اللي سويته بزوجي صح والا غلط ؟؟

[ايمان 24]

السلام عليكم ورحمة الله وبركاته
اشلونكم كويتيات
اليوم راح زوجي الجمعيه وشرا اغراض حق بنتي بحدود عشرين دينار
ولمن وصل البيت قالي ترى ماعندي فلوس انا شريت حق بنتج اغراض عطيني عشرين ؟؟
وانا كنت بروح السوق قلت له انزين لمن ارجع اعطيك ؟
قال عطيني الحين اروح اسحب واخذ ؟؟
قلت له بروح السوق الحين لمن ارجع اعطيك ؟؟
عصب وزعل على باله اني بخلانه عليه
قالي خلاص مابي منج شي وطنقر
وانا عندي احساس 70% انه جذاب عنده فلوس بس فيه جزء من البخل اذا دفع يتمنن ..
والحين اكلمه يرد علي بنفسيه
شسوي ؟؟؟؟؟؟؟؟؟؟ هل صج انا بخلت عليه والا اللي سويته صح ؟؟

 

[احلى ـآ وحده]

رد : اللي سويته بزوجي صح والا غلط ؟؟

امحق على 20 ؟؟ شدعوا عليه المشكله انها لبنته ..

لا تشجعينه وتعودينه على البخل ..

 

[lovely jojo]

امبيه ليش جذي ...
اهو المسؤال عن بنته شكو تعطينه فلوس ..

 

[رااميس]

رد : اللي سويته بزوجي صح والا غلط ؟؟

ماعليكي منه اذا متاكدة انه معاااااه فلووووووووس طنشي السااااالفه
لاتعودينه على كل شي تعطينه البنت مو بنتك لوحدك .

 

[نشيج الروح]

هو الي ملزوم يصرف على بنته مو أنتي .... ولا له حق يطلب منج الضروريات ... بس إذا كانت ظروفه صعبه فأنتي هني لج الخيار تعطينه أو لا ... وإن عطيتيه بتزيدين المودة وإن ما عطيتيه ما له حق يتحلطم ويزعل ...
الي عليج أنج تسوينه ليما تهدى الاوضاع كلميه بخصوص هالموضوع
وسلامتج

 

[بتبوتااا]

. انزين بنته ملزوم يصرف عليها !
عالعموم يا قلبي لا تعودينه على هالطبع , حاولي شوي تعودينه يصرف عليكم بدون مقابل او اثر رجعي !
.

 

[روحي زوجي]

رد : اللي سويته بزوجي صح والا غلط ؟؟

من صجج هي بنتج بروحج ؟؟؟

حبيبتي لا تعطينه ولا فلس

بنته ويصرف عليها شكله مايصرف عليج انتي بعد هللي طنقر وتمنن عليج

ــــــــــــــــــــــــــــــــــــــــــــــــــــــــــ


اهتمي بنفسج وقت الدوره مع افضل والذ عصيده <<< بالصور

http://www.q8yat.net/showthread.php?t=754155

 

[مرت راعي التاكسي]

اسمحيلي اقول لك

لو فية رجولة كان ما طلب فلوس من مرة حتى لو انة متعسر

والبلوة ان الفلوس اللي دفعها لوازم بنتة قبل لا تكون بنتك وهو المسؤول الوحيد فيها حتى لو انك موظفة منتي ملزومة بالصرف عليها الا بالطيب

لا تعودينة انة ياخذ منك مقابل شي يدفعة لك والا لبنتك الا بطيب منك

واخيرا اقولك ترا الحياة مشاركة بين الزوجين والوقت هذا متطلباتة كثيرة واذا ساعدتية ترا ما فيها شي بس خلوا الماديات بعييييييدة عن حياتكم

 

[فاقده حنان ابوه]

لا تعطينه شكو هذا واجبه يصرف على بنته

..

 

[منوووووله]

الي سويتيه صح

دام عنده فلوس ليش متحسرعالعشرين الي دفعهم حق بنته واهوا اصلا ملزوم فيها

شكلج من البدايه معطته ويه بسالفة الفلوس

 

[شيخة المعازيم]

رد : اللي سويته بزوجي صح والا غلط ؟؟

شخباري عشرين دينار وبعدين هذي بنته ولا بنت الجيران؟؟؟؟
سويله طاف ....ما عنده سالفه من صجه هذا

 

[غدووور الكويت]

رد : اللي سويته بزوجي صح والا غلط ؟؟

حلو انه الوحده تساعد ريلها بس مو حلو انه يستغل هالشي اهو ملزم يصرف عليج وعليها
الله يسخره لج

 

[monmon12]

عمري جنج

ما دريتي انه زعل

بس يمكن هذي ال20 محتاجها بيطلع قهوه او شي

يعني انتي ادرى اذا ايهو بخيل او لأ

اذا بخيل زين سويتي فيه علميه يصرف على البيت

اذا انتي تدرين انه مو بخيل راضيه قوليله حياتي ال20 ما تسوا زعلك فداك ال 1000 مو بس ال20

 

[Miss McDonald]

رد : اللي سويته بزوجي صح والا غلط ؟؟

.


وعليكم السلآم ,

آللي سويتيه صح بس اسلوبج غلط !!!



آلله يسخره لج ,

عدد المتواجدون في هذا الموضوع » 7 , عدد الأعضاء » 3 , عدد الزوار » 4
‏Miss McDonald, ‏G!RLooNa, ‏Milk^Shake

كل عآم وأنتي بخير !

 

[][ sarah ][]

سؤال داش عرض يمكن
بس اهيا بنته ؟ والا بنتج من ابو ثاني ؟
لان حسب اللي كتبتيه حسيت انها مو بنته

 

[غــلآ]

رد : اللي سويته بزوجي صح والا غلط ؟؟

لا ماغلطتي بشي

بنته واهو ملزوم يصرف عليها


ياليت طالبها باسلوب حلو بعد لووول اهم شي شريت اغراض لبنتج يعني مو بنته مثلا ؟؟

الله يهدي سركم ويتمم عليكم

 

[ام شووووق]

رد : اللي سويته بزوجي صح والا غلط ؟؟

صح اللي سويتيخ

 

["اسطورة العشق"]

لا زين تسوين و مدام زعل يعني يات منه
عطي طااااف على قد زعلته و سكتي عنه يعني زعل و زعل خلاص لا تعودينه ترديله لفلوس

و من يوم و رايح علميه ما ترديله فلوس اهو ملزوم يصرفها .. يزعل مره مرتين و بعدين يتعود

 

[مناير ...!]

رد : اللي سويته بزوجي صح والا غلط ؟؟

بنته وملزم يصرف عليها

 

[al-musk]

رد : اللي سويته بزوجي صح والا غلط ؟؟

انتي ادرا لو كان بخل فتصرفج اكيد مو غلط وعادي طنشي الحين ولا جنج فاهمه شنو السالفه