اللي سوت ملجتها بالبيت ؟

[HapPineSs]

السلام عليكم ..
شلونكم بنات شخباركم ... ان شاء الله تمام ؟

بنات بغيت اسألكم جم سؤال بخصوص الملجه .. حفلتي تقريبا بعد اسبوعين و بغيت استفسر منكم اللي عندها خلفيه بالموضوع لان متوهقه ومو عارفه اتناقش او اكلم احد .. الكل ضايع ولاهي مع نفسه وانا البجر وامي ماتعرف بهالسوالف.. ف اللي تعرف تساعدني يزاها الله خير

1- ابي كوشه بسيطه جداً + كراسي مع التلبيس + مسكه+ ورود بالصاله والممرات و يم الحمامات عزكم الله

2- ابي بوفيه خوووش واحد من طقة موفمبك .. لذيذ وراقي + خدمة سيرفس حق الحلو والقهوة وهالسوالف

3- دي جي حلوو .. اغانيه نقازيه فيها عراقيه خليجيه سامري شرقي .. بس شغل يديد مو داثر

4- ابي مصورة بس فوتغرافيه وايد زينه .. مابيها تطلعني كاسبر بالصوره ! ولا تحطلي الوان بخشتي على بو انه بتضيف لي لمسه جماليه .. يعني شغل زلمات مابي ههههههههههه يعني ابي شي يعطي اضاءة حلوه .. تتحين فرص حلوه وتعطيها جكه .. يعني تكون محترفه وفنانه

5- ابي زفه .. مابيها تكون حزينه واقعد اتنهوص ههههه ابي شي حلو نقازي مافيه رهبه والمهمممممممممم ان تكون قصيره لان كلها خطوتين واقعد مو من كبر صالة البيت ...

واخر شي باخذ رايكم .. مو شرط تصوير فيديو صح ؟ ملجه كافي تصوير فوتغرافي ان شاء الله بالعرس فيديو ؟

وبسسسسسسسسسسسس
بليييييييييييييز الللي تعرف ساعدني تقولي وتنصحني .. واللي ماعندها خلفيه ترفع لي الموضوع .. وبس

شكرا:eh_s(7):

 

[^^ROSE^^]

اول شي مبروك عالملجه
انا ما اعرف هالسوالف اللي تكلمتي عنها الا شغله وحده
التصوير روحي مصور مومنتس اللي بحولي مجمع سنام يم مجمع النقره الشمالي
تطلع صورج عجيبه جربناه بملجه اختي
ترى اللي تصور فلبينيه حتى الفيديو فلبينيه بس شنو تصويرهم عجييييب
ماتطلعج لا كاسبر ولا شي
بس تحسين صوره بروفيشنال
اخذي منهم ماراح تتحسفين

 

[HapPineSs]

مشكووووووووووره روز على مرورج وان شاء الله بسوي سيرج عليهم واشوف

 

[كتكات احمر]

البوفيه حجزي عند شهريار رويال موفنبك يمدحوونه

 

[HapPineSs]

اب اب اب اب اب اب

 

[HapPineSs]

كتكاات احمر شكلي ان شاء الله موفمبك .. بس اذا في احلى منه مايضر .. بس ابي راي باجي البنات

 

[a7la-elbanat]

هلا والله يالغلا : انا برد عليج حسب معرفتي البسيطه اول شي: 1- ابي كوشه بسيطه جداً + كراسي مع التلبيس + مسكه+ ورود بالصاله والممرات و يم الحمامات عزكم الله

الكوش في حريم اهني بالمنتدى يسوونلج ديزاينات رووعه شوي عليهم واذا ماناسبج السعر لان مرات يكون حييل غالي عندج بالوسيط وايد يسوون مع تلبيس الكراسي منهم .. المسكه عندج محل الجذور اللي بحولي وايد حلو حق المسكات وحتى ورود الصاله تقدرين تطلبينهم منهم

- دي جي حلوو .. اغانيه نقازيه فيها عراقيه خليجيه سامري شرقي .. بس شغل يديد مو داثر

بالنسبه للدي جي عندج باسم الردهان والطراروه حلوين وايد يشيلوونلج المكان شيل بس دامه فبيت يعني حلو طلبي الدي جي من مع التركيب سماعات وهالامور

ابي مصورة بس فوتغرافيه وايد زينه .. مابيها تطلعني كاسبر بالصوره ! ولا تحطلي الوان بخشتي على بو انه بتضيف لي لمسه جماليه .. يعني شغل زلمات مابي ههههههههههه يعني ابي شي يعطي اضاءة حلوه .. تتحين فرص حلوه وتعطيها جكه .. يعني تكون محترفه وفنانه

التصوير بصراحه حلاته الاثنينه فيديو وفوتو احلا كل لحظه تتصورين فيها وقت الدشه ووانتي قاعده والعالم تصور معاج يعني مادري برايي حلاته فيديو وفوتو للذكرى وعندج مومنتس اللي بحولي شغلهم وايد راقي ترى ومو اوفر كلش

ابي زفه .. مابيها تكون حزينه واقعد اتنهوص ههههه ابي شي حلو نقازي مافيه رهبه والمهمممممممممم ان تكون قصيره لان كلها خطوتين واقعد مو من كبر صالة البيت ...


