اللي سووا تلقيح صناعي اختكم محتاجلتكم

[زهور المحبة]

السلام عليكم

بنات تكفون فيدوني والله محتاره وذبحتني المحاتاة

شلون طريقة التلقيح الصناعي وهل في بنج او لا؟

شتحسون بعد العمليه هل لازم ترتاحون جم يوم ما تتحركون هل تروحون لبيت اهلكم جم يوم

ياربي رحمتك والله راسي بينبط

تكفون قولوا لي تجاربكم

 

[مرا111حب]

الله يسهل لج واله ما عرف اتمنى البنات يساااعدونج

 

[حبيبة حمووود]

الله يرزقج بالذريه الصالحه امييييييييييين
مافيه بنج والتلقيح ماياخذله دقيقه 90 ثانيه ومافيه عوار حيييل عواره نفس الدوره خفيف ولازم تنامين ع ظهرج ساعه وبعدين تعيشين طبيعي بس مو تعبين روحج يارب يرزقني ويرزقج وكل محرووومه اللهم امييييييييييين

 

[Coffee-Girl]

الله يرزقج حبيبتي بالذريه الصالحه

 

[الفريده]

هلا حبيبتى مثل ماقالتلج حبيبة حمود

العمليه سهله جدا ومافيها بنج ولا شى بس يبيلج الراحه ثم الراحه ثم الراحه ويكون الجماع عاادى
والله يرزقج ويرزق كل محرومه بالذريه الصالحه

 

[زهور المحبة]

اللهم امين الله يستجيب منا ومنكم

جزاكم الله خير يالغالين

 

[sweet-rose]

السلام عليكم ،

الطريقة نفس الفحص العادي بس فيه عوار بسيط وبدون بنج وعقب ما تحقن الطبيبة السائل اتمين منسدحة ساعة او ساعة الا ربع وبعدين اذا رديتي البيت لازم يصير فيه جماع ... ومعلومة من الطبيبة اللي اعالج عندها يفضل انه الزوجة توصل الاورجازم او النشوة لانه هذا يساعد السائل المنوي المحقون على الحركة ويزيد من فرصة تلاقي البويضة بالحيوان المنوي ووحصول التلقيح ويفضل الراحة لمدة ثلاث ايام وبعدين مارسي حياتج عادي وتحليل الحمل اتسوينه عقب 14 يوم من التلقيح .وبعد التلقيح باول ثلاث ايام راح اتحسين بالم اسفل البطن مثل الدورة وبعدين يصير الوضع عادي ... وانا بالنسبة لي بعد اسبوع حسيت بالم بالصدر وثقل بالصدر والحمد لله الحين انا حامل ... الله يتمم علي ويرزق كل محرومة ان شاء الله

 

[يارب احمل]

الله يسهلك ويرزققك بالحمال

 

[كويتية84]

الله يرزقنا ويرزقكم كلكم ترى تلقيح عادي ولا يعور واهم شي تكونين ريلاكس ومرتاحة عشان توصل الحيوانات المنوية .......

 

[احلى اسم بالكون]

اني سويتها وقالوا لي مافيه حماع نكتفي بالتلقيح

 

[ام جناتي]

ميخالف اسالكم؟
يعني التلقيح يسير اكيد حمل ولا احتمال ضعيف؟؟
ومنو احسن دكتورة؟؟ وشرايكم بدكتورة هدى الناصر؟؟
تقبلوا مروري