وانا احطها عنده لي رحت الدوام .

الحين انا غلطت لما قلت لأمه ؟؟
من رايي اللي عندها ياهل وماعندها خدامه تحطه بالحضانه الممتازة اللي سمعتها زينه.

 

[أم عبووووود]

انتي صح 100 % بس اشوه انها ما قالت مالج شغل لان في امهات مايرضون

وتدرين الصابرة بعض الخدم تشوفينهم بالاماكن العامه ودج تنتفينهم شلون تعاملهم بالبيت مع هاليهال وبعض الامهات الله يهديهم عندهم اهمال مو طبيعي بسبة الطلعات واليمعات وحتى السوالف بدون مراقبة هالخدم وتقول لج الخدامة ثقه وين الثقه ؟؟ والله اللي عندها طفل معاق او تخلف او اي شي من هالامراض لا تثق بالخدامة لو انها شنو ؟؟ ماكو على قلب الام والله

في وحدة اعرفها عندها طفل معاق وكل الخدامة مجابلته الاكل اللبس كل شي حتى السهر مع الخدامة وامه تنام هالياهل مسكين مرة احترق بالماي الحار بالحمام الله يعزج وتصلخ ظهره ومرة فتح الماي بالبيت والماي وصل لي الغرف والخدامة نايمه ماتدري عنه وسواااالف وااايد والله تقطع القلب وبعد تخليه عند الخدامهصج الام ماتنلام وماتقدر 24 ساعه تجابل المعاق لكن مو كل على الخدامة حرام والله راح يتحاسبون عليهم

سامحيني الغالية طولت عليج بس هالموضوع يحرني

ربي يحفظ عيالي وعيالكم من كل شر

 

[ام ناييف]

انت سويتي اللي عليج بس والله تنحرين
من اهمالهم وقلوبهم البارده
ترى مو بس المعاقين ترى حتى الطبيعيين
شوفيهم مع الخدم بلاوي

انا شفت في مركز الوراثه اللي بالصباح طفل داون مع الخدامه والابوي قاعد يخلص معامله
والام بالبيت نايمه
والخدامه شكلها مقرف والطفل وسخ اسبوع مو متحمم
وجايبنه لا جنطه ملابس لا شي تشربه ماي وتمش حلقه بملابسه

الغريبه الكل كان يشوف ما احد تكلم
انا نفسي ما تكلمت لان الابو شكله مو مال تفاهم
وللحين صورة هالطفل تمر علي كل يوم مع انها صار لها فوق 6 شهور
حسبي الله ونعم الوكيل

 

[مشاعل الشمري]

على راسي يالصابرة واللي سويتيه عين العقل خل اتعرف هالمخلوقه اللي عندها الياهل شنو؟
والله يعين هالامهات اللي يداومون ويخلون عييلهم

 

[سمسومه الحبوبه]

زين ماسويتي بريتي ذمتك
على الأقل نبهتيها
حسبي الله على ذا الخدامات شر لابد منه

 

[المستغفرة 74]

انت صح
وجزاج الله خير وعساها بميزان حسناتج
وعادي حياتي ياما امهات قلوبهن باردة وانا شفت بعيني وصارت فيني مواقف ما اتذكر الا وحدة
كنت بالهدة بالروضة وانا مناوبة وقاعدة انطر اهل الاطفال عشان ياخذونهم وانا بالاثناء هذي كانت عندي بنت باولى روضة قامت فجاة وحظنتني وهي تبجي من الخوف وتصيح وتقولي لالا ابلة لا تخلينة ياخذني لا لا انا سالتها ليش حبيبتي شفيج ومنو هذا الي انت خايفة تروحين معاة وقسما بالله يالصابرة البنت وهي تبجي حاطة ايدها على (----) وانا خفت وقلت لازم اتدخل بالموضوع لان حرام .وبعد ما هديت البنت جا السايق وناداها وفامت امسكتني وتبجي جان اقرب منة واساله ليش البنت تبجي وتقول ما بي اروح مع السايق شنو فية .سوى نفسة ما فهم كلامي وانا كنت معصبة وشوي ابي اطقة جان اخذت اسم البنت ورحت اخذت بياناتها من ملفها بالسكرتارية وادق على الام ابيها تجي واشوف شالسالفة وابي انبهها عالسايق الي امنتة على بنتها تخليية يوديها وييبها برووووحة للروضة؟
عاد توقعين شقالت : هذا سايقنا من زمان وهو مربي عيالنا واحنا نثق فية وانت يابلة لا تحطين بذمتج وتتبلين عالناس.انا انصدمت من برودها وردها لي.الله يعين .

