اللي سوت عملية التكميم تدخل ضروري

[MaMa & P!nK]

السلام بنات انا ودي اسوي العمليه التكميم وزني تقريبا 85 وطولي 157 منو تقرريبا نفسي وزني وسوتها لانه اخاف اسويها وانزل اكثر من اللي ابيه واصير هيكل عظمي ابي جم وصلتو بالوزن بعد سنه ولا سنتين واقدر اتحكم بوزني يعني اوقف عالوزن اللي اوصله ولا لا ؟

 

[om MaRyooM]

لاتخافين مارح تصيرين هيكل لوول


لأن بعد فترة يصير ثبات بالوزن .. ولازم انتي تكملين وتسوين دايت


انا على فكرة ماسويتها بس عاللي اشوفه من اللي حولي والوالدة بعد سوتها


بس اذا بحكومة لازم الوزن من 100 كيلو

 

[اميره بكلمتي]

انا مع كلام اختي ام مريوووم يعني تصيرين هيكل عظمي راح يوصل وزنج للوزن المثالي بعد فترهمن العمليه وراح تستمرين بالدايت ، بس ترا الحكومه مواعيدهم اطول مو اقل من سنتين

بس ليش مافكرتي بالحلقه احس مناسبه لوزنج ؟؟!

هذا رايي وانتي وكيفج

 

[am faisal]

ما يسون الا الوزن اللى فوق المية

 

[sheraZia_Q8]

احمد الشرهان أهوا الوحيد الي يسوي عمليات تكميم للناس الي اوزانهم بال٨٠
وماراح تصيرين هيكل لان بس توصلين للوزن الي تبينه تقدرين تاكلين كاكاو حبه بالاسبوع وخلاص يثبت الوزن ما ينزل اكثر

 

[نبض الربيع]

لاتسوينه عليك بالمشي ساعه كل يوم مشي سريع وتركي عنك التكميم حبوب وفتامينات تاكلينه طول العمر لو سوتيه امشي يامال العافيه وكفي اليد شوي من الاكل

 

[MaMa & P!nK]

مشكورين حبيباتي شوي طمنتوني واللي تقول سوي رجيم لاعت جبدي وجسمي حيل قابل للمتن

 

[تختوخه عسل]

حبيبتي ... رفيجتي تقريبا نفس اقل من وزنج شوي ونفس طولج يعني وزنها كان 81 وسوتها عند الهيفي
واللحين صار لها 6 اشهر ووزنها 66 وثبت وهيا معصبه تبيه ينزل ماتبي هالوزن