اللي سويته صح ولالا

[Kitty^_-Kat]

سلام عليكم

بنات انا وحده مواظبه على الشغل ماتأخر ماغيب كلش وكنت توني طالعه من حادث يعني قعدت فتره 5 اشهر تقريبا لمن تعدلت ورديت داومت بس باداره يديده وهمه عرفو السبب انه ماعندي سياره واخاف مثل ماتقولون فوبيا فاهلي يوصلوني وياخذوني علشان جذي غيرت الاداره لانها بعيده عن بيتنا

المهم موهذا موضوعنا من رديت ماغيب ولااتأخر وشغلي حلو اللهم شويه اغلاط بسيطه كانت المسؤله تقولي عنهم
بس مثل ماستوعبت الغلط ورديت غلطت مرتين جان تعصب ودز فيني انذار ماكلمتها

بس قلتلها انا انسانه اغلط حالي حال الكل وموقصدي اتعمد اغلط مرتين وثلاث بس لانه تخربطت عندي السالفه بس الحين فهمت وامس شغلي مافيه غلط كللللللللش

ماتحاجيني ومنفسه علي سلام ماترد وتقولي شغلج شغل حيالله والفتره اللي فيها بالشغل المفروض عارفه انتي ماقولج يعني حتى ماراعت اني طالعه من حادث اوكي بس احتمال اكون ناسيه :///

مره قالتلي انتي طابعه وورقه من ساعه 10 وماخذيتيها اقطها بالزباله باعصااااااب قلتلها انا ذاكرتها موناسيتها بس عندي جم معامله كله على نفس هالورقه اللي طبعتها وبطبعها كامله اخر الدوام كانت ساعه 3 قلتلها بس امشي الشغل اللي بيدي بكملها قالتلي شدعوه من ساعه 3 مالي شغلج فيج قلتلج راح اقطها جان اعصب من ضغط الشغل

والله موحاسه بنفسي واقولها ترا انا منشقه بالشغل وانتي تحاجيني على ورقه قتلج اخلص واخذها جان تقولي ليش تصارخين هذا شغلج بعد اقل شي اصكج انذار جان اقولها صكيني

وفعلا اليوم ييت ولا المدير يكلمني نه يبون الاداره يكلموني عشان مشتكيه علي اهيا قالي تطلعين الساعه 11 لانه 12 هناك تكونين قالي ماعندج سياره قلتله لا بس ادق على عمي واقوله مومشكله سكرت وخلصت عمي ناطرني برا جان يقولي لغت المقابله خلاص ردي قعدي قلتله ماقدر اقعد قصت وي عمي ناطرني موسايق عند ابوي اهوا

قالي خلاص طلعي وهوا اللي ياني كان ريلي مستأذن من دوامه ويايني من بعيد بعد احس اني بتأنيب الضمير اني جذبت
بس بنفس الوقت هم ريلي بيعصب مطلعتني واخر شي تقولين روح ارجع هم موحلوه

مادري سويت صح اني طلعت ولا المفروض اقعد