 

[الصابرة المحتسبة]

انتي صح 100 % بس اشوه انها ما قالت مالج شغل لان في امهات مايرضون

وتدرين الصابرة بعض الخدم تشوفينهم بالاماكن العامه ودج تنتفينهم شلون تعاملهم بالبيت مع هاليهال وبعض الامهات الله يهديهم عندهم اهمال مو طبيعي بسبة الطلعات واليمعات وحتى السوالف بدون مراقبة هالخدم وتقول لج الخدامة ثقه وين الثقه ؟؟ والله اللي عندها طفل معاق او تخلف او اي شي من هالامراض لا تثق بالخدامة لو انها شنو ؟؟ ماكو على قلب الام والله

في وحدة اعرفها عندها طفل معاق وكل الخدامة مجابلته الاكل اللبس كل شي حتى السهر مع الخدامة وامه تنام هالياهل مسكين مرة احترق بالماي الحار بالحمام الله يعزج وتصلخ ظهره ومرة فتح الماي بالبيت والماي وصل لي الغرف والخدامة نايمه ماتدري عنه وسواااالف وااايد والله تقطع القلب وبعد تخليه عند الخدامهصج الام ماتنلام وماتقدر 24 ساعه تجابل المعاق لكن مو كل على الخدامة حرام والله راح يتحاسبون عليهم

سامحيني الغالية طولت عليج بس هالموضوع يحرني

ربي يحفظ عيالي وعيالكم من كل شر

هلا بالغالية
واااي عورني قلبي على اللي احترق ياربي تعينا وترحمنا برحمتك وتغفرلنا .

 

[الصابرة المحتسبة]

انت سويتي اللي عليج بس والله تنحرين
من اهمالهم وقلوبهم البارده
ترى مو بس المعاقين ترى حتى الطبيعيين
شوفيهم مع الخدم بلاوي

انا شفت في مركز الوراثه اللي بالصباح طفل داون مع الخدامه والابوي قاعد يخلص معامله
والام بالبيت نايمه
والخدامه شكلها مقرف والطفل وسخ اسبوع مو متحمم
وجايبنه لا جنطه ملابس لا شي تشربه ماي وتمش حلقه بملابسه

الغريبه الكل كان يشوف ما احد تكلم
انا نفسي ما تكلمت لان الابو شكله مو مال تفاهم
وللحين صورة هالطفل تمر علي كل يوم مع انها صار لها فوق 6 شهور
حسبي الله ونعم الوكيل

هلا امناييف
صاجة شكثر نصادف مثل هالنماين من الخدم حسبي الله عليهم وبعضهم يتعمدون نسيان الجنطه .

 

[الصابرة المحتسبة]

على راسي يالصابرة واللي سويتيه عين العقل خل اتعرف هالمخلوقه اللي عندها الياهل شنو؟
والله يعين هالامهات اللي يداومون ويخلون عييلهم

يسلملي راسج يامشاعل
بس والله امه حبوبه والفقيرة ماتدري يمكن ربي طرشني لها علشان تنتبه

 

[الصابرة المحتسبة]

زين ماسويتي بريتي ذمتك
على الأقل نبهتيها
حسبي الله على ذا الخدامات شر لابد منه

هلا سمسومه الحمدلله ريحت ضميري
والخدم شر لابد منه

 

[كوووكتيله]

يا مال كسر الايد للخدامه و في ناس لو تصيحين عادي خلي الولد يعتمد على نفسه امحق جذي يعتمد على نفسه
اختي كلامج كل صح
تقبلي مروري

 

[الصابرة المحتسبة]