في واااايد عاد تبين طلب من الدي جي يسوويلج نفسه باسمج تبين عادي بو 7 دقايق 10 دقايق هم موجودين شكثر بس حطي بقوقل يطلعلج طبي وتخيري
وحلوه زفة رويشد البنفسج انا اشوفها ذربه وماتبجي وكلامها حلو وانتي وذوقج عاد


اتمنى اكون افدتج ولو بشي بسيييط

تحياتي



2- ابي بوفيه خوووش واحد من طقة موفمبك .. لذيذ وراقي + خدمة سيرفس حق الحلو والقهوة وهالسوالف

البوفيه شوفي نصيحه دامج فالبيت عندج الوطنيه شغلهم راقي وذرب مع خدمة السيرفس تطلبينها منهم او من الوسيط كذلك في تقديم عليهم

 

[HapPineSs]

احلى البنات ..
بعد عمري ماقصرتي .. الله يعطيج الف عاااااااااااافيه

 

[a7la-elbanat]

الله يعافيج حبيبتي ماسويت شي

 

[جِراحُ الغَرام]

حبيبتي اولا ربي يتمم عليكم ويبارك لكم ان شاء الله
انا سويت ملجتي في البيت
الكوشه من الوسيط والورد محلات الورود اللي بحولي يورونج تشكيلات ممكن تختارين ( حسب ذاكرتي طلبت مزهريتين كبار ورودهم خضر واوف وايت كبار مو صغار طلعوا ب50 مع الورد اللي ينحط جدامي ماذكر جم طلع هذا )... بس طبعا يوم ركبو الكوشه طلع فيها نواقص بس زوج اختي تخصصه ديكور ماقصر ماشاء الله بنفس اليوم حط اضافات حلوه وضبطها .. المسكه تقدرين ملوت الورود نفسهم يسوون لج اذا عندج صوره تمام
الكراسي بعد من الوسيط ...
البوفيه ما اعرف لأن غالبا اهلي يطلبون من الوطنيه ... بس ما عمري ذقت اكل البوفيه لأني اكون مشغووله اذا كنت اخت العروس وبعرسي وملجتي ما كليت شي هههههه
وسامحيني بس باجي الاشياء ما عندي خبره فيهم

 

[" أضـــــوى "]

مبرووووك حبيبتي والله يوفقج ويسعدج

آولا بالنسبه للكوشه وهالسوالف
اذا ميزانيتج قويه .. روحي الديزاينر احمد الجمهور او اعتزاز الضبيب
اذا ميزانيتج وسط يعني حدود الــ 3000 روحي دزاينلا خالدالدريعي
اذا تبين شي مرتب وكلاس وسعره واااااااايد مناسب ومحدود عندج مركز هب السعد وين لفه نادي المعاقين يصير يسارج
اخذي منهم الكراسي البيج الي منقشه منها وفيها ومعاها فيونكه وووحطي ورد اوفوايت فازات ومن هالحركات
وهم ديجيهم حلو

العشا
تبين شي واااااااااااو عندج ابحار
واالشيراتون
وماريوت
ولانوتر
وفوشون

تبين شي حلوووو وايد وسعره مناسبب دانيش بيكري باليرموك بوفيههم زوووووووووووووووغه

التصوير

وااااااااااااااااااااااايد وااااااااااااااااااااااايد عجبني تصوير معرفي وايد حلو روحي وشوفيه

واتمنى اكون افدتج

 

[Sweeta Girl]

أضـــــــــــــوى :rerrerek: رايي من رايها بالتصوير و البوفيه

بس الكووش صراحة مو شايفه الي قالت عنهم بس اكيد وااو (( حسيتها انيقه باختياراتها )) :eh_s(17)::eh_s(17)::eh_s(17):

اذا تبين كوشه بسعر منااااسب حولي عندج محل اسمه الريف الهووولندي وايد حلووو

وفي مصممات بالمنتدى معانا شغلهم مرتب :eh_s(17)::eh_s(17)::eh_s(17):

الله يوفقج حبيبتي و عؤبااالي انا و العزابية كلهمممممم :ggdw:

:eh_s(17)::eh_s(17)::eh_s(17)::eh_s(17)::eh_s(17)::eh_s(17):

 

[aloooya]

اب اب