اللي سوت فحص شامل تدخل ولا عليها امر

[[]نهاوند[]]

السلام عليكم ورحمة الله وبركاته

بنات واللي يعافيكم اللي سوت فحص شامل تقول شلون الطريقه بالضبط وكم فحص وتحليل سوت

وشلون يعني اروح المستشفى واطلب تحليل من الرسبشن والا لازم ادخل على الطبيب

انا بسويه بمستشفى خاص طبعا

ياليت اللي تعرف تفيديني واكون شاكره لكم ​

 

[جاي الضحى]

أنا ساويت فحص شامل بس مو بل الكويت بس هذا إلي أتوقعه:

إذا بتروحين عياده خاصة تسوين الموعد على إنا فحص شامل....و يوم الموعد راح تفحصج ولا يفحصج
الدكتوره/دكتور ...ياخذون تحليل دم ويمكن بول مكرم القاريء.... ويعطونج تقرير عن التفاصيل يا في نفس اليوم ولا بعد جم يوم تيين تاخذينه ..... سهالات و انشاء الله ماكو إلى الخير.

 

[[]نهاوند[]]

اختي جاي الضحى مشكوره حبيبتي

اذا الفحص الشامل بس دم وبول وانتم بكرامه مايحتاج لأني فحصت قبل اسبوعين حق الوظيفه والحمدلله طلعت النتايج سليمه

بس انا ودي اطمن اكثر على الغدد والهرمونات وغيره

مشكوره حبيبتي على الفايده واللي عندها خلفيه اكثر لا تبخلي علي​

 

[حبيبتي الكويت]

انا زوجى توه مسوي فحص شامل بمستشفى خاص
عادى تطلبين من الرسبيشن فحص شامل بعدين يحولج على قسم التحليل وياخذ له ساعتين
على ما تطلع النتيجه ولما تطلع النتيجه تروحين للدكتور بنفس المستشفى يقرأ لج شنو مكتوب
وسلامتج حبيبتي

 

[[]نهاوند[]]

حبيبتي الكويت الله يسلمج ياقلبي

بس شنو الفحوصات والتحاليل اللي سواها زوجج بالضبط ؟؟

ياليت تفيديني ​