اللي سوت تكميم عند د خالد الشرف اتفضل

[ياحبنيلك]

مرحبا ياحبايب
انا انشاء الله عمليتي بعد كم يوم عند الدكتور خالد الشرف
بسوي تكميم
وياليت اللي سوت عنده تقولي شخبار العمليه وكم ساعه تمت وجم فتحه بالبطن
يعني اي معلومه مهمه تفيدني حتي بعد العمليه ماتبخل علي او اي وحده سوت تكميم
وعندها نصيحه ودها تقولي تقولها
وموفقين يالغاليات مالي غيركم اسالكم لاتبخلون علي

 

[الشوخ]

موفقة انشالله ولا اتحاتين سهلات ا

واي استفسار انه بالخدمة

​

 

[اميره بكلمتي]

تطلعين منها بالسلامة أن شاء الله

العمليه مدتها ساعه تقريبا وتظلين ساعتين او ٣ ساعات تحت الملاحظة
وأول يوم بتحسين بتعب وخمول وعطش وتقريبا نص يومج بيروح ع النوم وراح تظلين صايمه لي ثاني يوم
والفتحات راح تكون 5 فتحات دار مادار البطن طبعا بالمنظار
وأي استفسار بالخدمه

 

[M!SS.LOBY]

تطلعين منها بالسلامة

 

[ياحبنيلك]

يامال العافيه
الشوخ
اميره بكلمتي
m!ss.loby
تسلمون يارب
اليوم رحت لهم علشان اعطيهم نتايج التحاليل واروح لدكتور التخدير
عاد تسالني السكرتيره تبين ثقب واحد علشان يكون تجميلي والا عادي
احترت ماعرفت شقول انا حسبالي الدكتور اللي يحدد مو انا
بكره بدق علي د خالد وبشوف شيقول بصراحه ودي بس ثقب واحد بس اخاف تصعب العملبه وماتكون سهله
شرايكم اعوذ بالله من رديت انا افكر
ربي يسهلها علي

 

[الشوخ]

لا سويها ثقب واحد

ولا اتحاتين ولا اتفكرين

الا برشاقتج بعد العملية

وانه حياتج بتغير

انا بنت خالتي مسويتها عند الجارلله ثقب واحد

والحمدالله الحين قطت تقريبا35 كيلوا

انشالله فالج الرشاقة

والصحة والعافية​

 

[Mrs.Q]

والله والنعم بالدكتور سوى حق * من اهلي وكلهم صاروا سمبتيك وراح منهم السكر والضغط
توكلي على الله

 

[جوري الصالح]

سهــــــااالات