اللي سوو الليزك حق عيونهم . ضروري دشو الله يخليكم لاني سويتها بس ...؟

[sweety_gurl]

صباح الخير

شلونكم بنات

في شي شاغلني حيل وابي رايكم خصوصا اللي جربو عملية الليزك ..

انا سويتها من اسبوع

والحمدلله النظر تمام بس عندي عين نظرها شوي اخف من الثانيه يعني وحده 6/6 والثانيه بس الاحرف الصغيرررررره حيييييييييييييييل ماتبين عدل..

المهم دكتوري قالي عادي ومع الوقت تصير مظبوطه

انا خايفه يكون قص علي ومتوهق !

بنات ابي اعرف النظر صج يثبت ويتعدل مع الوقت؟ والا اهو عفسني وتوهق؟

الرجاء بس اللي يعرفون يجاوبون​

 

[sweety_gurl]

????????????????????????

 

[بنفســـــج]

هلا اختي

بالنسبة لي انا عين منهم كانت تمام 100% والثانية خلال العملية حركتها وصارت نفس حال الي قلتيه , بس ما احس بالفرق بينهم الحمد لله

اول اسبوعين الرؤية ماكانت واضحة حيل ومزعجة ومضببه لكن بعد الاسبوعين الحمد لله الحال تمام

ما ادري بفكرة يتعدّل الوضع معاج والا لأ ؟؟! لأنه لو كان السبب من العملية نفسها ما اظن يتعدل لكن لو الوضع بسبب مابعد العملية عادي خلال اول اسبوعين راح تشوفين تعدّل الوضع

مااظن الدكتور قص عليج لأن المسألة تصير خلال العملية تتقبل العين أو ما تتقبل الليزر , وحتى الضعف الموجود عندي الحين نسبته ما تبيّن ولا احس فيها ابد الحمد لله

الحمد لله على سلامتج وربي يتمم عليج الصحة والعافية

 

[كيكه]

لا عادي اختي انا نفس حالتج ومع الوقت كل شي يصير اوكي لا تحاتين والحمدلله على سلامتج

 

[جروح76]

واااااااااااااي حدي خايفه آنا بعد ناويه أسويها الشهر الياي لكن وايد أحاتي لأن زوجي لما سواها من 5 سنين حاشه ضغط بالعين وقاله الدكتور إنه هذا عادي يجي غالبا حق الي يسون ليزك.
بس بسألكم صج يجي حق الكل ؟
وهم بعد بنت حماتي سوت تشطيب نوع ثاني من اليزر لأن عندها مشكله في عيونها وهم قالها الدكتور راح يحوشج ضغط بعيونج بعد فتره من العمليه.
والحين آنا شسوي؟؟؟؟؟؟