انت صح
وجزاج الله خير وعساها بميزان حسناتج
وعادي حياتي ياما امهات قلوبهن باردة وانا شفت بعيني وصارت فيني مواقف ما اتذكر الا وحدة
كنت بالهدة بالروضة وانا مناوبة وقاعدة انطر اهل الاطفال عشان ياخذونهم وانا بالاثناء هذي كانت عندي بنت باولى روضة قامت فجاة وحظنتني وهي تبجي من الخوف وتصيح وتقولي لالا ابلة لا تخلينة ياخذني لا لا انا سالتها ليش حبيبتي شفيج ومنو هذا الي انت خايفة تروحين معاة وقسما بالله يالصابرة البنت وهي تبجي حاطة ايدها على (----) وانا خفت وقلت لازم اتدخل بالموضوع لان حرام .وبعد ما هديت البنت جا السايق وناداها وفامت امسكتني وتبجي جان اقرب منة واساله ليش البنت تبجي وتقول ما بي اروح مع السايق شنو فية .سوى نفسة ما فهم كلامي وانا كنت معصبة وشوي ابي اطقة جان اخذت اسم البنت ورحت اخذت بياناتها من ملفها بالسكرتارية وادق على الام ابيها تجي واشوف شالسالفة وابي انبهها عالسايق الي امنتة على بنتها تخليية يوديها وييبها برووووحة للروضة؟
عاد توقعين شقالت : هذا سايقنا من زمان وهو مربي عيالنا واحنا نثق فية وانت يابلة لا تحطين بذمتج وتتبلين عالناس.انا انصدمت من برودها وردها لي.الله يعين .

هلا بتفاحة ويجازيج ربي
واااي سالفة البنيه كش شعر جسمي وسوالف ما لها أول ولا آخر بالروضة وصاجة بعض الأمهات مايتقبلون الحجي من المدرسة ومايرضون على خدمهم ما يدرون ان اللي مو على دينك مايعينك الله يستر على بنياتنا وعيالنا

 

[الصابرة المحتسبة]

يا مال كسر الايد للخدامه و في ناس لو تصيحين عادي خلي الولد يعتمد على نفسه امحق جذي يعتمد على نفسه
اختي كلامج كل صح
تقبلي مروري

هلا يالغالية ومشكورة على المشاركة

 

[ام نوونه]

والله عين العقل الياهل شنو ذنبه تطقه الشر اللي امه اللي قاطتة بيت الخدم اللي مافي رحمه
بقلوبهم وانا لو مكانج جان سويت اكثر من جذي بعد ما اتحمل اشوف هالمناظر جداميل
جان يمكن خذيت الياهل من الخدامة ووديته عند امه بس صج في ناس السانها طووويل
وماتتحمل كلمه انا وني اييب خدامة وما اقدر اخلي ولدي عندها ولدي كله عندي
مع اني حامل الحين وماشالله ولدي 3 سنين بس انا اللي اشيله واغسله واسبحة ما احبهاااا
بس يايبتها حق الشغل وولدي عندي لان مالهم امااااااااان
واذا على قولج تداوم خل تودية حضانه احسن من الخدامة

 

[الصابرة المحتسبة]

هلا ام نوونه
حياتي اميمته فقيرة ما غلطت تبي تونس ولدها بالدوارف
بس هالخدم البعض منهم مايبين بعينهم

 

[@شمس الضحى@]

بالعكس ماغلطتي فديتج الله يجعله بميزان حسناتج
المفروض الواحد مايشوف الغلط ويسكت زبن سويتي ونبهتي الام

 

[الصابرة المحتسبة]

هلا ياشمس
اي والله حرتني هالخدامة لا بعد مسلمة؟؟؟؟؟؟

 

[@شمس الضحى@]

عساهها الحره بقلبهاا هالخدامه
الحمدلله اني ما اخلي اسومتي عند الخدم
هذا الي يخوفنييييي منهم غياااب الضميرر وقل الوازع الديني

 

[مشاعل الشمري]

يسلملي راسج يامشاعل
بس والله امه حبوبه والفقيرة ماتدري يمكن ربي طرشني لها علشان تنتبه

المخلوقه قصدت فيها الخدامه
والله يعين هالطفل

 

[& الذاهبه &]

جزاج الله خير يا الصابره انتي ماغلطتي كلش وعسااج على القوه